Тоа се големите  дилеми за што расправаме денеска, а партиите кои ги бројат придобивките жестоко полемизираат и прашуваат за што зборуваме -за гратис бројка пратеници кои по својот избор ги дискриминираат пратениците во Македонија или за вистински народни избраници и претставници кои треба да знаат  кого застапуваат. Дијспората не треба да се игнорира и треба да се респектира нејзиниот удел и глас, но под рамноправни услови како и за македонскиот пратеник, велат од експертската јавност. Има форми кои можат да се договорат, електронски гласови, или гласање во матичната држава, но бројот на гласачите ист како и бројот за избран пратеник во Македонија- никако поинаку. 10.000 за пратеник во Македонија и 800 во дијаспора е измама, кражба и  дискриминација и не може понатаму да опстојува, порачуваат и експертите и партиите, при што е нарушен еден од базичните принципи за еднаквост на гласот дефиниран во препораките на Венецијанската комисија.

Една држава, еден закон еднакви права – тоа е демократија и тоа се правилата на игра!

Колку за потсетување на последниот изборен циклус за организација на гласањето на дијаспората при што во сите три изборни единици кои ги опфаќаат Македонците надвор од Македонија гласале вкупно околу 7 000 гласачи, за тој процес биле вложени 1,1 милион евра или цели 25 % од вкупните трошоци за организација на изборниот процес.

Гласањето на дијаспората е најавено како главна точка на дневен ред од состанокот на работната група на четирите политички партии сo посредникот на Европската унија Питер Ван Хојт, закажан за денеска попладне.

Работните групи на партиите по договорот од Пржино, расправаат околку два аспекта на гласањето на дијаспората: еднаквоста на гласот во Македонија и оној во дијаспората и вториот околу рационалноста на финансиските средства вложени во овој процес.

Дијаспората за прв пат гласаше на претседателските избори минатата година. Гласаа државјаните на Република Македонија кои се на привремен престој во странство повеќе од 3 месеци или се на привремена работа или престој во странство повеќе од 1 година.

И З Б О Р Е Н  З А К О Н И К

Член 41

(1) Избирачкиот список го води Државната изборна комисија.

(2) Избирачкиот список се води според Регистарот на државјаните во вид на регистар на избирачи со автоматска обработка на податоците на магнетен медиум.

(3) Личните податоци на граѓаните во Избирачкиот список се запишуваат на јазиците и писмата на кои се водат податоците во изворните евиденции, во согласност со закон.

(4) Во Избирачкиот список се запишуваат сите граѓани со наполнети 18 години живот кои имаат живеалиште на територијата на Република Македонија, а кои имаат важечка лична карта или патна исправа.

(5) Во Избирачкиот список се запишуваат и сите државјани на Република Македонија
кои се на привремена работа или престој во странство, со живеалиште на територијата на
Република Македонија и со важечка патна исправа. Овие лица се запишуваат според
нивното  последно  живеалиште  во  Република  Македонија  пред  заминувањето  во
странство.

(6) Во Избирачкиот список не се запишуваат граѓаните на кои со правосилна судска одлука им е одземена деловната способност.

(7) Во Избирачкиот список граѓаните се запишуваат според општината на чие подрачје имаат живеалиште.

(8) Од Избирачкиот список се изготвуваат изводи за секоја изборна единица, општина и избирачко место.

(9) За изборите што истовремено се спроведуваат, се издаваат толку потпишани изводи од Избирачкиот список за секое избирачко место колку што има видови избори, односно изборни кругови.

(10) Содржината на Избирачкиот список, односно изводите на денот на изборите (прв круг) не можат да се менуваат до завршувањето на изборите.

(11) Средствата за ажурирање и изготвување на Избирачкиот список се обезбедуваат од Буџетот на Република Македонија. 

.....................................................................................................................................

Колку што јас читам, кажува државјани на РМ со ПРИВРЕМЕНА РАБОТА ( а не е кажано што се подразбира под привремена работа, во смисол на временски период) ИЛИ ПРЕСТОЈ ВО СТРАНСТВО (ваљда се подразбира ПРИВРЕМЕН престој во странство, а повторно не е кажано за кој временски период се подразбира ПРИВРЕМЕН ПРЕСТОЈ).

Ако некој е во странство 10, 20 и јаче години и има работа на некое си неопределено време во некоја си таму странска компанија, тоа подразбира привремена работа???

Ако децата на тој некој по автоматизам имаат државјанство на РМ, кое јас лично никако не би го спорел, напротив, но се во таа странска држава 10, 20 и јаче години, односно за Македонија слушнале само од нивните родители, а тука биле само на викенд -одмор или воопшто и не биле, тоа подразбира дека они се на привремен престој во странство ? 

И ако стои во законот "СО ЖИВЕАЛИШТЕ НА ТЕРИТОРИЈА НА РЕПУБЛИКА МАКЕДОНИЈА" , тоа подразбира дека некој кој има легални документи од некоја си странска држава дека има живеалиште во таа држава, а мора да ги има за да има договор за работа,  логично е тогаш дека нема адреса на живеалиште во РМ, пошто не може истовремено да биде на две места. Како тогаш тој има право на глас ?

Поентата ми е, дека имањето на државјанство на РМ, не подразбира по автоматизам и право на глас.

Ако сега некој почне да го тумачи законот другачије, тоа е само знак дека законот не е доволно дефиниран. Тури му К*рот тогаш.

Нека направат закон јасен и прецизен, па тогаш нема да биде битно дали мене ми се допаѓа или не а уште помалку пак, дека јас или било кој може да го тумачи ко што него му одговара. Нели тоа е поентата на добар законик?

А...?