Причинита зошто ретро фразата за додворување „Што си во хороскоп?“ некогаш се шепкала на увото на симпатијата можеби лежи во тоа што секој хоропски знак си носи одредени карактеристики кога станува збор за љубовните врски. Од тврдоглавите Бикови, до пребирливите Јарци, прочитајте збор два за вашите љубовни навики според вашиот знак. 

Овен

Кога станува збор за љубовта, Овните се ловци. Тие апсолутно сакаат да добиваат внимание, но и да глумат плен кој не може лесно да се освои. Тие се независни, агресивни и возбудливи, и секогаш се расположени да коцкаат во љубовните врски, па што биде биде.

Бик

Биковите се сензуални и привлечни, но исто така и неверојатно тврдоглави (речиси никогаш не признаваат дека не се во право) и упорни. Понекогаш се и премногу упорни, што може да направи да изгледаат наметливи и да го исплашат партнерот кој не се движи во врската со нивното темпо.

Близнаци

Главната карактеристика на Близнаците е дуалноста, што значи дека нивниот карактер се движи помеѓу желбата да го негуваат познатото и копнежот по нови искуства. Бонус: Тие можат да бидат одлични во кревет. Тие исто така се многу дружељубиви и расположени за флертување. Лошата страна? Можат да бидат истоштувачки од истите овие причини и постојано да обмислуваат се и сешто.

Рак

Ракот е мајчински настроен, чувствителен и апсолутно сака да ги негува другите. Сепак, тие имаат тенденција да ги сфаќаат работите при срце, поради што сексот за една вечер или фактот што не сте се јавиле кога сте рекле дека ќе го направите тоа, може да предизвика голем проблем во нивните глави.

Лав

Знакот на лавот секогаш бара да биде во центарот на вниманието во врската, и вообичаено го добива тоа. Тие се ентузијасти кои уживаат во ласкање, поради што често прават работи кои ќе ги истакнат од другите. Бидете внимателни, лавовите сакаат драма и немаат проблем со тоа да предизвикаат кавга. Всушност нивната нескротлива природа ужива во сценарија како од сапунска опера.

Девица

Девиците генерално се лежерни во своите врски, бидејќи во животот се среќни со едноставни нешта и не се грижат околу малите работи. Тие набљудувачки настроени и пресметливи, што може да биде добро кога треба да се гледаат работите логично. Нивната најголема пречка е тоа што често знаат да бидат срамежливи, па ако сакате да ги придвижите работите со Девиците вие треба да го направите првиот чекор.

Вага

Бидејќи се најизбалансираниот знак во хороскопот, Вагите ги гледаат и двете страни на секое сценарио, што може да биде и добро и лошо, затоа што понекогаш имаат тенденција да анализираат се па дури и најобична порака. Во врските нивната неодлучна природа често се прашува дали партнерот им е целосно посветен, а избегнувањето на директна комфирмација може да биде до пасивно-агресивна тензија.

Скорпија

Мистериозните и зајадливи Скорпии се еден од знаците на кои најтешко можете да им пријдете бидејќи тие не веруваат никому така лесно и можат да бидат претпазливи во врска со намерите на другите. Тие ја ценат искреноста кај партнерот, но ако нивната лојалност е изневерена знајте дека секогаш ќе држат лутина.

Стрелец

Опишувани како директни типови кои ја сакаат слободата, Стрелците нема да се двоумат да излезат преку врата ако се чувствваат несреќни во врската, што може да доведе до долга листа на скршени срца. Најчесто се страствени љубовници, кои сакаат да бидат сингл додека не најдат некој е исто толку авантуриста како тие.

Јарец

Селективни и внимателни, Јарците се луѓе кои не трпат глупости и одбиваат да го трошат своето време со кој било и подготвени се да чекаат додека не дојде вистинската личност. Тие се исто така стабилни и лојални, но не и толку храбри и импулсивни, исфрлајќи ги формите на експериментирање.

Водолија

Иако се имагинативни и спонтани по природата, тие никогаш не се подготвени целосно да го дадат срцето и не се вљубуваат лесно. Тие знаат и да бидат екстремно резервирани, иако не им е тоа намератa, што може да направи да изгледаат без емпатија и ладни. Добрата страна на нивната природата е во што се одлични во решавање на проблемите смирено и разумно.

Риби

Сензитивни, романтични и посветени, Рибите се скромни по природа, но исто така и не се поврзуваат така лесно и им треба време за да создадат сериозна врска. Тие исто така не се справуваат лесно со одбивање и се склони кон самосожалување, а ако некогаш се најдат во ситуација да имаат спротиставени ставови со партнерот не се расправаат, туку едноставно исчезнуваат.

Што велите за мал цинизам на туѓа, но и на своја сметка? Следи најлошото од секој знак во зодијакот – малку генерализирано и помпезно, но прилично забавно. За овој хороскоп забрането ви е да се налутите!

Овен

– Војник, секогаш прв, склон кон игри и сплетки, често избувлив и карактеристичен со нагли потези.

– Ги сака припадниците на спротивниот пол, сметајќи ги за сексуални објекти и после „извршената“ работа често и шутнува. Пример за тоа се Казанова и Марлон Брандо.

– Силен економист – повеќето овни се добро платени во работата.

– Недостатоци: гордост, брзоплетост и его.

– Може да биде садист (Хитлер, Хрушчов, Иван Грозни).

Бик

– Сака да јаде, да пие и да спие. Покрај тоа и да има секс.

– Темпераметен, дипломат, тврдоглав и често мрзелив (освен ако не се работи за добро платена работа).

– Материјалист, често успешен во политиката и воените детали, но и во економијата.

– Ја сака уметноста, а се вели дека поседува талент и да створи нешто сам.

– Недостатоци: непопустливост, склоност кон алкохол, љубомора.

– Познати Бикови: Сократ, Фројд, Тито, Макјавели.

Близнаци

– Половина-половина личности: колку добри страни имаат, толку имаат и лоши.

– Привлечни се, но ладни; интелигентни, но неемотивни; самокритични, но сакаат да ги критикуваат и останатите.

– Контрадикторен, дуален знак кој денес тврди едно, утре друго, а потоа плука по она што вчера го запишувал во ѕвездите.

– Често се бисексуални.

– Познати Бикови: Платон, Џек Лондон, Мерлин Монро, Анџелина Џоли.

Рак

– Воден знак со променливо расположение, кој се пронаоѓа речиси во секоја професија, но му треба време да се одлучи само за една.

– Доколку не се одлучи за насоката во професионалниот живот на време, може да стане и социјален случај. Од друга страна, може да стане Рокфелер или Тесла (а такви луѓе еднаш се раѓаат).

– Инаку е добар домаќин, со одмерено однесување и темперамент. Емотивен е и хиперсензибилен и лесно се навредува , но не покажува дека е повреден или дека нешто му пречи.

– Често имаат поетска и уметничка душа.

– Недостатоци: Лесно се навредуваат, склони кон пороци, преемотивни, а понекогаш и заборавени.

Лав

 – Ниту еден Лав или Овен не истуркал далеку во животот, без да го отсакаат блиските или без да изврши самоубиство (Хитлер, Наполеон).

– Како вистински диктатор, не ги признава своите грешки бидејќи тој е секогаш во право. Доколку е надвладеан или доколку се наоѓа во околина која интелектуално (или на некое друго поле) е над него, се повлекува. Може да биде и добар дипломат, но тоа поретко се случува.

– Доколку моќта е во негови раце, околината дефинитивно ќе настрада.

– Најдобро е да му го нахраните егото и да му оставите негов простор за да не ги тиранизира оние околу него.

Девица

 – И девицата е малку дуален знак, добар во речиси сè што прави, самокритичен, а понекогаш своеглав и мрзелив.

– Аналитичен е, материјалист како и Бикот, има променлив нарав, добар по природа и импулсивен.

– Доколку изреагира премногу нагло, може да ја упропасти ситуацијата, па тогаш ги повикува пријателите на помош.

– Има боемска црта што подразбира карти, алкохол и секс (Толстој).

Вага

 – Единствениот воздушен знак со вистински емоции, но прилично несреден.

– Склони се кон убави и ретки работи (Моника Белучи), добри декоратери се и добри пријатели.

– Жените ваги не се оптоварени со конзервативни правила во љубовта.

– Недостатоци: многу трошат, хировити се, не знаат што сакаат од животот и често се невротични.

Скорпија

 – Депресивен и многу мистериозен знак.

– Често се крие под маската на зафркант, успешен е во работите кои бараат динамика – маркетинг, промотер, префесионален возач и тн.

– Ги сакаат пороците, особено алкохолот и дрогата.

– Многу се љубоморни, импулсивни и одмаздољубиви.

– Во комбинација со Бик достигнуваат 100% страст.

– Склони се кон деструкција на самите себе и на останатите.

– Позната Скорпија: Антонио Бандерас.

Стрелец

 – Филозофи полни со среќа, луди возачи, а често и коцкари.

– Кога нешто ќе намислат нема шанси да се откажат, а доколку не успеат, никогаш нема да признаат за тоа, слично како лавовите.

– Нивниот збор мора да биде последен, иако некогаш знаат и мудро да молчат.

– Не сакаат стеги и конзервативизам, отворени се максимално и склони кон дебати. Со нив може да се соработува.

– Воглавно се атеисти и агностици.

Јарец

– Материјалисти се, знаат да бидат мрзеливи и тврдокорни. Може да израснат во математичари или програмери, но воглавно не успеваат да стигнат предалеку.

– Доколку се нафатат на некоја работа, ќе ја направат до перфекција.

– Прифаќаат единствено „бетонски“ докази за било што, особено за духовноста, но не е чудо и тогаш да пронајдат некоја замерка.

– Цинизмот и ароганцијата не им се непознати, а некогаш знаат и да си препишуваат туѓ успех. Но, воглавно не се лоши луѓе по природа.

– Жените Јарци се исклучително „на цена“.

Водолија

– Знак чие владеење е во тек.

– Има променлива природа и плитки емоции, многу се паметни, понекогаш се и генијални, прилично се сестрани.

– Добри пријатели се, но заради искреноста и отвореноста, луѓето знаат да им замерат.

– Сакаат да се зафркаваат, но знаат да бидат и хумани.

– Сакаат да учествуваат во оргии, склони се кон консумација на големи количини на алкохол и швалерисување.

– Препорака: Избегнувајте подолго дружење со нив.

Риби

– Сите знаци се обединети во овој знак, што никако не е добро.

– Често имаат криза на идентитетот, дивергентност која предизвикува поделеност на сите страни, контрадикторност и изразена променливост на расположението – особини кои во никој случај не се за пофалба.

– Ова може да биде личност која ладнокрвно ќе ви ја откине главата, или пак, да се расплаче како мало дете доколку и’ ја погодите точката.

– Припадници на овој знак биле многу генијалци, како Нострадамус, Мојсеј, Леонардо да Винчи, Микеланџело и Коперник.

Летото е период од годината кој најчесто носи пресврт во животот на секој хороскопски знак, поради започување нова врска, поради летна авантура која ќе се памети долго, поради крај на врска после заедничко летување, поради ново работно место и слично.

Овен

Ова лето ќе ви донесе многу љубов, но можеби и бебе. Очекувајте многу љубов и хармонија, која може да се круниса со брак.

Бик

Постои можност да потрошите многу енергија во купувањето на нов дом.

Близнаци

Времето ќе го поминете со луѓе и во активности заедно со вашиот партнер. Ако ви е преку глава од работата, време е да си пронајдете друга, која ќе ви се допадне многу повеќе.

Рак

Оваа сезона е погодна за нов почеток – астролозите ги советуваат претставниците на зодијачкиот знак да имаат повеќе самодоверба и да вложат повеќе грижа за своето здравје.

Лав

Ќе се насочите кон нова работа, но ако сте мудри, ќе започнете да го правите она во кое што сте навистина талентирани.

Девица

Релаксирање и уметност е вашето идеално лето. Време е да ги вратите старите пријателства и да ја разбудите креативната страна во вас.

Вага

Летото е време за нови пријателства кои ќе се останат и во иднина. Морате да размислувате и за развој на талентот, како и да комуницирате со повеќе луѓе.

Скорпија

Триумф во љубовта, доколку не се плашите од нешто, или имате ниско ниво на самодоверба. Главата горе и во нови освојувања!

Стрелец

Нема да престанете да патувате во текот на целата сезона. Вашите ризични потфати ќе завршат со голем успех.

Јарец

Креативен почеток на летото. Оваа сезона ќе ви биде насочена повеќе кон духовни искуства како цртање и медитација, отколку во практичните дела кои што им се својствени.

Водолија

Водолиите ќе живеат во знакот на љубовта цело лето – романтиката и чувствата ќе ги придружуваат за време на сезоната, а на есен може да бидат и сериозно врзани.

Риби

Не љубовта, туку парите ќе бидат на секој чекор во летните месеци. Дури и да му помогнат несебично на некого, Рибите ќе добијат надоместок за тоа.

Одредени хороскопски знаци се вистински заводници. Тие имаат талент за флертување и нив тоа лесно им оди. Проверете кои се трите знаци на кои малкумина можат да им одолеат. Дали сте меѓу нив?

Бик

Бикот спаѓа во врвните заводници иако не е свесен за својата сензуалност. Клучен адут му е спонтаноста, а во кревет ги познава сите пози од Камасутра иако никогаш не ја прочитал. Умее да создаде вистинска атмосфера и да направи партнерот да се почувствува многу посебно. Биковите имаат природна топлина во очите и понекогаш несвесно ги привлекуваат дури и оние кои не би сакале. Нивните усни просто секого го примамуваат.

Близнаци

Близнаците се кралеви на шармот. Нив просто не може да им се одолее. Тие уживаат во игри на заведување и комуникација. Обично се надарени со добра физиономија, а нивниот адут е немирниот и недофатлив поглед. Тие освојуваат со комуникација и со интелект. Нивниот позитивен став ги привлекува луѓето и со нив времето секогаш е пријатно исполнето, толку што посакувате постојано да се покрај вас.

Скорпија

Со Скорпијата владее фаталната планета Плутон. Овој знак е тешко да не го забележите. Нејзиниот заводлив поглед и манири со кои како да ве повикува на блуд не можат да ве остават рамнодушни. Ова е знак кој длабоко чувствува и нејзината интуиција е изразена до таа мера што во секој момент ги знае вашите потреби. А со оглед на тоа дека во емоционална смисла е многу посветена, ќе ужива да ве задоволи до максимални граници. Нејзините вештини во водење љубов се незаборавни.