На прес-конференциите на опозициската СДСМ, на новинарите им беше вршен голем притисок. Во партиското седиште немаше никакви основни услови за работа, новинарите беа ставани во ќош, исвиркувани од толпата симпатизери само затоа што сакаа да постават прашање. Неретко поддржувачите на Заев и физички се обидоа да повредат новинари со штипање, клоцање, газење, сопки и притискање. Новинарите во СДСМ добиваа и закани за својот живот и навреди за своето семејство

СДСМ етикетирајќи и пресметувајќи се со медиумите, охрабрува насилство и работи на строга партиска контрола на медиумите.

Со етикетирање, суптилни и отворени закани тие напаѓаат новинари кои не работат под нивна контрола.

Еве какви се навреди добиваат новинари од страна на СДСМ:

„Партиско гласило, глупави К*рири, К*ртони, дебили, пушачи". Ова се само мал дел од навредите кои ги упатува СДСМ, нејзините подржувачи во новинарството, како и нивни активисти кон медиумите кои не мислат како нив и не пишуваат според вкусот на раководството на СДСМ.

На прес-конференциите на опозициската СДСМ, на новинарите им беше вршен голем притисок. Во партиското седиште немаше никакви основни услови за работа, новинарите беа ставани во ќош, исвиркувани од толпата симпатизери само затоа што сакаа да постават прашање. Неретко поддржувачите на Заев и физички се обидоа да повредат новинари со штипање, клоцање, газење, сопки и притискање. Новинарите во СДСМ добиваа и закани за својот живот и навреди за своето семејство.

Последно, партијата вчера реагираше на анализа објавена во медиумите и наместо да демантира, етикетираше медиуми, се обраќаше кон премиерот Груевски, а не кон изворот на информацијата. Со тоа само уште еднаш ја потврди нивната опсесивност со ВМРО-ДПМНЕ и Груевски во моменти кога немаат ништо да понудат автентично.

Со ваквата агресивност на СДСМ и со брутално етикетирање, се надополнува нивната тенденција да воспостaват контрола врз Агенцијата за медиуми, обидувајќи се на мала врата да ја вклопат во договорот од Пржино и да обезбедат договорање на директор на оваа агенција, зад што се крие желбата за поставување на партиски кадар за да обезбеди контрола преку притисоци и заплашувања во процесот на избори.

Од друга страна, токму ваквите етикетирања, грубо и автократско однесување на СДСМ кон медиумите кои не се финансирани од СОРОС, веќе придонесе и охрабри нивните извршители и платеници кои самите себе се нарекуваат новинари од типот на Саше Политико, или пак стимулирани и насочени активисти како Ѓуро Кешкец да предизвикуваат инциденти, хеклаат и нарушуваат и попречуваат вршење на новинарската дејност.

Токму ваквото дрско однесување на СДСМ и неговото раководство придонесе за создавање на амбиент во кој повеќе новинари беа нападните и им беше загрозена слободата, настани кои СДСМ не ги осуди- како на пример ограничувањето на слобода и нападите од Саше Политико, СДСМ не реагираше кога новинарот Антонио Димитриевски беше нападнат од страна на братучедот на Радмила Шекеринска, Никола Наумовски, кога новинарот Дејан Николовски беше нападнат од Стојанче Ангелов, лидер на нивен коалиционен партнер.

СДСМ не застана во одбрана на новинар кога беше нападнат Јанко Илковски пред сопствениот дом од активист на СДСМ, кога беше нападната новинарката Ивона Талевска од нивни активисти веднаш после одржување на нивниот митинг, и кога беа искршени просториите на Радио Слободна Македонија за време на еден од нивните протести. Партијата на Заев воопшто не реагираше кога Аднан Ќахил, лидер на нивен коалиционен партнер, нападна недолжни граѓани, а не реагираше ниту на нападот кон новинарот Бобан Нонковиќ. Сите овие немили случувања, СДСМ ги премолчи.

Ниту глас од Здружението на новинари. ЗНМ кое работи како испостава на СДСМ за сите овие случаи молчи, иако во нивната декларација кон која се обврзуваат јавно стои цитираме:

"Нагласуваме дека, во целост сме посветени на принципите на отчетност, одговорност и етика во професионалното работење, Ја изразуваме нашата цврста заложба за уредувачка независност на медиумите како основен предуслов за етичко новинарство, Го поддржуваме начелото дека политичките партии или другите центри на моќ не смеат да влијаат врз работата на медиумите, новинарите".

Со ова ЗНМ станува соучесник во валканата игра на СДСМ чија задача е ставање под контрола на медиумите со што уште еднаш се покажува дека СДСМ симулира демократија зад која се кријат тоталитарните намери за недемократско дејствување.