Посни десерти кои мора да ги пробате

Месец април за многумина е во знакот на Велигденските пости, па ако се одлучивте да постите, а сепак сакате да уживате во некој десерт, можете да се соочите со голем проблем - што да одберете?

Ако немате никаква идеја какви вкусни, а посни десерти можете да направите:

Посен меден колач

Потребни состојки:

• 300g шеќер
• Малку сода бикарбона
• 50g мелени ореви
• Каранфилче и цимет
• 200g брашно
• Сок и кора од лимон
• 2 лажици мед
• Екстракт од ванила

Подготовка:

1. Во сад ставете ги сите состојки, заедно измешајте ги додека не добиете компактна смеса и оставете ги половина час да отстојат.

2. Во загреана рерна на 180 степени печете го претходно подготвеното тесто околу половина час или додека не добие златно жолта боја.

Посни штангли од лешник

Потребни состојки:

• 250g шеќер
• 100g суво грозје
• Сок од половина лимон
• 250g мелени лешници
• 100g смокви
• 250g сушено јужно овошје (ананас, урни...)
• Топено чоколадо по желба

Подготовка:

1. Шеќерот ставете го во сад за готвење и налејте вода за да направите шербет.

2. Во зготвениот сируп додадете ги лешниците, сувото грозје и ситно сечканите смокви.

3. Помешајте сè добро и понатаму продолжете да готвите на средна температура.

4. На плотната наросете шеќер и ставете ја зготвената маса.

5. Тестото поделете го на два дела и оставете го да се олади.

6. Едниот дел од тестото премачкајте го со сокот од лимон и наросете го јужното овошје.

7. Останатиот дел од тестото ставете го како втор слој горе, над овошјето.

8. Тестото прелијте го со стопено чоколадо, а откако ќе се олади, пресечете го на штангли.

Бомбици од ориз, бадеми и лешници

Потребни состојки:

• 200g интегрален ориз
• 50g шеќер во прав
• 100g печени лешници
• 100g суво грозје
• 50g печени бадеми
• Сок од портокал
• Екстракт од рум
• 3 лажици кокосово брашно

Подготовка:

1. Оризот сварете го и добро оладете го.

2. Во него додадете ги печените лешници, бадеми, сувото грозје, сокот од портокал и екстрактот од рум.

3. Добро измешајте ги состојките додека не добиете компактна смеса и од нив правете топчиња.

4. Топчињата тријте ги во кокосовото брашно.

Посни лешник бајадери

Потребни состојки:

• 400g маргарин
• 10 лажици вода
• 400g шеќер во прав
• 400g мелен посен кекс
• 400g мелени лешници
• 100g чоколадо за готвење

Подготовка:

1. Сите состојки, освен чоколадото, измешајте ги за добро да се соединат.

2. Добиената смеса поделете ја на два еднакви делови и оставете ги да отстојат најмалку два часа во фрижидер.

3. Во едната додадете го растопеното чоколадо за готвење и мешајте додека не добиете компактна смеса.

4. Во четвртаст сад наредете еден слој од смесата со чоколадо, потоа целата смеса без чоколадо и уште еден слој со чоколадо.

5. По желба, можете да додадете и слој топено чоколадо.

Посни ванилици

Потребни состојки:

• 200g ореви
• 250g шеќер
• 150g брашно
• Шеќер во прав
• Масло
• Џем

Подготовка:

1. Промешајте ги мелените ореви, шеќерот, брашното и масло по желба.

2. Добро мешајте додека состојките не се соединат и со мала чаша вадете мали парчиња од тестото.

3. Наредете ги во плех и печете ги на средна температура додека отприлика 20 минути додека не добијат боја.

4. Парчињата спојувајте ги со џемот и на нив наросете од шеќерот во прав.

Посен ручек: Компири во рерна со печурки и праз

Одличен прилог за јадењата со месо или пак посен ручек кој сите ќе го сакаат.

Празот е тајната состојка на ова јадење која кој ќе му даде прекрасен вкус на јадењето, и ќе помогне да остане сочно и вкусно.

Потребни состојки:

• 1 тенок праз
• 400g поситни печурки (шампињони)
• 4 големи компири
• 1 лажица Вегета
• 2 лажици маслиново или сончогледово масло
• 1 лажица брашно
• 1/2 лажичка К*ркума
• сол и вода

Начин на подготовка:

1. Исечкајте го празот, додадете една чаша вода, масло и зачин и ставете го на оган да се динста.

2. Во меѓувреме излупете ги компирите и исечете ги поголеми парчиња и ставете ги да се варат. Варете ги 10 минути и тргнете ги од оган.

3. Откако празот ќе се издинста, во земјен сад, ставете половина од празот и убаво распоредете го. Врз него ставете слој од компири и свежи печурки.

4. Во преостанатиот праз додадете 250ml вода, малку сол, К*ркума и 1 лажица брашно и сè убаво измешајте. Со оваa смеса прелијте ги компирите и печурките.

5. Печете на 30 минути на 220 степени, така што садот ќе биде покриен со капак. После 30 минути извадете го капакот и печете уште дополнителни 30 минути.