Акција “ПУЧ“ и бомбите на Заев

 Gorazd777 напиша:

Очигледно ТИ не ги разбираш работиве,чисто и јасно е кажано против кого се поднесени кривични Пријави,тука се и доказите,тоа ќе го цени Јавното обвинителство,освен ако не одат по нардната , Кадија те суди,Кадија те тужи.Вистината излезе на Видело,постапката е таа што ќе ги изнесува Доказите,ако се спроведува во Правниот систем.
За почеток од експертите,само ова ,за да се спроведе вакво прислушкување,покрај Софистицираната опрема(што ја има мвро-то и неговата УДБА-ДБК,а е набавена од Израел ,да следи веднаш 20.000 разговри),соучесник треба да е и Операторот-телекомуникациски,во случајот Т-мобиле и Вип,едниот е од Гертмански газда,а другиот Австриски,кои имаат броевите што ги издале на корисниците.Единствено тие можеби ВЕ бунат,како странски служби,ама и во тој случај ,пошто се во Македонија,пак некој ги викнал за Соработка.
Интересно е што сакаш да го амнестираш Груевски онака Наивно,се знае тоа кон што води,нема потреба да се правиме нешто што сака оваа власт сите да ги направи,а веројатно им успеа на Полтроните кои слепо ја поддржуваат.

Gorazd777, безброј пати сме повториле да се коментира за коментарите, а не за коментаторите. Колку што се сеќавам никогаш не сум те анализирал јавно на форумот, а ти упорно го правиш тоа со своите соговорници. Те опоменувам уште еднаш да се рестриктираш од таквата навика и тоа не само кога другите не го споделуваат твоето мислење.

Сега, за прашањето и одговорот…

… од оноа што си го напишал разбирам дека нема доказ кој ги направил објавените разговори. На страна од тоа што тие (доколку ги земеме за автентични) не даваат никакви бомбастични информации од аспект на сигурноста за државата, освен приватни размислувања за личности и случки кои и онака ги слушаме по кафаните и пријателските седенки, од досега говореното може да се заклучи дека:

Некој снимал телефонски разговори и сега јавно се објавуваат.

Тоа наведува на следниве заклучоци:

1. Снимано е од страна на државата

2. Снимано e од страна на надворешна известувачка служба

3. Заев во договор со некоја организација или приватни лица дошол до овие материјали и јавно ги обелоденува

Не навлегувајќи во автентичноста и содржината на снимките, од заклучоците следува:

1. Една од работите на државните служби за обезбедување е следење, регистрирање и аудио-видео снимање на организации и приватни лица доколку постои сомнение дека работат против сигурноста и интересите на државата. Така е во сите држави, така било од секогаш, така е сега и така ќе биде и во иднина. Би требало сите да не загрижи доколку нашата држава (било која влада) не го прави тоа. Од тој аспект покажувањето со прст кон државните служби дека прислушкуваат е беспредметно. Прашањето дали тоа е легално не прави многу логика бидеjќи легалноста ја одредува и дава државата. Единствено држи вода прашањето дали тоа следење е потребно во ситe случаи. 

2. Снимањето од странска известувачка служба, како што неколку пати наведе Заев за овој случај, не само што е нелегално, туку е непријателски акт кон нашата држава. Законот тука е јасен и секој оној кој што влегол во таква нелегална и противдржавна активност подлегнува под тој закон. Така е во сите држави на светов и никакво евентуално тврдење дека истото се прави за нивно добро не се зема како одобрување и оправдување.

3. Објавувањето на тонски и видео снимки направени без знаење на сниманите и без добиена дозвола од нив, како и легална дозвола од државата за објавување на истите, претставува кривичнo дело. 

Тоа се фактите кои ги имаме во аферата "Пуч". 

Од нив следува следното:

- Доколку се докажи дека снимките се направени од државните служби тие треба да докажат дека биле легално направени. 

- Доколку се докажи дека снимките се направени од странска известувачка служба истите ќе бидат употребени како доказен материјал за непријателска активност против државата.

Во врска со објавените снимки, дури и да се докажи преку секое сомнение дека некоја снимка е направена од државните служби, не може никогаш да се докажи, преку секое сомнение, дека истите не се подоцна манипулирани со монтажи и дека меѓу објавените снимки нема и фалсифицирани снимки направени од странска известувачка служба за интересите на нејзината држава.

Во секој случај, од до сега изнесеното јасно е оти вака понудената бомба повеќе наликува на димна бомба отколку на атомска која би срушила било каква влада. Од неа ќе се заматат некои очи и ќе се закашлаат некои луѓе, но очигледно е дека правно најмногу ќе бидат афектирани токму оние кои ја фрлиле затоа што на ним паѓа тежината на докажувањето на понудените материјали и оправдувањето за нивната акција која е во спротивност co Законот на државата.  

Целава работа мèне ми изгледа или како слабо пресметан очајнички обид на Заев да се задржи на својата позиција (што одговара на неговиот досегашен профил) или како негово наместено лизнување за да се реализира  враќањето на Бранко Црвенковски кој ќе се претстави како спасител на опозицијата и државата. 

Изменето од Messenger - 11.Февруари.2015 во 17:19

Внеси реплика	страница <1 58 596061 62 69 >
Tweet