Во внатрешниот свет на човекот добрината е сонцето – рекол Виктор Иго. И ние тотално се согласуваме со него, макар да ни е јасно дека во секој од нас се крие и по едно ѓаволче, кое само чека повод да се покаже.
А сега ви ги претставуваме трите знаци од Зодијакот со најширока душа:
Риби
Овој знак е вистинско олицетворение на зборот – емоции. Бидејќи се безкрајно чувствителни и ранливи, Рибите секогаш се обидуваат да бараат хармонија дури и таму каде нема никаква веројатност да постои.
Се разбира тоа си има и лоша страна. Претставниците на овој знак често живеат во измислен утопичен свет, при што остануваат отсечени поради тоа од реалниот.
И сепак ова е знакот кој до последни сили се обидува да го зачува добриот тон и хармоничните односи помеѓу луѓето, дури тоа да ги чини нивниот внатрешен мир.
Вага
Вечно љубезниот и ведар карактер на овој знак понекогаш крие немир и внатрешни бури кои ги преживува.
Вагите во никој случај не сакаат да ги разочараат и повредат своите блиски, пријатели и познаници. Токму затоа ако се стигне до судар на интереси, овие добродушни суштества ќе изберат да се повлечат.
Силно развиеното чувство за правда ги потикнува цел живот да се стремат кон благородни постапки и сочувство за сите, без разлика дали некој заслужил, или пак не.
Рак
Слично како Рибите, овој воден знак е преполн со емоции и чувства. Од целиот Зодијак Ракот има најсилно развиен копнеж за семејна топлина, мир и хармонија.
Всушност целиот свет на Ракот се врти околу семејството. Тие се спремни на секакви жртви во името на луѓето кои ги сакаат.
Бидејќи се доста ориентирани кон духовното, тие веруваат во доброто, кое се крие во секој човек, што ги прави безкрајно милосрдни.

Источните хороскопски знаци зависат од годината во која сте родини, па најпрво проверете на кој знак припаѓате според таблицата во продолжение:

А еве и што ќе се случува на љубовно поле за секој од 12-те знаци во 2015 година или годината на Овенот:

Глушец

Ова сигурно нема да биде вашата среќна година. мажите имаат помали шанси да ја сретнат љубовта на својот живот оваа година. како и да е, и двата пола треба да вложат доста труд и да научат да си го контролираат карактерот. Да избегнуваат караници со луѓето до себе бидејќи така привлекувате лоша карма. Тоа исто ќе ви пречи и на љубовен план. Ако сеуште сте сингл, ви препорачуваме да трошите повеќе време и пари на вашиот социјален живот.

Бик или Крава

Нема да останете сами во 2015 година. дури е возможно да ја најдете љубовта на вашиот живот. Но имајте во предвид дека врските започнати оваа година ќе бидат бележани со доста солзи и болка. Ако сте во врска ќе се соочите со проблеми како недоверба, критики и сл. дефинитивно треба да се обидете да бидете потолерантни за да ви биде годината добра.

Тигар

На љубовно поле ве очекуваат месеци исполнети со среќа. Ќе биде идеално, ако вашиот партнер е куче. Ако веќе имате врска, сега е моментот да ја продлабочите. Евентуални проблеми очекувајте од трета стана – завидливи и љубоморни пријатели. Откријте кој сака да ви ја уништи врската и бидете внимателни! Но не вадете нокти веднаш. Спонтаната и не разумна реакција може да го направат третиот човек победник.

Зајак

2014 не ви одеше добро на љубовно поле, но новата година ќе биде сосема поинаква – исполнета со среќа и романтика. Социјалниот живот ќе ви биде прекрасен. Луѓето ќе ви посветуваат многу повеќе внимание и ќе ве сакаат. Ќе бидат восхитени од вашата убавина и харизма. Тоа е добра претпоставка за започнување на нова врска. 2015 година е добра за решителен чекор – веридба, свадба, дете…

Змеј

Подобро фокусирајте се на важните за вас работи бидејќи 2015 нема да биде особено романтична за вас. Ако барате љубов ќе треба да се вооружите со трпение – тешко дека ќе ја открите наредниве месеци. Сепак имате некакви шанси во март, август, септември и ноември. Ако имате сериозна врска не се обидувајте да ја продлабочите токму сега. Важно е да ја зачувате врската.

Змија

За змиите Годината на коњот е една прекрасна љубовна година. нема потреба да одиме до детали – осамените ќе си најдат парнер, вљубените ќе изградат стабилни врски, а големи се шансите за брак и деца. Судбината нема да ви биде наклонета само во еден случај – ако се обидувате да седите на два стола!

Коњ

И покрај тоа што оваа година е една од вашите среќни години, нема големи изненадувања на љубовно поле. Но затоа пак ве очекува успех во кариерата како и одличен социјален живот. Ако се обидувате да ја продлабочите започнатата врска премногу брзо, другиот може да побегне. Навистина е подобро да се фокусирате на работата и социјалниот живот, наместо да вршите притисок на љубовно поле.

Коза (Овен)

Ова е вашата година и очекувајте исполнување на вашите најдлабоки желби. Ве очекува плодна година на љубовен план, особено ако сте жена. Ако до сега сте имале проблеми со партнерот, оваа година се ќе се среди. Шансите во 2015 да го сретнете идеалниот партнер се големи. За целта бидете отворени кон нови запознанства и излегувајте почесто.

Мајмун

Ништо посебно нема да се случува на љубовен план. Возможна е кратка афера, но од тоа нема да излезе ништо сериозно. Ако сеуште ја барате љубовта, помислете дали најпрво не треба да ја смените средината, луѓето и начинот на живот. На тоа место, со тие луѓе никогаш нема да го најдете идеалниот партнер.

Петел

Ако до сега сте немале сериозна врска, оваа година дефинитивно ќе имате среќа во љубовта. Шансите да го сретнете човекот на вашиот живот годинава се навистина големи. Ќе имате и активен социјален живот со што шансите за запознавање на вистинскиот човек се дуплираат. Затоа не пропуштајте прилика и кога ќе ве викнат да излезете не двоумете се.

Куче

Ве очекува многу добра година на љубовен план. Се очекува жените од овој знак да станат невести годинава. Но ќе имате конК*ренција, па затоа проверете ги вашите пријатели и дознајте кој од нив заслужува да се нарече пријател. Ако врската започнала пред 2014 или Годината на Коњот, но до сега не била доволно сериозна, времето е соодветно за продлабочување. Оние кои се во брак ќе уживаат во многу љубов, слога и романтика.

Прасе

Ако сте слободни оваа година ќе имате големи шанси да го најдете идеалниот партнер. За целта ќе морате да се потрудите да надминете некои лоши црти од карактерот – обидете се појасно да ја покажувате вашата нежна и емотивна страна. Не судете за луѓето од прв поглед. Научете да ги покажувате и вашите силни страни пред луѓето кои ве подценуваат. Ако сте во врска, оваа година вашата љубов ќе цвета. Уживајте и не грижете се за ништо. Коцките во вашиот живот почнуваат да се подредуваат конечно како што заслужувате.

Овен

Кога се работи за мување, Овенот сака да му пријдете отворено. Не прашувајте го за дозвола да го бакнете, само сака да го направите тоа веднаш штом ви се пружи прилика. Колку подиректно пристапите, толку подобро. Овните паѓаат и на комлименти, бидејќи сакаат да слушнат дека се најатрактивната личност во просторијата.

Бик

Со Биковите мора бавно и умерено. Појавете се на првиот состанок со некој мал симболичен подарок, бидејќи тие обожаваат подароци. Малку сензуален парфем ќе влијае на него како магнет, бидејќи овој знак многу реагира на ваков стимуланс.

Близнаци

Најбрзиот пат до креветот на Близнаците води преку мозокот. Тој сака да зборува за интелектуални работи. Близнаците многу сакаат стручњаци во некоја област, а колку е темата на разговор покомплицирана, толку подобро. Ако Близнаците го споменат своето најново хоби, прашајте ги дали може да им се придружите, бидејќи најмногу се возбудуваат кога може некому да покажат нешто што знаат.

Рак

Овие месечеви деца имаат меко срце. Ако сакате да влезете во нивниот живот, покажете им ги своите чувства. Покажете ја вашата заинтересираност за добротворни организации, особено за оние кои се поврзани со деца. Раковите сакаат кога постапувате со нив како со деца, па подгответе ручек и викнете го да дојде.

Лав

Ако сакате да го заведете Лавот, фокусирајте се на него како ласер. Давајте му комплименти во врска со сè. Давајте му секогаш сè најдобро, без разлика дали се работи за столот во средината од луксузен ресторан или на пикникот среде парк. Кога светлата ќе се пригушат, поминете со прстите нив неговата коса и шепотете му безобразни зборови на уво… тоа што ќе следува после ќе биде експлозивно.

Девица

Педантноста е особина која мора да ја покажете кога ја заведувате Девицата. Задолжително треба облеката и постелнината да ви бидат чисти, а добро би било и самите да сте беспрекорно средени. Ништо не ја возбудува Девицата повеќе од мирисот на чисто, на сапун или купка.

Вага

Кога треба да ја заведете софистицираната Вага, треба тоа да биде на висок стил, со шампањ и елегантна облека. Вагите сакаат музика, па одењето на концерт би била добра предигра.

Шкорпија

Заведувањето на таинствената Шкорпија е голем предизвик, бидејќи тешко е да ги прочитате нејзините знаци. Немојте да се збуните ако на вашите постапки одговара со шармантна насмевка. А како би требало да изгледа првиот чекор? Земете ја за рака во мрачната кино-сала и поминете со врвовите на прстите преку линијата на нејзините дланки. Водете љубов без зборови и оставете го вашето тело да зборува.

Стрелец

Стрелецот паѓа на духовитост. Смислете нови шеги, кажувајте му вицеви, прераскажувајте му за смешни случувања и оставајте му блескави пораки. Можноста на водење љубов надвор секогаш ќе го возбуди.

Јарец

Достоинствениот Јарец може да биде застрашувачки кога се работи за сексот, но овој секс го заслужува вашиот труд. Постепеното заведување најдобро функционира ка ј Јарците. Ограничете го првиот состанок на долг бакнеж. На вториот милувајте го по грбот, вратот и рамењата. Стратешки повлечете се кога ќе почне да ве моли да го довршите тоа што сте го почнале. Длабоко во себе, тој знае дека за најдобрите работи во животот вреди да се чека.

Водолија

Ако сакате да го заведете овој знак, немојте да зборувате со него на конвенционален начин. Кажете му дека спроведувате сексуално истражување за клиника и дека ви е потребна неговата помош за експериментот. Кажете му дека не сте заинтересирани за физичка врска, но би сакате да сте пријатели. Колку ви е пристапот необичен, толку попривлечни ќе сте за нив. Предизвикајте го да ве бакне.

Риби

Ако сакате да ја заведете Рибата, однесете ја во друг свет. Викнете ја заедно да гледате низ телескоп или гледајте во нивниот аквариум. Откако ќе се задлабочи во тоа што го правите, направете го својот чекот. Брзиот бакнеж во вратот ќе доведе и до поголеми работи. Рибите имаат многу ерогени зони, а стапалата им се особено осетливи.

Жена Лав

Лавиците можете да ги пронајдете на популарни места.Тие се оние кои уживаат на сонце, арогантно доминирајќи во кругот на пријателите, замислувајќи го амбиентот на ресторанот како театарска сцена на која нивната улога е најважна. Да, тоа се жените Лавови, за нив животот е сериозна игра.

Тие се родени лидери и господари на останатите луѓе, но тоа го прават на навистина посебен начин, така што никогаш нема незадоволни во нивната околина.

Природата богато ги надарила, па во нив има толку многу енергија, памет, убавина и сексапил, што е доволно и за неколку луѓе. Ако имате комплекс на помала вредност, избегнувајте ги овие жени во поширокиот хоризонт. Овие жени може да ве дотолчат со својата нарцисоидност.

Лавицата не може да живее без публика и потребно ѝ е воодушевувањето од другите. Не бидете љубоморни на нејзината склоност да биде во центарот на вниманието во просторија полна со занесни фраери. Секогаш ќе се вртат глави по неа, каде и да се појави. Често ќе кокетира, но тоа е начинот на кој го прикрива чудниот страв дека не е толку посакувана.

Внимавајте! Премногу се горди и достоинствени за да губат време на бесмислици, затоа сфатете ги нивните потреби за време и однесување во согласност со нив.

Маж Лав

Со задоволство оди на различни прослави каде најчесто е во центарот на вниманието, но тој не е тип кој глуми кловн во друштвото. Тоа е само негова маска, за да привлече публика.

Без оглед на изгледот, нема никакви несоодветни или глупави движења во неговото однесување. Тој точно знае што сака, а тоа обично и го добива.

Лавот сака да се занимава со некој спорт, а како што станува повозрасен и навлегува во зрелите години, така се намалува и неговиот порив за спортски активности. Меката фотелја станува негов омилен спорт. Чудно, но вистинито, лавовите ретко имаат големи семејства. Се заљубуваат во убави жени со одличен вкус и стил за облекување.

Тие се особено трпеливи и толерантни, но под нивниот кралски углед е скриено е големото его и арогантното однесување кое секогаш може да излезе на површина. Секогаш се спремни за напад  ако некој им противречи.

Најмногу од сè, Лавот мрази жени со слаба интелигенција и образование. Сентиментално се чувствителни на сите комплименти кои се упатени на нивниот изглед или интелигенција и тоа толку многу, што дури се подготвени за нив да направат нешто и на своја штета.

Кај спротивните астролошки знаци, постои една моќна меѓусебна привлечност уште од самиот почеток, но исто така тие се соочуваат и со моќни предизвици во врската, кои доаѓаат до израз поради нивните целосно спротивставени карактери.
Како што се привлекуваат плусот и минусот кај батериите, така и помеѓу знаците кои се наоѓаат на спротивните страни на хороскопското тркало, се создаваат искри кои можат да прераснат во страсна љубовна врска. Но, поминувањето многу време со некој кој има целосно различен поглед кон животот од вашиот, може да биде многу измачувачки, па после некое време батеријата во вашата врска ќе мора да биде променета. Дознајте како вие и вашиот спротивен знак во хороскопот можете да ја вратите искрата во вашата врска која ве споила на почетокот.

• Овен и Вага

Кога овен и вага се запознаваат, помеѓу нив инстантно почнува да се разгорува една страсна искра, благодарение на енергичноста и нескротливиот сексапил на овенот и нежниот шарм и суптилноста на вагата. Но, со тек на време, искрата може да се разгори во нетрпеливост помеѓу нив, бидејќи на овенот може да му досади од префинетите манири на вагата, а таа пак може да почне да се моли овенот некогаш да научи да се однесува поцивилизирано. Доколку сакате во вашата врска да продолжат да пулсираат искри на страст, наместо искри на гнев, престанете да војувате еден со друг и заедничката енергија употребете ја за да створите нешто реално – започнете бизнис, изградете куќа или едноставно заеднички згответе вечера. Кога вашите комплементарни вештини ќе ги ставите во игра, ќе се потсетите дека вие сте еден одличен пар.

• Бик и Шкорпија

Оваа љубовна комбинација е „жешка“ уште на самиот почеток на врската. Кога лекомислениот, сензуален бик ќе се судри со неодоливата страст на скорпијата, кај овие партнери еруптира нескротлива сексуална желба. Но, со тек на време на бикот може да му досади од напнатоста на скорпијата, а таа пак може да смета дека бикот е честопати опуштен повеќе отколку што треба. Можеби ќе звучи иронично, но за да ја одржите искрата во вашата врска, вие треба да излезете од спалната соба и да поминете попладне дружејќи се со пријателите или да отидете на концерт, на журка или на кое било место каде ќе бидете опкружени со многу луѓе. Социјализирањето ќе ви помогне да внесете свежина во вашата врска и ќе ви создаде чувство на сексуална жед еден за друг, во ситуација во која ќе можете само да се гледате.

• Близнаци и Стрелец

Во моментот кога интелектуалниот, ведар близнак ќе се запознае со мудриот, филозофски настроен стрелец, помеѓу нив веднаш се создава магична привлечност и меѓусебна почит. Но, вашите тотално спротивни погледи кон животот, можат да ве одведат до фрустрирачки чувства. Близнакот ќе почне да се нервира од ставот на стрелецот „Јас знам сè“, а него пак може да почне да го иритира постојаното брборење и желбата за озборување на близнакот. За да не се случуваат вакви напнати ситуации, обидете се да ја пренасочите вашата тензија во романтични прошетки во царството на природата и имагинацијата. Отидете заедно на пливање, на егзотичен остров, на планинарење или едноставно поминете попладне заеднички уживајќи во добра музика, гледајќи интересен филм или разгледувајќи уметнички дела на некоја изложба. Ослободувањето на вашите мисли од секојдневните обврски, може да ја врати страста во вашата врска и да ви даде нови, возбудливи теми на муабет.

• Рак и Јарец

Кога емотивниот рак, на кој му е потребен стабилен љубовен живот, ќе се запознае со сериозниот, силен и тивок јарец, инстантно се создава обострана привлечност. Оваа е од оние класични љубовни врски, во која ракот е нежниот партнер, кој секогаш дава поддршка и утеха, а јарецот е посилниот партнер, кој го носи лебот во куќата. Но, со тек на време ракот може да се почувствува игнорирано од страна на јарецот, а тој од своја страна, може да смета дека ракот понекогаш е премногу наметлив. За да спречите да се оладат односите во вашата врска, вие двајца треба да запомните дека не сте само партнери, туку и љубовници. Следете го примерот на љубовните парови во старите филмови и излезете од куќата (ако имате деца оставете ги кај бабата и дедото) и почестете се со еден вистински старомоден љубовен состанок. Отидете во ексклузивен ресторан, напијте се шампањско, разменете си романтични подароци, а кога ќе се вратите дома, облечете ја најпровокативната долна облека што ја имате и лизнете се под чаршавите.

• Лав и Водолија

Помеѓу овие двајца партнери експлодира сексуална привлечност, во истиот момент кога самоуверениот лав, кој се однесува како крал/кралица ќе се запознае со непристојната водолија. Фактот што водолијата одбива да се „поклонува“ пред лавот, него го возбудува и фасцинира. Таа пак, му се восхитува на способноста на лавот, да ја „маѓепса“ секоја просторија во која ќе влезе со неговиот неодолив шарм и харизма. Како и да е, со тек на време, на водолијата може да ù здодее од непоправливата потреба на лавот за внимание, а тој може да се мурти доколку водолијата не го почитува вообичаеното социјално однесување. Кога ќе решите да ја закопате секирата во мед, одвлечете се еден со друг до спалната соба. Заеднички поминатото време, подалеку од гужви и уживањето во физичката страна на вашата врска е најсигурниот начин да го најдете вашиот заеднички јазик и да ја вратите сексуалната енергија.

• Девица и Риби

Девицата е пред сè организирана и практична личност, а рибата го живее животот вешто одбегнувајќи ги секојдневните рутини кои и ја ограничуваат слободата. Кога претставници на овие два знака стапуваат во љубовна врска, тие се возбудени и стимулирани од можноста меѓусебно да си помогнат да станат подобри личности. Така, дисциплинираната девица може да и помогне на рибата организирано да си ги завршува обврските, а таа пак може да и покаже на девицата како да се релаксира и да почне повеќе да го живее животот. Со тек на време, девицата може да почне да ја иритира непостојаноста на рибата, а на неа може да почне да и пречи тенденцијата на девицата кон преголемо критикување и контролирање.
Клучот за повторно враќање на страста во вашата врска, е во редовното менување на амбиентот во вашата врска. Тоа ќе го постигнете доколку практикувате патување во некоја земја која ја немате посетено, заедно се запишете на К*рс по странски јазик или доколку едноставно отидете во некој нов ресторан надвор од градот. На девицата добро ќе и дојде било каква промена во рутинското секојдневие, а рибата ќе ја цени способноста на девицата одлично да го испланира патувањето, да се сети да резервира маса во ресторанот или да „впие“ голем број нови зборови на К*рсот по странски јазик.

Огнени знаци: Овен, Лав и Стрелец
Покажувањето на вашиот бес и тага, како и непрекината физичка и ментална активност се клуч за успех кон патот за залечување на вашето скршено срце. Доколку сте лути поради начинот на кој завршила вашата врска, задолжително разговарајте со вашите пријатели или со некој експерт за тоа.

Чувањето на насобран бес во себе, може да ви создаде само дополнителни проблеми во вашите идни врски. Вежбањето исто така е клучно за целиот овој процес, затоа бидете активни што е можно повеќе.
Земјени знаци: Бик, Девица и Јарец
Луѓето родени во овие знаци се склони да си ги задржуваат емоциите во себе, па затоа многу е важно да ги насочите во правење на нешто креативно. Земјените знаци се многу практични луѓе, затоа направете рестарт на својот живот и смислете нови планови и идеи кои ќе ја оживеат вашата кариера и финансиска ситуација. На овој начин ќе ја осигурате финансиската стабилност во овие тешки времиња, а истовремено ќе се потсетите себеси дека постојат и други работи кои го заслужуваат вашето време и енергија, покрај љубовните врски.
Воздушни знаци: Близнаци, Вага и Водолија
Комуникацијата со другите луѓе е најважната работа која можете да ја практикувате за заздравување после тешко раскинување на врска. Ова е одлична прилика да сфатите кои луѓе во животот ви се важни, бидејќи тие во овие тешки ситуации ќе ви бидат од неизмерна помош. Многу е важно да го чуете мислењето на луѓето на кои сте им важни, во врска со вашето раскинување на врската, бидејќи токму тоа „второ мислење“ ќе ви помогне да ги ставите работите во перспектива. Конечно, обновувањето на другарствата на кои не сте им обрнувале доволно внимание за време на врската, се  работа на која треба да ѝ се посветите.
Водени знаци: Рак, Шкорпија и Риби
Водените знаци се познати по својата чувствителност, затоа многу е важно да не штедите на солзи и да ја исплачете сета тага од себе. Направете пауза и земете си колку што ви е потребно време за да продолжите кога ќе бидете сигурни дека сте ја прежалиле пропаднатата врска. Покрај тоа, секогаш можете да си допуштите нешто за „своја душа и тело“, како на пример викенд во спа-центар или доколку сте куси со пари, бања со миризлива купка во вашиот дом. За разлика од воздушните знаци, на водените знаци им треба што поограничен контакт со луѓе и дружење само со оние најблиските. Не дозволувајте никој да ве става под притисок што побрзо да се вратите во „нормала“, пред вие да бидете спремни за тоа.