Астролозите тврдат дека постои голема разлика меѓу хороскопските знаци и типовите на пороци на кои секој од нив е најчесто потпаѓа. Еве што имаат да кажат за вашиот знак:

Овен – Овенот е индивидуалец кој владее со огнот, па често до искушение го доведуваат цигарите и алкохолот. Кога еднаш ќе се навлече, тешко дека некогаш ќе престане, а тоа е резултат на неговата тврдоглавост. Овните сметаат дека со пушењето се ослободуваат од стресот, а љубовта кон цигарите не може да ја откаже од проста причина – верува дека со цигара изгледа гламурозно.

Бик – Стабилен знак, но не секогаш свесен за себе и своите постапки кога станува збор за храна и пијалаци. Биковите претеруваат со храната. Доколку се сексуално фрустрирани, овие личности ќе пијат и јадат или ќе се однесуваат агресивно.

Близнаци – Овој знак најчесто го менува расположението и се обидува своето патење да го ублажи со разни пороци. Познати се по љубовта кон цигарите, но исто така лесно можат да се навлечат на адреналински спортови. Не ретко се и сексуални зависници.

Рак – Раковите се водени од Месечината, па така често го менуваат расположението. Не е необично за овој знак да во одредена фаза на расположение се препушти на таблети или алкохол. А кога ракот е лут, бесот го смирува со храна.

Лав – Бидејќи лавовите за себе мислат дека се бесмртни, својот живот го надополнуваат со малку од секој порок. Така, често знаат да бидат коцкари, неверници, пушачи, а и алкохолот им годи. Кога е неверноста во прашање, Лавовите се препуштаат само тогаш кога чувствуваат емотивна нестабилност.

Девица – Девиците се големи работници, всушност тие се зависници од работа. Често се опсесивно компулсивни и можат лесно да се вознемират ако нешто не им оди според планираното. Обично го користат алкохолот за да ја смират нервозата.

Вага – Знак кој идеализира, а кога нешто ќе скршне од планираното, тогаш Вагите се препуштаат на алкохолот. Вагите знаат да изневерат само тогаш кога се пренатрупани со обврски и почнуваат да се чувствуваат несигурно и непријатно. Кога сакаат да се ослободат од негативната енергија знаат да бидат и зависници од теретана.

Шкорпија – Најголемите секс зависници во Зодијакот. Шкорпиите обожаваат секс и алкохол, фрлаат многу пари на облека и фенси ресторани само за да го импресионираат партнерот. Не сакаат луѓе кои не пратат мода, често пушат цигари за да изгледаат гламурозно.

Стрелец – Единствено што би можело да ги банкротира овие луѓе е зависноста од патување. Бидејќи по природа се немирни, индивидуални, нема некој кој може да ги сопре. Неверноста и сексуалната зависност често им претставува проблем. Овој знак е еден во Зодијакот кој верува во бесмртност, затоа и пушат и пијат и прават ужасни работи на своето тело.

Јарец – Овој знак е единствениот во Зодијакот кој може да се пофали со најмала зависност од сите останати. Јарците се внимателни со своите тела, зависни се само од вежбање. Постои голем ризик од анорексија или булимија само за да изгледаат слабо и убаво.

Водолија – Овој знак сака да истражува нови начини на размислување и да проба различни перцепции па често луѓето под овој знак можете да ги пронајдете меѓу вегетаријанците, или меѓу “хемичарите” во теретана. Она што ги одликува Водолиите е истрајноста.

Риби – Рибите се зависни од романтика. Сакаат да пијат за да заборават на болката и стварноста. Рибите треба да внимаваат на своето емоционално здравје бидејќи запаѓаат во тешки психички моменти кои ги поттикнуваат да се препуштат на алкохолот.

Жена Овен: Родена лидерка

Припадничките на овој знак ги краси убава кожа, длабоко всадени и истакнати очи, како и јаболкца на лицето. Нивното мото е: придвижи се“, а познати се по својот ентузијазам и желба за акција. Често се „предводнички на стадото“, се залагаат за правата на другите и харизматични се. Во меѓучовечките односи се страсни, па другите или ги сакаат, или ги мразат. Мана им е што не се тактични, па подобро е да им се тргнете од патот кога ќе имаат „жолта минута“. Можат да изненадат со љубомора и посесивност, но имаат искрено и добро срце.

Жена Бик: Упорна и силна

Тркалезно лице со топол израз, големи тркалезни очи и добра фигура се најчестиот опис за жените родени во овој знак. Нивното мото е: „тивка река, брег рони“, а под овој пријатен и пристоен оклоп се крие силен темперамент. Познати се по својата упорност, а во животните кризи покажуваат неверојатна издржливост и сила. Мана им е што во силната желба за сигурност и сите да бидат добри, самите можат да пропуштат многу спонтани уживања, а понекогаш можат да бидат и вистински „конзерви“.

Жена Близнаци: Сите ја сакаат

Тие се обично повисоки од просекот, имаат тесни и тркалезни лица, тенок нос и високо поставени јаболкца. Ако долго не сте ја виделе, голема е веројатноста сосема да го променила својот изглед, зашто тоа често го прават. Интелигентни се и обожаваат да расправаат за се’. Исклучително се љубопитни, а во друштво се забавни. Недостаток им е што започнуваат многу работи одеднаш, а ретко нешто завршуваат и можат да бидат многу површни. Не поднесуваат здодевност и тогаш ќе направат се’, вклучувајќи и екстремни акции за да „живнат“. Во работата се мудри.

Жена Рак: Интуитивна и грижлива

Тркалезно лице, полни усни, очи со истакната боја и заоблена фигура се карактеристики на припадничките на овој знак. Тие се мудри, чувствителни и страсни. Многу се импулсивни и интуитивни, но со оние што им значат се исклучително грижливи, топли и нежни. Тие се одлични готвачки и добро владеат со финансиите. За недостаток може да им се смета тоа што се пречувствителни, особено на критика и често песимистични. Потребно им е да често да им се говори дека се сакани, за да можат успешно да се носат со животните предизвици.

Жена Лав: Шармантна

Косата е препознатлив белег на припадничките на овој знак, а често ги красат и привлечни гради, тркалезно лице и големи очи. За да можат да живеат, потребни им се внимание, почитување и восхит. Понекогаш можат да бидат арогантни, горделиви и драматични, но сето тоа брзо ќе го заборавите покрај нивниот вроден шарм и топлината со која зрачат. Не се трудат да ги импресионираат другите, не трчаат по пари, но сакаат да бидат опкружени со убави работи. Интелигентни се и креативни, а мана им е суетата. Критика никако не поднесуваат.

Жена Девица: Интелигентна

Вити и со впечатлив, нежен изглед, Девиците ги одликува тркалезен облик на лицето, убаво обликувана уста и долг врат. Жените родени во овој знак се многу шармантни и обдарени со говорнички талент. Одлично ги проценуваат луѓето и точно знаат како кому да му пристапат. На сите што ќе ги пуштат близу до себе, ќе се обидат да им „коригираат“ во однесувањето. По својата природа се критичарки, имаат рутина до која се придржуваат и план за секој ден. И покрај се’, способни се многу да простуваат. Мана им е што понекогаш се премногу егоистични и користољубиви.

Жена Терезија: Природен магнет

Убава насмевка, елегантни раце, долг врат, добра фигура и елегантни движења ги красат припадничките на овој знак. Имаат изразена дарба за комуникација, рационални се и природно привлекуваат се’ околу себе. Многу им е важно да бидат сакани, а по можност партнерот повеќе да ги сака нив, за да се чувствуваат сигурно и надмоќно. Можат да бидат големи кокети, а како пријателки и членови на семејството, многу се посветени. Недостаток им е што се разгалени, каприциозни и можат д а бидат многу егоцентрични.

Жена Скорпија: Бестрашна

Силни коски, високо чело и изразена вилица, но и магнетизирачки поглед се вистинскиот опис на овие заводливи припаднички на Зодијакот. Иако се многу верни и доверливи, се плашат од блискост и интимност, па тешко се отвораат пред другите. Зрачат со силна самодоверба, а во животните предизвици се бестрашни и оптимисти. Недостаток им е што сакаат да ги контролираат другите, па покажуваат и љубомора. Но тоа го прават како начин за изразување љубов. Таинствени се, па понекогаш е тешко да се одгатне што воопшто мислат.

Жена Стрелец: Полна со енергија

Силно и долгнавесто лице, силни коски, но и нешто необично во нивниот изглед ги краси жените родени во знакот на Стрелец. Иако не се класични убавици, токму по некоја мана ги прави посебни. Имаат голем апетит за животот, како и неограничени резерви енергија, кои се главни адути на нивниот карактер. Независни се и интелигентни, обожаваат слобода, а во одлучувањето често превладуваат чувствата пред разумот. Љубопитни се и најмногу од се’ ја ценат вистината. Најголема мана им се склоноста кон „солење памет“ и пресметливо однесување.

Жена Јарец: Посветена

Убава кожа и елегантен врат, како и витки екстремитети се типични за припадничките на овој знак. Изразот на лицето им е најчесто сериозен. Исклучително се посветени, тврдоглави и амбициозни. Овие жени се бестрашни во остварувањето на своите цели. Способни се да сторат се’ за семејството и за оние луѓе што ја оправдале нивната доверба. Интелигенцијата и практичноста на дамите од знакот Јарец доаѓаат до израз во работата. Недостаток им е што умеат толку добро да ги скријат сопствените чувства, што често се збунуваат и себеси, а инсистираат дека проблемот никогаш не е во нив.

Жена Водолија: Пријателка

Жените родени во овој знак често може да се опишат како згодни, со живописни очи и посебен моден стил. Тие се големи пријатели, хумани и сакаат друштво. Интелигентни се, женствени и нежни, но не на типичен начин. Не сакаат да се однесуваат онака како што се очекува од нив, туку секогаш стремат кон оригиналност. Во љубовните односи се тешки но верни. Мана им е што светот го кројат според сопствените очекувања, па често ги разочаруваат луѓето околу себе.

Жена Риби: Генератор на љубов

Големи и тркалезни очи, сензуални усни, како и мали заби и стапала ги карактеризираат припадничките на овој знак. Нивниот сонувачки дух, големата креативност и желбата светот околу себе да го направат поубаво место се нивниот двигател. Имаат заштитнички став спрема оние што ги сакаат и способни се сосема да се предадат во љубовните сценарија. Одлични организаторки се и многу се емпатични. Недостаток им е што во односите со другите се поставуваат како оние што ќе прифатат се’, но всушност страдаат и се „јадат“. Најголем страв им е дека луѓето ќе ја изневерат нивната доверба.

Секој хороскопски знак има едноставни, можеби несвесни показатели…
…со кои се обидува да ви даде до знаење дека сте во игра.

Па, погледнете кои се тие знаци…

Овен
Овните не сакаат многу да тактизираат, па ако им се допаѓате, веројатно отворено ќе ви кажат. Меѓутоа ако играат на картата таинственост, тогаш обрнете внимание на нервозните движења. Тоа не се показатели дека повеќе би сакале да бидат на друго место, туку дека сакаат да бидат со вас.

Бик
Биковите се главно традиционалисти, конвенционални типови, па ако им се допаѓате, тој или таа ќе ви се додворува на старомоден начин. Прашањата за омилена боја, храна или цвеќе – значат дека планираат да ве заведат и дека се обидуваат да смислат совршен состанок.

Близнаци
Близнаците се флертувачи чии умови се вечно будни и активни, а сакаат да разговараат со сите што ќе ги запознаат и тоа за најразлични теми. Затоа е малку потешко да препознаете дали во вас гледаат нешто повеќе од незадоложителен флерт. Најдобар знак за тоа е ако, покрај вообичаената конверзација, почнат да ви поставуваат лични прашања.

Рак
Раковите се главно ориентирани кон семејството, па ако кон вас почнат да се однесуваат емпатично, тоа е добар знак дека им се допаѓате. Ако се постават заштитнички, тоа е чекор понапред, а ако ве повикаат да го запознаете нивното семејство, тоа е сигурен знак дека ве гледаат како партнер.

Лав
Лавовите сакаат да „драмат“ па тешко е да се заклучи дали зад нивниот спектакуларен настап стојат искрени чувства или само позирање. Но, сигурно им се допаѓате ако се откажат од тоа да бидат во центар на внимание и ако ве пуштат вие самите да уживате во тоа.

Девица
Логични и практични, Девиците нема на сите ѕвона да ја покажат својата љубов со некој голем гест. Ако пронајдат време и ве прашаат за вашите чувства и се релаксираат во вашето друштво, тоа е добар знак дека постои нешто повеќе.

Вага
Животот на Вагите е балансиран и искрен и тие кон тоа имаат позитивен став. Па како тогаш да дознаете дали се само пристојни или навистина им се допаѓате? Најдобар показател е ако ве пуштат во нивниот свет и ако ве повикаат на романтично дружење.

Скорпија
Ќе знаете дека Скорпијата ве забележала ако таа упорно гледа во вас од другата страна на просторијата. Нивниот интензивен поглед ќе направи да се почувствувате како да сте сами во просторијата. Скорпијата може да ви се причини „студена“ на почетокот, но нема да троши време на безвезни разговори со некого за кого сериозно не се заинтересирани.

Стрелец
Стрелецот е друштвен и отворен, па неговото претерано пријателско однесување лесно ќе го замени за нешто повеќе. Времето кое го поминува во друштво му е многу драгоцено, па ако се најде со вас повеќе пати во неделата, тоа е добар знак дека сте го освоиле.

Јарец
Јарецот никогаш не ги отвора картите, но ако неговиот строг став се ублажи во ваше присуство и ако краде време, на пример од работата, за да ве стави во својот пренатрупан распоред, веројатно во вашата врска гледа романтичен потенцијал.

Водолија
Водолиите размислуваат надвор од вообичаените рамки, па со нафрлање на традиционални идеи можете единствено да бидете исфрлени низ прозорец. Ако и се допаѓате на една Водолија, таа во еден момент ќе ве провоцира и ќе се шегува со вас, а во следниот момент ќе започне интелектуален разговор. Нивното ексцентрично однесување значи дека ве одмеруваат и дека се обидуваат да сфатат дали можете да се вклопите во нивниот необичен свет.

Риби
Добра вест е тоа што Рибите не е тешко да се прочитаат, а уште подобра е дека кога еднаш ќе им се допаднете на Рибите, ќе ви возвратат со внимание и нежности. Сосема е можно да добиете рачно напишана песна или портрет, што доволно ќе ви каже за нејзините чувства.

Стаорец (родени во 1924, 1936,  1948, 1960, 1972, 1984, 1996, 2008)
Вие сте страсни, внимателни и отворено ги покажувате вашите чувства. На почетокот од врската сте секогаш полетни, но доколку осетите дека љубовта не ви е возвратена со иста мерка, станувате гневни. Вашиот кинески хороскоп укажува на вашата желба да бидете центар на светот за вашиот партнер, па ако се почувствувате занемарено, станувате ситничави до бесвест. Вам пред се ви е потребно да почувствувате сигурност за да станете внимателни. За тоа е потребно време, но кога ќе го пронајдете оној кој ви ја дава потребната сигурност и љубов, станувате посветен и верен партнер.

Бивол (родени во 1925, 1937, 1949, 1961, 1973, 1985, 1997, 2009)
Нежни сте и отворени кога сте со вистинскиот партнер, а вашата поддршка дава цврста потпора на врската. Важно е да бидете внимателни кога е во прашање изборот на партнер, бидејќи сте многу осетливи и ризикувате да бидете повредени. Од партнерот очекувате да биде праведен, нежен и ентузијаста до одредена мерка – сакате да ви приближи некои нови интереси, но да не ја загрози вашата сигурност. Со негова поддршка, ќе заборавите на сите грижи и ќе уживате. Вашиот кинески хороскоп покажува дека сте толерантни кон саканата личност и дека не ви е тешко да простувате.

Тигар (родени во 1926, 1938, 1950, 1962, 1974, 1986, 1998, 2010)
Вие сте со слободен авантуристички дух и сакате да одите од една врска во друга. Уживате во романтиката и возбудувањата кои ги носи секоја нова љубов, но веќе по првото чувство на заситеност, подготвени сте да ги раширите крилјата и да одлетате на некој друг цвет. Вашиот кинески хороскоп покажува дека ве привлекуваат личности кои што имаат независен авантуристички карактер, баш како и вие. На таквиот партнер искрено му ги покажувате своите чувства, но сепак сте непостојани и изневерувате. Затоа ви е потребен некој кој што е сталожен, прибран и кој што може да го разбере вашиот слободен дух.

Зајак (родени во 1927, 1939, 1951, 1963, 1975, 1987, 1999, 2011)
Од партнерот барате нежност, доверба и сигурност. Верни сте и не сонувате за паралелни врски и љубовни пресврти. Но, доволно е само малку за да почнете да се сомневате во вашиот партнер, а кога тоа ќе се случи, искажете ги вашите сомнежи и ќе видите дека се неосновани. Кога ќе ја пронајдете вистинската личност, љубовта ќе ви биде возвратена со иста мерка, повеќе ќе простувате и ќе бидете помалку сомничави. Вашиот кинески хороскоп зборува дека ви треба повеќе време за да пронајдете сродна душа. Но, кога еднаш во тоа ќе успеете, ќе биде за цел живот.

Змеј (родени во 1928, 1940, 1952, 1964, 1976, 1988, 2000, 2012)
Исклучително сте атрактивни и шармантни, а бројни се и оние кои ги привлекува вашата појава. Влегувате од една во друга романса и тешко ви е да се смирите со една личност. Штом ќе почувствувате слабост кај вашиот партнер, го напуштате и барате нов предизвик. Поради вашата доминантност многумина не успеваат да ве следат. Вие бргу ги заборавате, но немојте да бидете сигурни дека и тие ве заборавиле вас. Вашиот кинески хороскоп укажува на фактот дека ви е потребен некој кој што ќе ви даде повеќе простор, но кој сепак ќе биде активен како и вие, бидејќи единствено таква личност не би била заплашена од вашата сила.

Змија (родени во 1929, 1941, 1953, 1965, 1977, 1989, 2001, 2013)
Многу сте заводливи, а кога ви се допаѓа некој, не се откажувате од желбата да го освоите. Другите ги привлекувате со вашата романтичност и хумор. Но, не сакате туку така да бидете фатени и вешто ги избегнувате љубовните замки. Вашиот кинески хороскоп зборува дека сакате да ја сочувате вашата слобода и да откривате нови видици. Кога сте во врска со личност која навистина ја сакате, станувате многу внимателни, но сепак ви е потребно време за на партнерот да му ги откриете вашите стравови и слабости.

Коњ (родени во 1918, 1930, 1942, 1954, 1966, 1978, 1990, 2002)
По природа сте непоправлив романтик, а врските во кои што стапувате се многу бурни.  Тешко ви е да одберете само еден партнер, но би морале да одлучите и да ги преземете вашите обврски. Вашиот кинески хороскоп укажува дека ви е потребен некој кој ќе се грижи за вас, но воедно и кој ви дава слободата која ви е потребна. Иако можеби на другите им делувате несериозно, во длабочина на душата вие сте еден од оние кои што сакаат да пронајдат вистинска личност со која што ќе ги поминат најубавите моменти.

Овца (родени во 1919, 1931, 1943, 1955, 1967, 1979, 1991, 2003)
Вам од се најважно ви е чувството на сигурност. По природа сте многу емотивни, лесно се расплакувате, но ви недостасува самодоверба за да ги изразите своите емоции. Вашиот кинески хороскоп зборува дека често делувате отсутно и дека тешко создавате нови познанства. Истовремено сте нежни, романтични, креативни, но вашата неодлучност е нешто што би можело да му пречи на вашиот партнер. Меѓутоа, тој тоа ќе ви прости ако е вистинскиот, бидејќи ќе знае дека во душата вие сте прекрасна личност.

Мајмун (родени во 1920, 1932, 1944, 1956, 1968, 1980, 1992, 2004)
Ве привлекуваат возбудувања и со сигурност може да се рече дека имате многу бурен љубовен живот. Другите ги привлекувате со вашиот хумор, отвореност и необичните интереси. Меѓутоа, вашиот кинески хороскоп укажува на фактот дека не барате авантури кога еднаш ќе ја најдете вистинската личност за себе. Кога вашиот партнер ќе направи и најмала грешка, вие ќе се најдете навредени, но на партнерот кој навистина ви одговара нема да му биде тешко да ве смири. Кога вашата врска ќе стане постојана, ќе станете доверлив и прилагодлив партнер, секогаш подготвен да помогне.

Петел (родени во 1921, 1933, 1945, 1957, 1969, 1981,1993, 2005)
Вие уживате во додворувањето, шармантното друштво и добрата атмосфера. Се гордеете со својот изглед и настап, а кога ситуацијата тоа го бара од вас, умеете да го импресионирате соговорникот со своите ставови. Она што може да ве одбие од потенцијалниот партнер е можноста однапред да го предвидите неговиот нареден чекор. Вашиот кинески хороскоп зборува за вашата независност која секогаш ве тера да одите напред, но и во вас постои доза на љубомора која се обидувате да ја сокриете. Кога ќе ја најдете вистинската личност, заборавате на талкањата – вие сте верен партнер и во состојба сте потполно да и се посветите на саканата личност.

Куче (родени во 1922, 1934, 1946, 1958, 1970, 1982, 1994, 2006)
Многу сте повлечени кога станува збор за вашите чувства и потребно ви е охрабрување. Уживате во друштвото на некој кој е верен и поседува авантуристички дух кој вам ви недостасува. Меѓутоа умеете да го слушате партнерот и да го поттикнете со вас да ги подели проблемите. Вашиот кинески хороскоп укажува дека сте верни, нежни и дека ви е важно вашата доверба да биде возвратена. Ако некој ве повреди или издаде, потребно е многу време таа доверба да се поврати. За вас е идеално најпрвин да создадете пријателство од кое подоцна ќе градите врска.

Свиња (родени во 1923, 1935, 1947, 1959, 1971, 1983, 1995, 2007)
И кога ќе пронајдете партнер имате потреба да го тестирате за да се уверите дека тој е вистинскиот избор. Довербата која што ја внесувате во врската би можела да ви се удри од глава, бидејќи има и такви кои може да ја злоупотребат, но вие сте подготвени бргу да почнете од почеток. Вашиот кинески хороскоп покажува дека умеете да бидете многу затворени, но пред се, вие сте толерантни и му давате на партнерот иста слобода каква што и самите барате. Кога врската ќе се зацврсти, љубовта која што ја давате ви се возвраќа.

Жена овен

Таа има одличен карактер и сака сѐ што е чисто, јасно и прецизно. Брзо и активно реагира на сѐ што се случува околу неа. Вообичаено повеќе значење ѝ придава на акцијата, отколку на размислувањето. Грижите ја обземаат само моментално и не оставаат некои длабоки траги во неа. Не се обесхрабрува лесно, ниту ја обзема песимизам, има самодоверба, храбра е и е во состојба да оди чекор по чекор за да ги оствари своите животни цели. Презема и одредени ризици за да не залута во лавиринтот на неодлучност. Нејзиниот ентузијазам и динамичност се доволен двигател да ги преброди сите тешкотии во животот. Честопати презема иницијатива и кога ќе се најде во дилема, сепак бргу донесува одлука.
Жената која е во хороскоп овен не поднесува компликувани ситуации и не ги сака луѓето што наоѓаат задоволство во конфузни приказни и случки. Се однесува ноншалантно и директно, а со своите импулсивни реакции, понекогаш се случува некого грубо да повреди, иако немала таква намера. Нејзиниот карактер има големо влијание и во однесувањето во љубовта. Таа никако не може да се вброи во типот на жена–робинка, бидејќи е премногу независна за да може да поднесе некој да ја стави во „кафез“, па макар тој бил и златен. Очекува и бара взаемна доверба со нејзиниот партнер, за да обезбеди заеднички живот без сцени и сомнежи.
Љубоморна е и тоа го покажува и бара јасни одговори на прашањата. На нејзиниот партнер нема да му биде лесно ако почне да ја избегнува и запоставува. Ако партнерот ја изневери, нејзината гордост и самопочит ќе бидат повредени и таа сигурно нема лесно да помине преку тоа. Во сѐ сака да има своја улога и во секоја прилика сака да се слушне и нејзиниот збор. Ако наиде на личност која е послаба од нејзе, постои опасност да ја потчини, но таквата ситуација нема да ѝ се допадне, бидејќи во длабочината на својата душа таа не сака таква врска. Идеален маж за неа, е оној кој има јак карактер. Нејзината смелост, спонтаност и ентузијазам ќе играат голема улога во нејзините емотивни врски. Кон партнерот може јавно да покажува нежност, но и од него ќе бара да ги покаже своите чувства кон неа. Во љубовта како и во животот, таа бара полна ангажираност. Таа дава сѐ или ништо – понекогаш е бескрајно дарежлива, а понекогаш покажува знаци на егоизам. Не ги сака лагите и измамите.

Жена бик

Таа стои цврсто на земја и сака сѐ што е постојано и опипливо. За неа мечтаењето претставува само душевен мир, но никогаш не се задоволува со лажни ветувања и слатки илузии.
Кон пријателите покажува лојалност и посветеност, но истото го бара и од спротивната страна. Ако некој ја изневери таа нема бурно да реагира, бидејќи нејзините реакции се бавни и не толку видливи, но затоа бескрајно длабоки и обично трајни. Доколку се увери дека некој лошо постапил со неа или ја повредил нејзината добронамерност, тоа никогаш нема да му го прости. Не ги сака промените и пресвртите и сѐ она што може да го промени нејзиниот вообичаен тек на живот. Ги почитува принципите и концизните идеи. И покрај тоа што има јак карактер, во него има и некои слабости. Во нејзиниот живот понекогаш се јавува мрзеливост и пасивност, бега од грижи и проблеми и не сака компликации.
Љубовта игра голема улога во нејзиниот живот. Таа не е синоним за страст, бурни емоции и романтика, туку за нежност и уживање. Кај мажите ја привлекува нивниот физички изглед, а што се крие зад нивната надворешност, на почетокот не ја интересира многу. Кога ќе запознае личност што ѝ се допаѓа, сака на секој начин да го привлече неговото внимание, но пред да се реши за трајна врска сака да биде сигурна дека тој е оној вистинскиот. Жената бик не се врзува лесно, бидејќи љубовта во нејзиното срце бавно созрева и чувствата постепено се развиваат. Не поднесува присуство на друга жена, па дури ни колешката на нејзиниот партнер и ќе направи сѐ за да го задржи само за себе. Ако открие неверство, спремна е да врати со иста мерка.

Жена близнаци

Динамичноста е нејзина најважна карактерна особина. Бескрајно ја цени слободата и независноста и не му дозволува никому да господари со неа или да ѝ ја наметнува својата волја. Многу е интелигентна, но не и прониклива. Погрешно суди за луѓето што ѝ мислат добро, па е во состојба и да ги навреди. Исто така погрешно ги проценува намерите на оние кои не ѝ мислат добро, па тоа ѝ се удира од глава, иако не е свесна за тоа. Амбициозна е, но не премногу и во работата може да го пронајде најдобриот начин кон успехот. Кога работи сака луѓето да го ценат тоа, но очекува и материјален ефект за својот напредок и никогаш нема да прифати работа која нема да ѝ донесе и материјална корист. Парите лесно ги троши.
Исто како и во животот, така и во љубовта важна ѝ е слободата, па и кога ќе засака некого се плаши да не се врзе премногу за него. Во љубовта и во бракот е верна, а доколку се случи да се разведе, никогаш нема да го заборави тој човек. Не е љубоморна и е приврзаник на современите обичаи и навики. Неверството може да го прости, но може да биде и сосема категорична. Во љубовта е особено динамична, а чувствата не ги покажува јавно.
Сака да се дружи, но притоа и да се покаже како комуникативна личност која има широк круг на пријатели, па затоа никако не може да се сложи со партнер кој не е динамичен. Во потрагата по нови познанства нема секогаш да успее, па се случува да е повеќе сама дури и кога е опкружена со друштво. Можеби никогаш нема докрај да разбере, дека понекогаш е подобро да имаш малку, но одбрани и верни пријатели, отколку многу неискрени кои умеат добро да глумат.

Жена рак

Многу е чувствителна, сензибилна и емотивна личност, но за да се заштити себеси се труди да ги скрие своите чувства. За да се чувствува среќна, се сокрива во својот свет заграден со високи ѕидови, во кој е тешко да се влезе. Во детството се чувствувала безбедно во родителскиот дом, а подоцна се обидува да создаде свој свет во кој ќе владее спокојство, мир и сигурност.
Жената рак не е премногу ни борбена, ни реална, ни активна, бидејќи стравот од непознатото ја попречува да оди напред и да ги совладува препреките. Таа е задоволна онаква каква што е, и не сака многу да се менува. Тоа бегање од непознатото е потполно разбирливо бидејќи често се судира со непријатности, грижи и неизвесност. Нејзината чувствителна природа брзо реагира на секаков вид агресивно однесување. Кога ќе се соочи со некој сериозен проблем умее да се претвори во „жена змеј“ која ќе се жртвува до крај.
Умее да „сонува“, но сака и логично да размислува, но на неа многу лесно може да се влијае, па ако тоа не можат да го постигнат оние кои не ѝ се многу блиски, тоа многу лесно ќе им успее на сите оние кои таа ги сака. Љубовта во животот ѝ значи сѐ и таа ѝ е најважна во животот. Таа бара човек кој ќе ѝ овозможи сигурност и поддршка, но и бескрајна нежност. Таа е многу чувствителна и романтична личност и сонува за бескрајно романтична љубов и страст на две сродни души. Нејзината глад за идеална љубов е тешко да се задоволи, бидејќи постои разлика помеѓу реалноста и убавите соништа, а токму тоа и најмногу ја плаши.

Жена лав

Таа е јака жена која не се препушта лесно да ја понесат брановите на судбината. Нејзината виталност, волја и авторитет ѝ овозможуваат да биде доминантна жена. Тешко ѝ е да остане на едно место, да мечтае и ништо да не работи, бидејќи сака акција и движење, а не поднесува мрзеливост. Гордоста, а понекогаш и суетата, играат голема улога во постигнувањето успех скоро по секоја цена. Претпазлива е и скоро ништо не препушта на случајноста.
Таа има премногу високо мислење за себе за да може да се задоволи со моменталната состојба. Млаки и недефинирани чувства ја доведуваат до очај, а нејзиниот карактер е таков што тешко се прилагодува кон луѓе кои се воздржани. Искрена е, а понекогаш сака и да се шегува. Нејзините ситни грижи умее да ги прикаже како големи за да го привлече вниманието на другите. Кај неа постои една контрадикторност. Среќна е и великодушна кога може на другите да им причини радост, меѓутоа понекогаш е премногу егоцентрична, па пред да помисли на друг, таа прво помислува на себе.
Нејзина најголема доблест е верноста. Има цврст карактер и затоа не поднесува туѓи влијанија. Кај другите луѓе не трпи каприци и извештаченост. Ако ѝ се допадне некој маж, таа тоа отворено ќе му го даде до знаење. Кога сака некого, потполно им се препушта на чувствата и во љубовта не поднесува да остане ништо нејасно и недокажано.

Жена девица

Сѐ што се случува околу неа, таа го прима со аналитички поглед и има отпор кон сето она што е диктирано од инстинкт. Кон луѓето не покажува спонтаност, премногу воодушевување и силна желба за пријателство, бидејќи по природа е резервирана и срамежлива.
Кога ќе сретне маж кој ѝ се допаѓа, а и таа му се допаѓа нему, тешко е веројатно дека ќе му се фрли во прегратка, пред сѐ затоа што и самата не е сигурна во своите чувства. Секогаш ќе се прашува дали е тоа вистинска љубов или тоа се само минливи чувства. За да ја разјасни оваа дилема, најпрво себеси ќе се преиспита, а потоа и личноста која ѝ се допаѓа. Причината поради која се двоуми потполно да им се предаде на чувствата, е нејзиниот паничен страв да не направи грешка.
Таа е приврзана кон своите навики и верува дека живее во удобно гнездо кое сама го создала, па се прашува дали личноста која влегла во нејзиниот живот може да го смени и расипе тоа. Еден ден кога ќе го победи својот страв, сигурно е дека на мажот што ќе го одбере ќе му биде посветена до крајност. Жената девица е многу верна и лојална личност, која е дискретна и внимателна во сѐ што прави. За да можете вистински да ја запознаете, треба да имате на ум дека за нејзиниот карактер многу поголемо значење има тоа што е скриено во неа, отколку она што е очигледно.

Жена вага

Жената вага не е ниту енергична, ниту одлучна личност и во донесувањето одлуки никако не може да го пронајде вистинско решение. Не е особено амбициозна и секогаш ѝ е потребен некој на кој со задоволство ќе му препушти дел од обврските. Во сѐ што прави сака целосно да се внесе и посвети, но тоа не ѝ поаѓа секогаш од рака, па тогаш кога ѝ се чини дека не може да ги совлада препреките, се повлекува и се помирува со судбината.
Сака да им се допадне на другите, друштвена е и сака да излегува. Во неа постојат две личности. Едната е таа што им ја покажува на другите, а другата е онаа која никогаш не ја покажува и која ретко кој може да ја открие, бидејќи љубоморно ја чува. Тоа што го покажува понекогаш е мирна и кротка личност, а понекогаш избувлива и експлозивна. Поради стравот да не биде откриена таа се прикажува поинаква, честопати ставајќи на себе маска на љубезност и насмевка. Таа е одличен актер, дури и кон најблиските.
Не сака бурни сцени и караници, но сепак често ѝ се случуваат, а при тоа дури не е ни свесна дека всушност сама ги предизвикала со своето провокативно однесување. Поседува исклучителен шарм, страсна е и чувствителна. Луѓето во неа гледаат нешто симпатично, пријатно и таинствено. Жените ваги се исклучително интелигентни. Многу ваги можат да погрешат во изборот на партнерот. Тие сметаат дека партнерот треба да им биде главна потпора во животот но, се случува да се врзат за некој кој станува вистински тиранин штом ја почувствува нивната слабост. Нив најмногу им одговара маж кој ќе знае да ги цени нивните квалитети и нема постојано да ги критикува поради недостатокот на енергија да ги издржат тешкотиите. На жената вага ѝ е потребен партнер со јак карактер, но воедно да биде и исклучително нежен и внимателен. Таа не е склона кон промени во љубовта.

Жена скорпија

Жената скорпија не е мирна, пасивна и кротка жена. Таа има импулсивна, избувлива и страсна природа. Во животот ништо не прави половично и не сака неодлучност. Неуспехот и разочарувањето длабоко ја погодуваат. Во сите сегменти од нејзиниот живот доминира инстинктот, па затоа и најдобрите одлуки се диктирани токму од нејзината интуиција, а првиот впечаток за луѓето и нештата најчесто се точни и прецизни. Таа не прави тактички и психолошки грешки.
Некои жени бараат мир, но тоа не е случај со скорпиите, бидејќи нејзините чувства се како зовриен вулкан. Дали некој ѝ е симпатичен или не веднаш се забележува. Жената скорпија не спаѓа во категоријата на студени жени, а нејзините реакции во љубовта се непосредни. Физичката љубов за неа има големо значење, а нејзината страст и енергичност ја вбројуваат во категоријата жени кои имаат моќ на заведување.
Многу жени родени во овој знак и покрај тоа што не се видни убавици, фасцинантно и магично делуваат на мажите. Би можело да се помисли дека за неа љубовта е само игра, но тоа не е вистина. Таа е многу сензибилна и е спремна да се предаде до крај, а нејзиниот партнер станува центар на нејзиното живеење.
И тогаш кога ќе се омажи, таа не запловила во мирни води, бидејќи сака акција, движење и обновување. Љубовта за неа не претставува само страст, туку и вечна борба со животните предизвици. Жената скорпија потсвесно сака да доминира над луѓето и случувањата, па ни нејзиниот партнер не може тоа да го избегне тоа, бидејќи секогаш ќе сака на некој начин да му ја наметне својата волја.

Жена стрелец

Нејзиниот карактер ја води оваа жена кон два спротивставени животни правци. Првиот ја води кон мирен живот, а другата страна на нејзиниот карактер е сосема поинаква. Таа е храбра, независна, сака да ги прескокнува вообичаените бариери и да се впушта во ризици. Многу е амбициозна и не пропушта ништо што би можело да го зголеми нејзиниот углед. Има истенчено чувство за сите животни вредности, и не сака збрка и анархија. Нејзиниот карактер е брз, експанзивен, нескротлив и тој секогаш ја турка напред, а нејзината виталност која е несфатлива за околината мора секогаш да се искаже.
И покрај тоа што понекогаш ѝ се јавува желба да биде сама, таа сепак е личност која сака да биде во друштво. Омразата не може да ја поднесе, а нејзината природна веселост и смисла за хумор играат огромна улога во односите со луѓето. Таа е отворена и лојална личност. Во љубовта основна желба ѝ е да сретне маж кој ќе ѝ се восхитува и кој без ни малку колебање ќе може да им го претстави на своите пријатели. Таа нема да се задоволи со било кој маж, бидејќи ги презира просечните вредности. За неа љубовта значи восхитување, па затоа нејзиниот партнер мора да биде човек со јак карактер. Оваа жена не ги сака луѓето кои срамежливо ги покажуваат своите чувства и затоа човекот на нејзиниот живот мора отворено да ја искажува својата љубов и на секој начин да ја докажува. Жената стрелец не е премногу љубоморна, но неверството никогаш нема да го прости.

Жена јарец

Жената јарец има реален однос кон животот и ја сака постојаноста. Ги цени само оние луѓе кои имаат одредени вредности што се во склад со нејзините сфаќања. Во животот не сака да губи време на несериозни или невредни ситуации и ги презира лежерните и неконструктивни разговори. Оваа жена умее точно да го процени редоследот на одредени случувања и е одличен организатор.
Во работата, исто како и во животот не сака на секој начин да го привлече вниманието на другите. Таа работи дискретно и вредно како мравка, а понекогаш сака да биде сама, бидејќи тишината е нејзино прибежиште. За оваа жена не би можело да се каже дека е голем оптимист. За нејзе животот е нешто многу сериозно, но од него не очекува многу радост, ниту верува во какви било чуда.
Кога ќе добие некаква сатисфакција, ја доживува како вистински дар од Бога. Жената јарец не е лесно да се освои, а љубовта кај неа не може да дојде како гром од ведро небо. Женските претставници на овој знак ретко доживуваат голема љубов, но кога сакаат или поточно кога ќе решат тоа да си го признаат, обично тоа се случува после долго познанство со некој маж.
Кај нив љубовта бавно се раѓа, но кога ќе се врзат за некого, тоа е за цел живот, па ни времето што поминува, ниту долгите разделби не можат да ја нарушат нејзината љубов. Нејзиниот партнер треба да биде исклучително трпелив. Многу припаднички на овој знак остануваат немажени до крајот на животот, а некои пак се мажат кога се веќе во зрели години и тоа повеќе според налог на разумот, отколку по занес на срцето.

 Жена водолија

Жената водолија понекогаш зазема ироничен став, но тој е резултат на нејзината несигурност и недоволно самодоверба. Таа живее во својот свет на соништата и нема храброст да се соочи со целосната вистина, а нејзините сфаќања за светот се идеалистички. На оваа жена лесно може да се влијае и таа е свесна за тоа, па се обидува да се брани ставајќи на себе маска на ироничност, а понекогаш и цинизам.
Секој човек детално го анализира и се труди добро да го разбере, но тоа не го прави од љубопитност, туку поради желбата да им се приближи на луѓето. Не е човек од акција, но во работата лесно напредува. Многу е чувствителна и поседува ширина на духот. Сака патувања и промени, но поради неодлучност ретко ја остварува оваа желба.
Оваа жена е многу заводлива и го привлекува вниманието на мажите. Долго време го одбира својот партнер, но кога еднаш ќе се вљуби, тоа е за цел живот. Во љубовта е великодушна и на саканата личност ќе ѝ ги поклони сите свои чувства. Таа не сака лаги и извештачени луѓе, а маж-тиранин не може да поднесе. На жената од овој знак ѝ е потребен партнер со јак карактер, а кој воедно ќе биде и поголем реалист од неа.

Жена риби

Нејзиниот карактер е полн со спротивставености и можеби не е доволно свесна за тоа, но за повеќето луѓе таа е чудна и несфатлива. Честопати го менува своето расположение и наоѓа задоволство во тоа да биде завиена со некој вид магла на која не ѝ дозволува во потполност да се растргне. Нејзината склоност кон мечтаење и недефинирани ситуации, наведува на тоа дека е преголем фантазер и дека нема чувство за реалност.
Грубите зборови, критиката и злобата можат многу да ја повредат и да ѝ предизвикаат голема емотивна болка. Таа нема енергија да се бори, ниту да ги надминува препреките на животниот пат и дозволува другите да ја водат. Сепак не е сосема без иницијатива и доколку наиде на искрена поддршка, таа храбро ќе оди напред. Оваа жена е непоправлив идеалист и фантазер. Многу е интуитивна и комплексна личност, а спрема другите луѓе е толерантна до крајност.
Љубовта ја збунува уште од првиот момент и ако почувствува наклоност кон некого таа не е сигурна во себеси, па затоа и не ја открива. Се плаши дека ќе биде изневерена, отфрлена и напуштена, а страдањето е нешто што мисли дека не може да го поднесе. Таа секогаш балансира помеѓу желбата и воздржаноста и таа рамнотежа ја смирува.
Во љубовта бара нежност, такт и таинственост, а нејзиниот партнер мора да ги одбира зборовите за да не ја повреди. Мечтаењето ѝ е неопходно на оваа личност, но тоа воопшто нема да му пречи на нејзиниот реален живот со нејзиниот партнер. Сепак љубовта која неа ќе ја врзе за еден човек, нема да биде воопшто едноставна, бидејќи нејзините чувства секогаш ќе бидат полни со вртлози.