ФОТО: 33 стилски моменти на војвотката Кетрин за нејзиниот 33. роденден

Стилот на војвотката Кетрин непрекинато е анализиран до детали. Придржувајќи се до класичната елеганција и често „репризирајќи“ го модниот избор, сопругата на принцот Вилијам успеа да стане стилска икона на денешницата, без притоа да изгледа нескромно или претерано раскошно.

Негувајќи го „конзервативниот“ стил наметнат од кралското семејство, Кетрин не прави драматични експерименти ниту со облеката, ниту со фризурата. Крупните локни, едноставните еднобојни обувки и минималниот накит се клучни елементи во сајлингот на шармантната мајка, која во април се очекува да го роди второто дете.

Будното медиумско око го следеше секој чекор на Кетрин, особено по објавувањето на нејзината свршувачка со Вилијам. Денес таа го прославува својот 33. роденден, па потсетете се на некои од нејзините најдобри стилски моменти.

ФОТО: Кралицата Летиција беспрекорно елегантна во Париз

Кралицата Летиција изгледаше отмено и префинето за време на официјална посета на Париз со својот сопруг, кралот Фелипе.

За средбата со претседателот на Франција, Франсоа Оланд, која се одржа во Елисејската палата, 42-годишната кралица на Шпанија избра елегантен бордо фустан и чантичка од својот омилен дизајнер Фелипе Варела и обувки од шпанскиот бренд Lodi.

На првата средба со Оланд, Летиција се појави во класична бежова креација која исто така ја потпишува Фелипе Варела. Својот стајлинг таа го ја комплетираше со обувки со змиски принт од Каролина Ерера, чантичка од Фелипе Варела и обетки од Моника Винадер.

За време на престојот во Париз, кралскиот пар имаше и средба со премиерот на Франција, а посети и изложба на уметнички дела од Диего Веласкез.