Македонски литературен јазик

Анастеа напиша: Шол?

Да, да - шол!
Прашајте ги вашите постари* за овој збор.
Се сеќавам како мајка ми (но не само таа, туку и сите други жени) кога правеа муабет за разни рецепти, ќе речеа: „ставаш тоа и тоа ... и еден шол зејтин ...“
Но, бидејќи јазикот е жива материја, посебно денес во оваа ера на глобализација, се отфрлаат, се забораваат многу зборови или се менуваат со други, така да и овој збор полека се отфрла и ни’ изгледа туѓ.
Токму поради овие причини го дадов коментаров:

Zlatnik напиша: Во Македонија толку многу се употребужваат србизми  што е дојдено до тој степен да тврдиме дека се тие македонски зборови. ...

А читајќи го ова ... :

brza напиша: -ma,...sveshto !

... по сеизгледа, после зборот „тврдиме“, требаше да ги допишам зборовите: „чудиме“, „потсмеваме“ ...
Ако овој збор предизвика толку „изненадување“, тога што би рекле за зборот „гилза“ (или некаде „гилзна“)?
Сигурен сум дека повеќето немаат врска што тој означува.
А, ако ви речам „чаура“, тогаш секако ќе знаете на што се однесува.
Ами ако го спомнам зборот „риза“. Или „сетре“. Ќе знаете што е?

Само ќе ве молам, пред да почнете со иронизирање, распрашајте се кај постарите или обидете се да побарате на нет, можеби ќе најдете нешто.

* - зависно од реоните во Македонија, можеби некаде и не се користел овој збор, неможам да тврдам, но дека во велешко се користеше, можат да ви посведочат многумина, посебно од постарата генерација. Не сум обратил внимание, можеби има некои и од младиве кои сеуште го употребуваат овој збор.

каква е разликата во македонскиот помегу спремен и подготвен

последните коментари на темава кои немаа никаква врска со неа, се скриени

Македонски новокомпониран, со елементи на турбо-фолк

Орка напиша: Јас тринаесет години бев со високообразовани луѓе од маркетингот, и чудо едно е колку овој турбо-фолк си го применуваат. Па за кратко ќе почнеш и да го користиш,оти се осеќаш како неписмен. Желба да се потенцира познавањето на англискиот или што ни тогаш ни сега не ми е јасно.

Па барем англискиот да го користат правилно.
Тие (посебно нашиве ни’ јадни политичарчиња) со тоа пред народот* сакаат да докажат колку се во тренд, колку се едуцирани, па неретко велат: “ ... во нашите планови за развој таргетиравме имплементација на кориснички интерфејс за кое се потребни ИТ девелопери. За евалуација на нивнуите способности потребно е да аплицираат свое CV ... “ или во оглас за вработување: „фирма бара мерчендајзер“
Има уште многу други овакви примери, но да не ве заморувам, бидејќи и вие самите постојано ги среќавате во средствата за јавно инфоримирање.

После неколку години, кога овие зборови ќе им бидат нормални на тогашните генерации, тие ќе се чудат кога некој ќе им рече дека тоа не се македонски зборови, дека во македонскиот јазик има соодветни зборови. И тие, како некои членови сега, ќе му се иссмеваат на тој кој ќе им рече дека треба да се користат овие наши македонски зборови и ќе велат: „ма ... сВашта“ и тоа најверојатно напишано со латиница: „ ma ... sVasta“


* - Народ како народ. Некој попростичок, некој пообразуван, некој си мисли дека е образуван, па кога ќе слушнат како некој (обично политичар) користи туѓи зборови (некои во оригинал, а некои „транслитерирани“) навистина си мислат: „Еееејјј ... абе овој некој учен човек, зборува нешто многу умно! “
А што убаво ни’ беше порано. Си го имавме само Циле, кој умееше да зборува и по еден саат (ма, и повеќе), а никој ништо да не го разбере.

Зошто се вика телоХранител, наместо телоБранител, за некој кој брани, заштитува други тела?

Многу ме мачи дилемава, не можев дури да заспијам

“Да бе“