Потребни состојки:

250 гр. брашно

125 гр. кафеав шеќер

1 јајце

1 лажичка цимет

5 капки екстракт од цимет

1 прашок за пециво

100 гр. путер

50 гр. мелени бадеми

Малку сол

Припрема:

Во посебен сад ставете го брашното, шеќерот, мелените бадеми, прашокот за пециво и циметот. Растопете го путерот и додајте го екстрактот од цимет па матете со миксер. Потоа додајте го јајцето, изматете со миксер, додајте ја смесата со брашно и солта, па со рака измесете ги состојките за да добиете меко тесто.

Направете цилиндар од тестото со дебелина од околу пет сантиметри. Завиткајте го во проѕирна фолија и оставете го да отстои преку ноќ во фрижидер. Утредента извадете го од фрижидер, отстранете ја фолијата и исечете колачиња со дебелина од пет милиметри или еден сантиметар.

Во тавата за печење ставете хартија за печење и печете во загреана рерна на температура од 180 степени целзиусови околу 15 минути, па оставете ги колачињата да се изладат. Добар апетит!

Состојки:

• 3 јајца

• 150 гр шеќер

• 1 ванилин шеќер

• 200 гр мелен афион

• 300 мл млеко + 6 лажици топло млеко за посипување

• 150 гр брашно

• 1 прашок за пециво

• 200 м масло

• 6 лажици џем

Глазура:

• 200 гр чоколадо за готвење

• 2 лажици масло

• 10 лажици хопла

• 2 лажици шеќер во прав

Подготовка:

Рерната се загрева на 180°. Се одвојуваат жолчките од белките. Жолчките се матат со шеќер и ванилин шеќер. Им се додава маслото и брашното измешано со прашокот за пециво.
Млекото се загрева и кога ќе биде топло се попарува мелениот афион. Се меша убаво и се додава на смесата со јајца.
Белките се матат со малку сол додека не се добие цврст снег. Внимателно се мешаат двете смеси. Добиеното тесто се излева во плех за торта (26цм) претходно премачкан со масло и посипан со брашно. Се пече околу 35 минути, со чачкалица се проверува дали тестото е печено.
За глазурата: се мешаат сите состојки на најслаб оган додека не се добие густа и мазна глазура.
Испечената торта со нож се сече хоризонтално на 2 дела. Едниот дел се премачкува со 3 лажици топло млеко и 3 лажици џем. Врз џемот се става 1/3 од чоколадната глазура. Се поклопува со втората кора, пак се премачкува со 3 лажици топло млеко и 3 лажици џем и се филува со остатокот од чоколадната глазура. Тортата се остава да се излади и да се стегне глазурата.

Состојки:

• 20 лажици брашно
• 25 лажици шеќер
• 800 мл. млеко
• 250 гр. маргарин
• 200 гр. шеќер во прав
• 150 гр. брашно
• 100 гр. маргарин
• 250 мл. вода
• 4 јајца
• 2 ванилин шеќер

Подготовка:

Водата и маргаринот зовриваат, се трга тенџерето од оган и се додава брашното. Смесата се меша додека се изедначи и се остава да се излади. Јајцата се додаваат едно по едно и убаво се мешаат со смесата(со миксер, со лажица или со рака). Се пече во тавче број 26 намрсено со маргарин. За подготовка на филот, брашното, шеќерот и ванилиниот шеќер се мешаат со дел од млекото и се варат во преостанатото млеко како за пудинг. И оваа смеса убаво се лади и потоа се замешува со маргаринот убаво изматен со шеќерот во прав. Испеченото тесто се дели на половина и се филува со кремот. Потоа се филува и целата торта и се украсува.
Мала забелешка: Испеченото тесто може да не е насекаде подеднакво пораснато. Не се паничете, искрој те го. Кога ќе го наредите врз филот и кога врз него ќе го ставите преостанатиот фил, на тортата ништо нема да се познава. Поедноставно е и за промена интересно, отколку да правите поединечно еклери.

Состојки:
* за кора:

2 портокали,

750гр. шеќер,

10 јајца,

150гр. мелени ореви,

100гр. суво грозје,

60гр. мелен кекс,

5 лажици рум
* за глазура:

4 реда чоколадо,

20гр. путер

Подготовка: Корите од двете портокали исецкајте ги на парченца и згответе ги во пет води. Ставете им пет лажици шеќер, и оставете ги да се зашеќерат. Посебно изматете ги белките од 10те јајца со 10 лажици шеќер. Додајте ги и жолчките, добро измешајте, истурете ги во смесата мелените ореви, сувото грозје, мелените кекси и зашеќерените кори од портокал. Сето тоа добро измешајте го и истурете го во подмачкан калап за торта. Печете го на умерена температура во загреана рерна. Печеното тесто изладете го и прелејте го со сируп од остатокот шеќер и петте лажици рум. Целата торта прелејте ја со чоколадото кое ќе го истопите заедно со путерот.

Состојки:

тесто:

• 100 гр маст или маргарин
• 1 јајце
• 250 гр брашно
• ½ прашок за печиво
• 50 мл млеко
• 100 гр шеќер

фил:

• 300 гр шеќер
• 500+50 мл млеко
• 50 гр брашно

Подготовка:

Во еден сад со вилушка се матат маста (или маргаринот) и јајцето. Се додава брашното измешано со прашок за пециво. Со рака се меша додека не се добие зрнеста смеса. Се додава млекото во кое претходно е растопен шеќерот и се заедно се меша, треба да се добие меко тесто.
Тестото се остава да се одмори 1 час, па се дели на 2 дела. Од секој дел се развива кора што се пече на задната страна од плех од шпоретот. Секоја кора се пече по 10-ина минути на 180⁰С. Испечените кори се тврди и кршливи, ќе омекнат кога ќе се филуваат.
Додека корите се печат, се прави филот: 500 мл млеко се става на оган да се стопли. Во едно тенџере се става шеќерот и со постојано мешање се топи додека не се карамелизира. Кога шеќерот ќе стане течен и ќе добие карамел боја, му се додава половина од стопленото млеко и се меша додека шеќерот не се растопи. Во друг сад се меша брашното со 50 мл млеко додека не се добие мазна смеса и во тој сад се додава другата половина од стопленото млеко. Се меша убаво и се соединува со стопениот карамел. Добиената смеса се вари на тивко додека не се згусне. (треба да биде малку поретка од пудинг). Филот се остава да се излади.
Секоја кора се филува со згуснатиот фил и се остава добро да се излади (најмалку 12 часа во фрижидер). За тоа време корите ќе омекнат и филот ќе се стегне. Колачот се сече на коцки или правоаголници и се сервира.