Катарина Ивановска позираше за модните каталози на „Banana Republic“. На фотографиите македонската манекенка носи кежуал облека од американскиот бренд кој привлекува голем број клиенти уште од 1978 година.

25-годишната бринета има импресивно резиме. По деветгодишно присуство на модната сцена, таа може да се пофали со бројни едиторијали за списанија како Vogue Италија, Vogue Шпанија, Vogue Русија, Elle и Vanity Fair, а има остварено и блиска соработка со брендови како Valentino, Dolce & Gabbana, Christian Dior, Roberto Cavalli и Gucci.

Минатата година Катарина ги покажа и своите актерски способности во филмот „Трето полувреме“.

Катарина Ивановска го разубавува новиот каталог на „Peter Hahn“, кој ја најавува топлата сезона.

25-годишната манекенка презентира облека во ведри бои како тиркизна, жолта и циклама и со цветни дезени. Модерните парчиња се дел од колекциите пролет/лето 2014 на германската компанија „Peter Hahn“, но и на брендовите „Apanage“, „Betty Barclay“ и „Gerry Weber“.