До каде секогаш може подобро ?

Позната е изреката /секогаш може подобро/; но, до каде ? до бесконечност ? до каде секогаш може подобро ?

(на пример, во сликарството: секогаш може да се нацрта подобра слика);

sekade moze podobro

Мислам дека на почетокот на оваа дискусија би требало да направиме една јасна дистинкција помеѓу материјалното и духовното.
Верувам дека на авторот на оваа тема првенствено му било овој проблем да се гледа од „материјалната“, а не од „духовната“ страна. (Ако грешам, нека ме поправи.)
Затоа сакам оваа дискусија да ја насочам кон оваа, материјална страна.
Да, секогаш ќе има нешто подобро, но сепак, тоа е можно во одредени области. Има области каде тоа, едноставно, не е можно.
Да се потсетиме на перформансите на првиот телефон на Бел и овие денешниве.
Или на првиот телевизиски приемник ... или на автомобилите, велосипедите, авионите, градежните објекти ... и сите други техички изуми. Неспорно е дека од технички аспект денешниве се многу подобри.
Но сосема друга работа е кога се работи за одредени области како што се уметноста, архитектурата ... Тука веќе се работи за вкусови. За некој Мона Лиза е совршенство. За мене совршенство се пештерските цртежи на праисториските луѓе.
Мислам ми ја сфаќате алузјата. Исто се однесува и за изгледот на зградите.
Треба ли тука да ги спомнам различните гледишта за убавината на спомениците!
Дека некои работи неможат да се подобрат, а кои не спаѓаат ниту во техникчката ниту во уметничката област, се и човечката физичка моќ. За пример да го земеме трчањето на 100 m. Сега засега Усеин Болт е најдобар. Подобро од него би можел да трча уште некој друг, но тоа би било во десетинки од секундата. Да, ќе речете и тоа е подобро. Но до каде ќе биде физичката моќ, способност на човекот? Дали тој ќе може да трча да речеме под 8 секунди?! Верувам и убеден сум дека тоа не е можно. Едноставно физичката конструкција тоа не му го дозволува. Тоа би значело дека неможе да се биде подобро од тие 8 секунди.

Секогаш може подобро.

Мислам дека мора да се направи разлика.
Една работа е дали е нешто убаво, а друга е дали е нешто добро. Па, слетствено на тоа, нештата да бидат поубави или подобри.
Гледам дека и во овој пост некако ги поистоветуваш овие работи и работата ја вртиш кон уметноста т.е. кон убавината во уметноста.
Дали може да има нешто подобро во уметноста? Или поточно, дали може да има нешто подобро во убавината!?
А токму во таа област, според мене, неможе нешто да биде подобро. Тоа е чисто субјективна работа. Токму поради таа субјективност во оценувањето на убавината, луѓето имаат различни модели на телефони, автомобили, уметнички слики, девојки, жени ... Кој ќе рече дека неговата жена не е нај убава*
Ај да не ги спомнувам повторно праисториските луѓе и нивните цртежи по пештерите.
Да ги земеме на пример децата од 3-4-5 годишна возраст.
Зарем не е преубава уметност тој детски мозок да нацрта една куќичка со врата, прозорец, покрив, оџак и едно дрво до неа?! Кој тоа ќе го оспори дека не е убаво? Зарем ќе се најде некој кој ќе рече дека еден таков цртеж е поубав од друг, од некое друго дете?
Да, знам, сите ќе речете дека има натпревари по цртање каде сепак одбираат убави, поубави и најубави цртежи. Само, по кој критериум/и тие „стручњаци“ (т.н уметници) ја оценуваат детската имагинација? Како тие деца самите си ја претставуваат убавината?!
Значи, во областа на уметноста, токму поради субјективноста, во убавината неможе да има поубаво и понеубаво.
Друга работа е техничката страна на уметноста. Пример квалитетот на боите, платната ... нивната трајност ... Тука може да се дискутира за полоши или подобри бои, платна и други работи.

Една мала анегдота.

Пред многу години во велешкиот ликовен салон имаше изложба на која, покрај другите дела, беше изложено и едно ептен уметничко дело. Три геометриски слики на квадрат, правоаголник и триаголник, секоја со по една боја. Димензиите им беа некаде 4-5 cm, а беа поставени како да си ги истресол од ракав.
И луѓето се собрале пред тоа страшно уметничко дело, зјапаат во него, се ѕверат, вртат со главите сакајќи да го видат од различна перспектива ... нешто мумлаат, брборат меѓу себе, климаат со главите, небаре чиниш нешто разбираат од тоа што го гледаат...
За мене тоа беше врв на глупоста, ама ете, за нив тоа е уметност и, неможам да им го оспорам тоа нивно право!
И сега, во контекст на оваа дискусија, може ли некој друг да направи некое друго такво дело кое ќе биде поубаво (не подобро) од споменатово?


* - Уф ... што има една комшика ... абе да ја грабнеш да бегаш ... ама како да се откачам од она што погоре го пишав!

janevzoran1 напиша: Позната е изреката /секогаш може подобро/; но, до каде ? до бесконечност ? до каде секогаш може подобро ?

janevzoran1 напиша: Тоа што сакам да го кажам е: да имале Леонардо да Винчи, Микеланџело, Пикасо, Салвадор Дали,..., компјутери - којзнае колку убави (дигитални) слики би нацртале ОНИ.