Сите во неверување: Почина хрватската актерка Маја Петрин

Хрватската актерка, Маја Петрин ненадејно почина во 42-та година од својот живот. Според неофицијалните информации смртта на Петрин била предизвикана од срцев удар иако тоа се уште не е потврдено од службените лица.

Актерката доживеа срцев удар пред 5 години, но од тогаш во повеќе наврати изјавуваше дека успешно го поминала процесот на рехабилитација и дека се чувствува далеку подобро од претходно.

Петрин ќе остане запаметена по богатата телевизиска и театарска кариера, а за нас најмногу по нејзините улоги во серите „Забранета љубов“,  „Гордоста на Раткаеви“ и „Вила Марија“

Зад себе ја остави 17-та годишната ќерка, ужаленото семејство и пријатели кои сè уште се во шок и неверување по веста за нејзината смрт.

Нова трагедија: Пичес Гелдоф пронајдена мртва во својот дом

Уште една трагична вест во светот на познатите. Ќерката на музичарот Боб Гелдоф, Пичис е пронајдена мртва во својот дом во Кент.

Според информациите добиени од полицијата 25-годишната мајка на две деца, починала ненадејно и под необјасниви околности. Само неколку часа пред да биде пронајдена мртва, Гелдоф на Instagram споделила фотографија со својата мајка, која почина во 2000-та поради предозираност со дрога.

-Пичис умре. Скршени сме од болка. Таа беше најдивата, најзабавната, најпаметната, најдуховитата од сите нас. Ова „беше“ ме уништува. Колку убаво дете. Како е можно повторно да не ја видиме? Како можеме да го понесеме ова?, стои во соопштението на нејзиниот татко кој уште не може да се соземе од ненадејната смрт на својата ќерка. 

Полицијата продолжува да го истражува случајот со цел да ја открие вистинската причина за смртта како и околностите под кои настанала.