Во срцето на Европа покрај големите градови се наоѓаат и мали скриени села, кои ја будат љубопитноста. Токму тие ја кријат вистинската култура и традиција на земјите во кои се наоѓаат.
1. Болгери, Италија
Патекта на чемпресите води директно до селото Болгери, кое се наоѓа во јужната тосканска област Марема. Околината е исполнета со лозја, па задолжително мора да застанете во Caffè della Posta на главниот плоштад и да пробате барем едно од трите црвени вина произведени уште во осумдесеттите. Во близина се наоѓа место за сместување и одмор, Relais Sant’Elena, каде има 15 соби, камин и традиционални италијански тестенини како оброк.
Како да стигнете: Болгери е 64 километри јужно од Пиза, ако одите со автомобил или автобус.
Каде да се сместите: Relais Sant’Elena ($182 долари за двајца)
Што да јадете: Равиоли со сос од домати во остерија Magona.
2. Стауфен, Германија
На крајот на Црната Шума во јужна Германија се наоѓа идеална викенд дестинација. Истовремено е и туристичко и историски место, каде може да се забележат и готски и модерни елементи. Постојат многу легенди кои вреди да ги слушнете од локалните жители.
Како да стигнете: Стауфен е оддалечен за околу 75 минути возење со автомобил од Стразбур.
Каде да се сместите: Хотел Gasthof KreuzPost ($136 долари за двајца), добро е да пробате гради од патка, палачинки со печурки и рижото во црвен сос.
Купете: Шише вино од цреши
3. Лавенхам, Англија
Ова можеби е и најубавото гратче во Англија каде има околу 350 куќи и многу мали продавници и чајџилници. Прекрасно рурално и шармантно место кое ќе ве освои штом пристигнете.
Како да стигнете: Може да одите со воз преку Лондон и Ливерпул или со автобус преку Колчестер.
Каде да се сместите: Great House Hotel ($162 долари за двајца) во центарот на ова село-гратче.
Каде да јадете: Вистинска англиска кујна може да пробате во Great House Restaurant
4. Абердур, Шкотска
Прекрасно мало село, исполнето со зеленило, каде не се дозволни автомобили. Но и не ви се потребни, бидејќи сите места до кои треба да стигнете се поврзани со пешачки патеки.
Како да стигнете: Абердур е оддалечен на 30 минути со воз од градот Единбург
Каде да се сместите: Woodside Hotel ($140 долари за двајца)
Каде да јадете: Во истиот хотел каде што ќе се сместите има одличен ресторан каде најдобро е да пробате бифтек.
5. Раундтоун, Ирска
Никаде нема да пробате подобри капини од оние што ќе ги наберете во Раундстоун. Тоа е рибарско село од 19. Век. Ако се искачите на врвот Ерисбег ќе добиете чист поглед на Националниот парк Конемара.
Како да стигнете таму: Од Галвеј има 122 километри за возење.
Каде да се сместите: на неколку километри од Раундстоун се наоѓа семејна вила Cashel House Hotel ($220 долари за двајца)
6. Чесињолс, Франција
Популарно е за марсејската елита, но со својата живописна природа, ги привлекува сите кои сакаат да се почувствуваат посебно и да вдишат од свежиот воздух, додека го избегнуваат метежот во градовите. Има останати цркви уште од 12.век, архитектурата е интересна, а храната неодолива.
Каде да се сместите: Чесињолс е на половина пшат меѓу Клермонт Феранд и Ле Пуи ен Велеј
Каде да се сместите и што да јадете: Во Auberge de Chassignolles ($58 долари), а може да јадете во неговиот ресторан.
7. Фолегандрос, Грција
Ова село нема ништо заедничко со Санторини кој се наоѓа во негова блчизина. Нема големи бродови или објекти со повеќе од два ката, ниту бутици и модерни ресторани. Овде може да најдете само прекрасни плажи и високи карпи. Тивко и совршено за бегство од големите градови.
Како да стигнете: Слетајте со авион во Санторини.
Каде да се сместите:Хотелот Anemi е модерен и одговара на потребите на секој, а се наоѓа блиску до сите места кои би посакале да ги посетите.
Каде да јадете: Ресторанот Irini’s е место со домашно готвена храна.
8. Џорнико, Швајцарија
Шармантно место во јужниот дел на Швајцарија каде ќе се почувствувате како да сте се вратиле во некое далечно време. Низ него поминува мала река над која има мост. Во негова близина се наоѓаат локални ресторани наречени гроте и во нив се служи традиционална полента илокално вино Мерлот.
Како да стигнете таму: Од езерските ресорти има возење кон север во траење од околу 50 минути.
Каде да се сместите: Има хотели во Џорнико , а најблизок е розевиот хотел Giardino ($400 долари за двајца)
Каде да јадете: Grotto dei due Ponti е ресторан со тераса која ви нуди поглед на реката.
9. Гетариа, Шпанија
Совршено место особено во летниот период. Доколку не ги сакате популарните шпански места, ова е одлично место за да откриете нешто ново.
Како да стигнете таму: Гетариа е на 24 километри западно од Сан Себастијан.
Каде да се сместите: Во Saiaz Getaria ($115 долари за двајца) со поглед на плажата Gaztetape.
Каде да јадете: Задолжително резервирајте си маса во ресторанот Elkano кој е еден од најпознатите во Шпанија.
10. Марвајо, Португалија
Интересно планинско место лоцирано во областа Алентежо во Прортугалија. Комплекс од карпи на кои може да имате прекрасни пејзажи или да се препуштите на некои екстремни авантури.
Како да стигнете таму: Со автомобил од Лисабон
Каде да се сместите: Хотел со 31 соба и ресторан е Posada Santa Maria ($102 долари за двајца), а има и куќи кои нудат приватно сместување.
Каде да јадете: Вкусна супа може да пробате во Varanda do Alenejo.
Сте посетиле некое од овие села?
Опции за темата
Опции за коментарот
Благодарам(0)
