Kaко да приготвите природни бои за јајца

Ако не сакате да ги користите традиционалните бои за јајца кои се продаваат во продавниците и оваа година сте решиле да преминете кон еколошки велигденски обичаи , тогаш користете природни бои за јајца . Погледнете како да си ги направите .

Природните бои за јајца се подготвуваат од природни материјали – сокови од овошје , листови или лушпи од некои зеленчуци, како и зачини. Листовите и лушпите задолжително се варат , потоа течноста се цеди и додека е уште топла, во неа се раствораат 1 – 2 с.л. оцет . Сокот пак се меша со топла вода и кон него се додава оцет , а кај зачините – 1 с.л. од неа се раствора во 300 метри топла вода и 1 с.л. оцет .

Другата опција е да поставите веќе варени јајца во сад со природната боја , да ја вклучите плочата и да почекате додека течноста врие – така јајцето стекнува заситена боја. Трети пак препорачуваат да ги поставите садот со природната боја и јајцето во фрижидер и да почекате некое време, за да впие од бојата .

Не заборавајте да ставите оцет во бојата , бидејќи токму тој помага за позаситено боење на јајце. Исто така, колку повеќе време го чувате натопено јајцето во бојата , толку полна боја ќе се добие.

За зелена боја се варат исечени листови од спанаќ или коприва, а потоа течноста се цеди .

За црвена природна боја се користат лушпи од црвен кромид кои се варат, сок од калинка или сируп од малини. 3с.л. црвен пипер , растворен во 250 – 300 метри топла вода со 1с.л. оцет , пак прават керамидно -црвена боја.

Направете си силно кафе со помалку вода и ставете во него јајце со посветла школка за да се офарба со кафеава боја .

Сина природна боја може да си приготвите од сок од боровинки или сок од грозје. Другата опција е да свариш листови од црвена зелка и да оставите напивката да отстои некое време, додека се олади – тогаш добивате комбинација помеѓу сина и темнолилаво .

За заситено розово пак може да користите сок од цвекло, а зажолто-зелена нијанса – боја од сварени лушпи од жолти и зелени јаболка.

За жолта може да користите зачини како К*ркума или шафран.

Прано оваа декорација за велигденска трева беше хит и често ја правевме. Потоа во продажба излезе вештачката трева, па овој начин се занемари. Сепак, решив да ви ја презентирам како идеја за предстојните празници, па можеби некому ќе му се допадни ако не знаел или пак ќе се потсети оној кој веќе знае.
Најдобри се стиропорните подлоги од куповните колачи како модли или барем јас така мислам дека нив често сме ги користеле. Но, доколку немате таква при рака, можи и во керамичка рамна чинија. Овој пат пробав и во капаче од дезодоранс и беше исто така интересно. Можи да пробате и во оние картонски подлоги од јајцата, па кога ќе ги редите на нив обоените јајца да бидат со затревен мотив... Но, исто така, добра идеја да се примени овој начин е и во шуплива лушпа од јајце, па истата да ја избоите, исшарате. За жал, јас не успеав во тоа да пробам во интерес на времето и да ви покажам тука.
За да се припреми оваа декорација, се зема парче памук од прилика со големината на модлата која ќе се обложува. Со рацете се подраширува на местата каде е потребно за убаво да се покрие цело дно и убаво се израмнува. Се налева малку вода, колку само да се натопи памукот, но не и да плива во него и одозгора се ставаат зрната жито. Колку густо ќе ги посеете, толку густа трева ќе добиете, но сепак не претерувајте. Според мене, најдобар изглед на трева дава пченицата, но можи да пробате и со овес, `рж, јачмен...
Најдобро е да се чува во просторија со собна температура и повремено да се прати влажноста на памукот и да се додава вода. Можеби ќе треба уште еднаш до два пати да додавате. Зависно од температурата и влагата, после 10 дена до 2 недели треба да имате израстена убава трева за велигденската декорација.
Уживајте во празниците!

Забелешка
Доколку користите картонска подлога, пред да отпочните со процесот, прво ставете алу фолија, бидејќи картонот ќе ја впива влагата и памукот често ќе останува сув, па нема да се добие резултат.

Подготовките за Велигден секогаш се возбудливи и интересни, особено кога станува збор за велигденските јајца.

Црвени, жолти, зелени, ги има во сите бои, а оние со малку повеќе трпение и креативен дух знаат да направат навистина оригинални декорации за велигденските јајца.

Во пресрет на Велики Четврток, денот кога ги бојадисуваме јајцата, само за ваше задоволство издвоивме неколку интересни идеи кои можеби ќе ве поттикнат да се обидете да направите малку поинакви Велигденски јајца.

Сè што ви е потребно е желба, време и малку повеќе трпение.
Фатете се за работа и уживајте во подготовката на Велигденските јајца.

За овие прекрасни јајца потребно ви е лепило и конци во боја. И секако, многу, многу трпение!

Темперни бои, четка, малку трпение и креативност, и ќе ги имате овие прекрасни весели јајца.

Тантела и лепило – едноставно, лесно, а толку нежно и елегантно.

И ние не знаеме како точно се обоени овие јајца, но тоа воопшто не нè спречува да се обидеме. На јајцето се ставаат лепливи ленти, може да се обидете со изолир, па јајцето се става во бојата. Е сега, како се добиени различни бои без да се помешаат, ќе провериме годинава, па доколку откриеме, ќе ја споделиме тајната со вас.

Овие јајца се добиени од парчиња ткаенини, поточно стари машки кравати. Јајцето се витка во ткаенината, потоа се вари во вода со оцет, а бојата од ткаенината останува на него. Обидете се само со едно јајце, доколку е успешно, продолжете!

Јајцето се става во чаша во која има малку подготвена боја. Оставете малку да прими од бојата, потоа додадете малку вода, повторно оставете да прими вода и така додавајте по малку вода додека не се покрие јајцето. На овој начин, при секое додавање на вода, еден дел од јајцето се обојува со посветла нијанса од претходната.

Повторно чипка или нежна тантела! Јајцата се виткаат со чипка, па се ставаат во бојата. Потоа, чипката се отстранува.

Уште неколку интересни декорации од хартија, кои лесно и успешно ќе ги совладате.

За што и да се одлучите, запомнете, декорирањето на јајцата треба да ви претставува задоволство, дури и ако не ги добиете очекуваните резултати. И нас не ни успева секогаш да ја реализираме идејата, но важна е посветеноста и љубовта со која се пристапува кон подготовките за Велигден.
Пријатна работа