Билингвализам – Предност или сепак не?!

**Билингвализам (двојазичност) – Подарок кој родителите можат да им го дадат на своите деца**

Би сакала да продискутираме за тоа дали е паметно децата да изучуваат уште еден (странски) јазик на ниво на мајчин уште од најмали години. Сите знаеме дека додека се мали децата впиваат се како сунѓер, па се смета дека тоа е најдобрата возраст за изучување на нешто ново. Но голем дел од родителите со кои сум разговарала за жал сметаат дека тоа е само непотребно оптеретување на малото детско мозоче, што мислам дека е погрешно.

Билингвализам (двојазичност) – Подарок кој родителите можат да им го дадат на своите деца

Билингвализмот или двојазичноста значи познавање и говорење на два мајчини јазика. Да се зборува уште еден јазик како мајчин јазик значи да се има флуентна и слободна комуникација, природен акцент, да се размислува на тој јазик и да се познава значењето на самиот јазик. Најчесто билингвализмот се развива уште од најмала возраст т.е бебиња. Колку порано се започне со изучување на втор јазик толку е подобро и полесно, бидејќи научно е докажано дека децата имаат способност да го апсорбираат јазикот доколку се најдат во друга јазична среднина, особено ако се позитивно стимулирани.

Зборување два јазика, наместо еден има практична корист во се повеќе глобализираниот свет. Тоа значи развивање на широко гледни (open mind) деца способни да прифатат различни култури и начини на размислување. Билингвалните деца имаат поголем пристап до луѓе и ресурси со што имаат поголеми шанси за вработување, напредок и успех.

Двојазичноста или билингвализмот значи познавање на втор јазик исто токлу добро како и мајчиниот јазик. Тоа значи да се знае и зборува втор јазик, да се размислува на тој јазик, да се има течна и лесна комуникација, и да се има природен акцент. Оваа може да се постигне единствено во раната возраст од детството т.е до 7 година. Тогаш се градат мозочните врски и најногу се искористува и развива мозочниот потенцијал. Во тој период на развој е возможно создавање на два јазични системи.

Научните истражувања укажуваат на тоа дека билингвалноста (двојазичноста) има големо влијание врз менталниот развој на детето и развојот на когнитивните способности. Билингвалните деца се попаметни, а нивниот мозок побрз. Имаат поголема способност за фокус и внимание, за решавање покомплексни проблеми, пофлексибилни се и полесно се адаптираат на ситуации за разлика од нивните монолингвални врсници.

Изменето од evangeline - 06.Април.2014 во 03:50