ЗА И ПРОТИВ РИБАТА

За рибата се тврди дека е најздравото месо што може да се јаде: нискокалорична е, содржи многу белковини и омега-3 масни киселини. Значи, добра е за срцето и крвите садови, а лоша за мозокот. Зошто?

Лосос, една од најбезбедните риби за конзумирање

бирајте туна со назнака light

школките и ракчињата се со низок % на жива

Рибата и морските плодови содржат многу протеини, богати се со омега-3 масни киселини, спречуваат многу заболувања: срцеви болести, депресија, како и одредени видови тумор.
Зависно од потеклото, рибата се дели на морска (сина):

• инчуни;
• сардина;
• скуша;
• лосос;

морска (бела) риба

• лист;
• ослиќ;
• бранцин,
• зубатац.

Слатководна риба:

• шаран;
• пастрмка;
• сом;
• крап.

По количеството на маснотии, немасни се :

• Ослиќ, лист, орада

Полумасни се:

• сардина, пастрмка, инчун, зубатац

Масни:

• јагула, октопод, ајкула, туна, лосос

Масните риби содржат најмногу ДХА и ЕПА омега-3 масни киселини кои ја спречуваат појавата на депресија, деменција и други ментални болести. Некои истражувања покажале и дека рибата штити од болести на очите.
Освен тоа, важно е да разликувате која е одгледувана, а која природна риба –природната е значително поздрава, бидејќи во рибниците рибата се храни со рибино брашно.Како ќе ја препознае одгледуваната риба? Рибите од рибниците имаат иста големина и најчесто се одгледуваат орада, бранцин, лосос, пастрмка и шаран. Најсигурни ви се: инчуни, сардини и скуша – овие риба уште не се одгледуваат. Како и да е, се препорачува рибата да се купува како овошјето и зеленчукот, значи – сезонски, бидејќи не се ловат сите видови риби во одреден период.

Скриена опасност?
Со оглед на големото загадување на водите, живата лесно доаѓа во речните, езерските и морските води, па така навлегува и во рибите. Големите видови риба, како скуша, ајкула, сабјарка, туна се хранат со ситна риба и акумулираат повеќе отрови. Големите дози на жива можат да предизвикаат оштетување на видот и нервниот систем и да го нарушат правилниот развој на фетусот и малите деца. Затоа се препорачува, бремените жени да внесуваат риба 1 неделно (до 340 гр.). Со низок ризик се сардина, лосос, пастрмка, ослиќ, скуша. 
Освен тоа, оние кои се занимаваат со оваа проблематика препорачуваат да не се конзумира кожата на рибата, а рибата добро да се испржи или да се испече на скара или во рерна.

Доколку сакате да подготвите јадење од рак или јастог, задолжително отстранете го „зеленото“ ткиво (тоа е рибја жолчка), и тоа пред варењето, бидејќи може да содржи пестициди, кадмиум или друг токсичен метал. 

Што е безбедно?
Најсигурна за конзимирање е сепак – замрзнатата риба. Таа прво треба да се одмрзне, па да се испржи во тавче или на скара, попрскана со сок од лимон. Здраво е да конзумирате немасна (light) туна и тоа до 170 гр.неделно; црвен или розе лосос кој е богат со омега-3, а со низок % на жива.
Низок % на жива содржат и школките и раковите. 
Значи, рибата е супер, но - како и со секој вид храна – одбирајте внимателно.