Состојки:

• 14 јајца
• 200 гр шеќер во прав
• 400 гр чоколадо
• 500 гр маргарин
• 300 гр мелени кекси
• 6 лажици шеќер
• 400 гр крем шлаг од чоколадо
• 4 дл млеко

Приготвување:
1. Се мешаат жолчките и шеќерот во прав па се матат на пареа. Се додава скршеното чоколадо и се меша додека не се стопи.
2. Во изладениот крем се додава пенесто изматен маргарин и се меша. На крајот се додаваат мелените кекси и полека се промешува.
3. Посебно се матат белките во цврст снег, а потоа постепено се додава шеќер и се мати со миксер додека не се стопи.
4. Се меша кремата од чоколадо со шамот од белки и полека се промешува.
5. Добиената крема се дели на два дела. Од едниот дел се пече кора, а другиот дел се остава за крем.
6. Тркалезен калап за торта се обложува со хартија за печење па се става 1/3 од смесата за кората. Се пече во загреана рерна на 200 ºЦ околу 20 мин. На ист начин од преостанатиот материјал се печат уште две кори.
7. Првата кора се премачкува со половина од оставената смеса за крем и се преклопува со другата кора. Истата постапка се повторува уште еднаш.

8. Крем шлагот од чоколадо се мати со млекото и се премачкува тортата.

Потребни состојки:

10 јајца

450 гр шеќер

Во две чинии одделете ги белките од жолчките.

Подготовка на кора:

Со миксер изработете ги белките додека не добиете пенаста смеса, а потоа постепено додавајте 150 гр шеќер. Рерната загрејте ја на 150 степени. Тавчето обложете го со хартија за печење, можете малку да ја намачкате со зејтин.  Истурете ги белките и печете ги 1 час на 150 степени, така што повеќе да се сушат отколку да се испечат.

Подготовка на чоколаден прелив:

Растопете 200 гр чоколадо за готвење и истурет го врз испечената кора од белки. Оставете да се олади и ставете ја во фрижидер.

Фил1:

10те жолчки изработете ги со миксер со 100 гр шеќер, додадете ги  4те ванили, густинот и 1 пудинг од ванила. Згрејте пола литар млеко и постепено во него додавајте ги жолчките. Постојано мешајте за да не настанат грутки, треба да добиете густа смеса. Оставете го филот да се олади.Со миксер изработете го маргаринот, постепено додавајте го шеќерот во прав, а потоа и изладениот фил со жолчки.  Ставете ја смесата во фрижидер.Доколку се појават грутки уште еднаш изработете ја смесата со миксер, пред нанесување.

Фил  2:

Во сад за готвење ставете 1 чаша вода и 200 гр шеќер. Остевете ги да повријат и додадете ги јагодите.  Кога ќе зовријат додадете 2 ќесички пудинг од ванила и 1 ќесичка пудинг од јагода (пудинзите пред да ги додадете во смесата со јагоди, посебно измешајте ги со малку вода и внимавајте да не се создадат грутки). Оставете го филот да се олади.

Откако кората и филовите ќе се оладат, започнете со филување. На кората првин се нанесува жолтиот, па црвениот фил, а најгоре ставете го шлагот.Декорирајте со јагоди, вишни или чоколадни мрвици.

Потребни состојки:
500 гр бисквити (за обложување на садот)
10 јајца
100 гр шеќер во прав
250 гр црна чоколада за готвење
250 гр бела чоколада за готвење
(јас ставив по 300гр и црна и бела чоколада, нели по 3 чоколада од секое)
500 мл млеко
1 маргарин
500 гр мелени бисквити
200 мл слатка павлака (за декорација – јас декорирав со шлаг, повкусно ми е така)
50 мл вода и 100 гр шеќер – за шербет.

Постапка:
Јајцата се кршат и се делат белките од жолчките. Во садот со жолчките се додава шеќерот во прав и се мати. Во тенџере на оган се става половина од млекото (250мл), се додаваат изматените жолчки и се меша со лажица – да се добие крем. Откако кремот ќе ја добие потребната густина, се трга од оган. Притоа, внимавајте да не го преварите!
Кремот треба убаво да се излади, а потоа во него се додаваат мелените бисквити и се мати со миксер за смесата убаво да се соедини. (Јас додадов и една ќесичка ванилин шеќер)
Во друг сад се мати маргаринот – убаво да се избие. Во маргаринот се додава кремот со бисквитите и повторно се мати со миксер.

Во две тенџериња на оган се растопуваат чоколадите, посебно белата, посебно црната. Во трето тенџере се става водата и шеќерот за да се направи шербетот.
Белките кои претходно ги одделивме, се матат и во многу тенок млаз, внимателно, се додава врелиот шербет и се мати. Во овој сад со белките и шербетот се додава смесата од садот со маргаринот, кремот и бисквитите. Се мати додека смесата не се соедини. Добиената смеса се дели на половина, во едната половина се става растопената бела чоколада, во другата, растопената црна чоколада и се мати.

Калапот (може да биде во различна форма, во рецептот беше во форма на срце, но може да се направи во било која форма. Јас ја направив тортата во калап во форма на квадар) се обложува со најлонска фолија за да може без проблем да ја префрлите во сад за торта.
Бисквитите се макаат во преостанатото млеко и се редат во калапот – и долниот дел од калапот и по страните. Во калапот се става прво темната смеса (препорачливо е неколку минути да постои во фрижидер за да се стегни), а потоа и белата смеса. Откако ќе ги ставите смесите, и горниот дел го редите со бисквити.

Тортата се става во замрзнувач за да се стегне убаво. Потоа може да ја декорирате по желба со слатка павлака или со шлаг.