Сè е во деталите! Не довзолувајте некоја дреболија во стајлингот да ви го расипе најубавиот ден во животот…

Едно се вашите желби, а друго е реалноста. Испробајте ги сите фустани што ви се допаѓаат и внимавајте на изрезот. Ако имате големи гради, изберете модел со прерамки. Замислете си ја глетката – вие танцувате, но со рацете мора да го придржувате фустанот. Дека горниот дел е совршено скроен за вас ќе дознаете доколку градите не ви се „прелеваат“. Верувале или не, овој детаљ може да ја наруши хармонијата меѓу горниот и долниот дел од телото, па ќе изгледате како венчаницата едвај да сте ја навлекле на себе и како да ви е многу мала. Ако имате бујни гради, внимавајте фустанот од внатрешната страна да има засилување – скриен градник. Тоа ќе ви овозможи дополнителна сигурност! Задникот ќе изгледа помал, а колковите потесни во фустан со длабок изрез на грбот. Ако имате мали гради, мора да внимавате на изрезот на фустанот подеднакво како и оние со бујни гради. Зошто? Воопшто не е убаво ако деколтето е празно. Долг или краток фустан? Зависи од конституцијата: за тип „јаболко“ идеален е фустан со А-крој, а за поситните жени „кокетен“ фустан со краток вел.

Играњето, жештината, но и тремата поттикнуваат потење. Затоа на нозете нанесете беби-пудра пред да ги облечете хулахопките. Благодарение на овој трик стапалата нема да ви се лизгаат во чевлите или во сандали со отворени прсти, а на табаните нема да ви се создадат рани од триење. Не грижете се, пудрата нема да се гледа.

Со беби-пудра посипајте го и внатрешниот дел од мидерот. Тоа ќе спречи потење.

Ако прерамките на градникот се скриени под фустанот, а градите ви се големи и тешки, меѓу рамената и прерамките ставете тупфери за отстранување шминка. Така ќе го спречите грдото (но и болно) врежување на градникот во кожата.

Ако имате темни брадавици, а носите фустан од проѕирен материјал, над нив ставете памучни. Така брадавиците нема да се забележуваат под фустанот. На овој начин можете да спречите брадавиците да ви се наѕираат под сатенски ткаенини. Се плашите дека самолепливите чорапи нема додржат цела вечер? Пробајте ги неколку дена претходно.