Магијата на пролетта, инспирација за патување

Еве кои дестинации се идеални доколку сакате да ги доживеете во најубаво светло за време на пролетта, според весникот Huffington Post.

Амстердам
Холанѓаните се гордеат со своите полиња со лалиња кои на пролет ја отсликуваат целокупната природа на оваа земја, нудејќи им на туристите преубави пејсажи кои сосема сигурно заслужуваат да се најдат на метата на нивните објективи.


Лисабон
Главниот град на Португалија во пролет сјае со топлата клима и преубавите бои кои ги обојуваат тесните улички. Совршен е за сите оние кои се во потрага по пејсажи како од бајките.


Будимпешта
Будимпешта е позната како пристапна семејна дестинација. Градот нуди многу термални бањи, интересни пабови и пост-комунистички шмек кој се’ уште привлекува многу туристи.


Рига
Длабоко врежана во европската историја, Рига е синоним за класична музика, елеганција и историска архитектура. Изгубете се во улиците во текот на пролетното утро и задолжително посетете го средновековниот центар на градот.


Копенхаген
Со пролетта во Копенхаген почнуваат и разните изложби посветени на дизајнот и архитектурата, кои сигурно ќе ви ја поттикнат фантазијата и ќе ви дадат многу идеи кои можете да ги искористите во сопствениот дом по враќањето.


Белград
Во Белград зградите од времето на комунизмот стуткано се кријат помеѓу модерните архитектонски зданија. Градот нуди богата дневна програма, но и возбудлив ноќен живот, како во центарот, така и на реките.


Дубровник
Драматичниот далматински брег има свое крешендо – прекрасниот Дубровник! Наречен „бисер на Јадранот“, градот го опкружува кристално чисто море и планински врвови. Има и богата историја и византиска архитектура.


Матера
Камените хаотично нафрлани населби го дефинираат овој град, во кој ветерот на мир го дефинира начинот на живот на улиците на Матера. Станува збор за еден од најстарите населени градови во Италија.


Виена
Домот на музиката на Моцарт, Бетовен и Штраус, главниот град на Австрија со причина се фали со својата архитектура и драматичните куполи, но и со богатиот културен живот.


Монтре
Оваа атрактивна швајцарска ривиера својата полна убавина ја доживува токму во пролетта, кога температурите растат и се’ наоколу почнува да цвета. Прекрасната околина на Монтре е составена од Алпите, чистото Женевско езеро и прекрасниот врв покриен со снег, Мон Блан.