Од какви болки страда секој хороскопски знак

Лекување според хороскопскиот знак

Астрологијата отсекогаш била поврзана со здравјето. Луѓето без разлика дали веруваат или не во астрололозите и астролошките предвидувања и совети, скоро секогаш сакаат да прочитаат нешто за својот хороскопски знак, каква љубов и какво здравје ги очекува.

Овен

Според астролозите, со овните управува планетата Марс, па доколку не се движите редовно и имате намалена физичка активност подложни сте кон алергии, воспаленија на очите и главоболки. Физичката активност е особено важна за вас, па така за овните според астролозите најдобро е лекувањето со физиотерапија и кинезитерапија, а освен тоа бакарот и железото се олигоелементи кои се секогаш им се потреби на овните.

Бик

Бикот обично е смирен и стрплив, но ова се пренесува на неговиот биоритам. Планетата која раководи со вас, Венера, владее со бојата и со звукот, па затоа според астролозите најдобра терапија за припадниците на овој хороскопски знак е хромотерапијата и музикотерапијата. Терапијата со бои и музика одлично ги стимулира вашите жлезди и го одржува организмот.

Близнаци

Навистина сте подложни на нервози и стресови. Со вашиот хороскопски знак управува планетата Меркур и затоа вие повеќе размислувате со главата отколку со срцето. Вие сте подложни кон многу заболувања и проблеми со срцето и дишењето поради секојдневниот стрес, па затоа макробиотиката е вашата најправилна терапија односно превентива. Само со елементи кои се од природно потекло и не претрпеле преработка ќе спречите појава на опасни хронични заболувања.

Рак

Ракот е специфичен хороскопски знак. Луѓето родени во овој знак се предводени од месечината. Според астролозите, хомеопатијата е нивна најделотворна терапија. Со овој вид на терапија луѓето ја лекуваат нарушената енергија на создадената болест, па така на ефикасен начин доаѓаат до излекување.

Лав

Со вашиот хороскопски знак владее Сонцето. Вие не сакате да се лекувате, воопшто не сакате да одите на лекар, не сакате да пиете таблети, но затоа сте многу склони кон топлина. Затоа на лавот совршено му одговара термотерапијата. Со термотерапија, која вклучува топла вода, разни купки, или било каква терапија која вклучува топлина лавовите ја црпат силата и многу лесно ја излекуваат болеста.

Девица

Интересен хороскопски знак отпорен на хируршки интервенции или барем така велат астролозите. Овие хороскопски знаци најдобро се лекуваат со фитотерапија. Лековитите растенија одлично влијаат на нив, а според астролозите девицата е хороскопски знак кој може да го исцрпи максималното корисно од лековитите билки.

Вага

На овој знак одговараат многу терапии. Со овој знак владее планетата Венера и затоа според астролозите најповолно за вагата е ароматерапијата. Мирисите имаат посебна моќ кај припадниците на овој хороскопски знак и со ароматерапија тие многу лесно се исправаат на нозе. Но, поради дејството на Сатурн во вашиот знак вие можете лесно да ја прифатите и металотерапијата и кристалотерапијата.

Шкорпија

Владетел со вашиот знак е планетата Плутон, уште позната и како планета на регенерацијата и затоа вие лесно се опоравувате од болестите. Не се плашите да примате никаква терапија, па дури и да се работи за хируршки третман вие тоа ладнокрвно го прифаќате. Вашиот живот е навистина остар и бара острина, па затоа според астролозите најприменлива на вас е акупунктурата.

Стрелец

Овој хороскопски знак често има проблеми со некој орган и некоја функција. Кентаурот е симбол на знакот, што значи знаење, па според астролозите на стрелците најмногу им одговара астролошката медицина, која укажува кога односно во кој период каква терапија да се спроведе, но исто така и хомеопатските лекови се делотворни но треба да се знае за секој лек кога точно да се употреби.

Јарец

Сатурн е ваша планета и таа управува со вашиот локомоторен систем. Затоа на вас дефинитивно најмногу ќе ви одговара хиротерапија, металотерапија и кристалотерапија. Според  астролозите, оваа терапија која одлично влијае на коските, мускулите како и зглобовите е одличен начин за ослободување од болести на овој хороскопски знак. Оваа терапија ги штити јарците и од други заболувања како и заболувања на половиот систем кон кој се склони.

Водолија

Благодарејќи на вашата планета Уран, вие едноставно владеете со чувствата, па вас ориенталната медицина најмногу ви одговара. Медитација и јога се одличен избор за вас. Освен нив, кај водолијата одлично делуваат и лековитите растенија, а се препорачува честа употреба на ѓумбирот.

Риби

Навистина сте многу нежни. Најнежен и најчувствителен знак. Тешко се лекувате, не сакате агресивност и многу сте склони кон нервози. Ова се должи на вашата планета Нептун. Затоа пранотерапијата најмногу ви одговара. Вие ја сакате биоенергијата, односно некој што ќе ја стави раката на вас и ќе ве лекува со неговата енергија. Вие не сакате да се замарате со инвазивни медицински методи за кои воопшто не сакате да слушнете.

Како и во секој друг хороскоп и во здравствениот се она што го напишавме сфатете го ориентационо и како забава и никогаш буквално, а горенаведените алтернативни медицински решенија се наменети само како превентива, никако како замена за стандардна терапија или стандарден лекарски или специјалистички преглед!

Кои се петте хороскопски знаци кои најлесно се вљубуваат?

Како се снаоѓате во љубовните авантури?

Високо котирам на топ-листата

Бик (20. IV – 20. V)

Општи карактеристики за бик

Чувствителниот бик е управуван од Венера, планетата на љубовта и убавината. Ако сте родени во овој знак, тогаш вие ја обожавате добрата храна, романтиката и убавите работи. Венера ги изострува вашите пет сетила на повисоко ниво, па најсреќни сте кога сте опкружени со најдоброто - сатенски чаршафи, гурмански вечери, чаша црвено вино. Вие сте многу чувствителни и се насладувате на животот и на физичките задоволства кои излегуваат на вашиот пат.

Како бикот и вие работите многу напорно и сте најупорниот знак во хороскопот. Функционирате со две брзини - или целосно сте релаксирани или „со главата напред“ се стремите кон целта.

Бикот е знак спротивен на шкорпијата. Шкорпијата сака да ги наследува придобивките на другите, а бикот најмногу ги цени личните придобивки. Најнегативна ваша карактеристика е вашата склоност да ги поседувате најлуксузните предмети. Тоа може да ве доведе до крајности, особено кога ќе решите дека некој предмет треба да биде ваш, што ве прави материјалисти во очите на другите.

Како претставник на земните знаци ги обожавате дејностите на отворено. Силни и мускулести – вие сакате да си ја покажувате силата. Во љубовта сте многу романтични, верни, но и многу љубоморни. Секогаш знаете што сакате и ништо не може да ве спречи да ја остварите вашата цел. Се придржувате до вашите погледи и не ги менувате освен ако нема доволно добра причина за тоа.

Знаете да бидете тврдоглави, но позитивна страна е тоа што сте лојална личност на којa може секој да се потпре. Само внимавајте да не заглавите засекогаш во вашата сигурна зона и вашиот живот да започне да стагнира. Ризикувајте и пробајте нешто ново! Понекогаш промената и ризикот можат да го доведат прогресот и добивката кои ги посакувате.

Симбол:
Бик

Симболизира:
Силата на волјата, тврдост, стабилност, издржливост, чувствителност, конкретност, музика.

Елемент:
Земја

Планета:
Венера - планетата на убавината и љубовта.

Ден од седмицата:
Петок

Боја:
Зелена и сина.

Број:
2 и 6.

Скапоцени камења:
Аквамарин, смарагд.

Најдобри професии:
Пејачи, музичари, оратори, администратори, сметководители, градинари, еколози, ветеринари, економисти, банкари.

За да се спријателите со нив:
Не се спротивставувајте на нивните идеи! Често канете ги на некое место да јадете заедно.

Дел од телото:
Врат, грло, вилица.

Добри карактеристики:
Трпеливи, практични, внимателни со парите, одговорни, организирани, романтични, внимателни, посветени, грижливи, секогаш подготвени да дадат морална поддршка, добри кулинари.

Лоши карактеристики:
Премногу попустливи, инаетчии, бавни, мрзеливи, тврдоглави, суетни, премногу претпазливи, евтини, завидливи, љубоморни, материјалисти.

Карактеристики по кои ќе ги познаете:
Длабоки и сентиментални очи; долг и елегантен врат; карактеристична вилица.

Омилени работи:
Фотографирање, планини, добра музика, добра храна, сатенски чаршафи.

Работи кои ги мразат:
Хотели, утра, валкани работи, да бидат избрзувани, бесцелно трошење пари.

Можете да ги најдете:
Споредувајќи ги цените при купување на луксузни работи; пеејќи во бенд или хор; работејќи три работи едновремено; изложувајќи слики во уметничка галерија.

Скриена желба:
Да го поседуваат најдоброто!

Рак (21. VI – 22. VII)

Општи карактеристики за рак

Ракот е управуван од постојано променливата Месечина, која што поминува низ многу циклуси и со тоа го прави расположението на ракот многу променливо. Исто како ракот и родените во овој знак најголемиот дел од својот живот го поминуваат скриени под една черупка, која не може лесно да биде скршена.

Ако вашиот знак е рак, тогаш вие сте изолирани од опасностите, но тоа многу често ве прави луѓе без чувство за хумор. Како воден знак вие сте многу чувствителни. Во секоја ситуација внесувате многу емоции, но во текот на вашиот живот сфаќате дека многу лесно можете да бидете повредени и поради тоа често се криете зад маската на бесчувствителноста.

Традиционалисти сте и покажувате огромен интерес кон вашите корени и вашите предци. Вие сте многу поголеми националисти од другите знаци во хороскопот, поради тоа што го сакате вашето родно место и сте силно приврзани за него. Најважната ваша цел е да создадете ваше семејство и обожавате да бидете во домашна атмосфера.

Ракот е спротивен знак на Јарец. Јарците ги интересира каква е нивната положба во општеството и како другите гледаат на нив, додека ракот е загрижен само за неговото семејство. Како рак, вие знаете да штипнете кога ќе почувствувате дека вашето семејство е понижувано или е во опасност. Раковите се блиски со своите мајки, па кога ќе сте во лошо расположение јавете ѝ се на вашата мајка. Тоа ќе ве направи среќни.

Вие можеби сте неофицијална мајка на сите кои ги сакате, поради вашата грижа за нив. Чувствителни сте и лојални и вашите пријатели секогаш имаат рамо за плачење. Лесно ранливи сте и кога не сте расположени сакате да бидете оставени сами, опкружени со удобност: удобен џемпер, омилена книга, доверливи пријатели и склад со вашите омилени работи. Тоа го подобрува вашето расположение.

Во љубовната врска сте многу нежни, верни и романтични. Поради влијанието на Месечината вие сте многу интуитивни. Обрнете им повеќе внимание на вашите соништа особено во деновите кога има полна Месечина.

Симбол:
Рак

Симболизира:
Мајчинство и мајчинска љубов, семејство, дом, жена, чувства, родина, реки.

Елемент:
Вода

Планета:
Месечина - божествено тело на расположението и емоциите. Месечината симболизира женственост, семејство, мајка, емоции и потекло.

Ден од седмицата:
Понеделник

Боја:
Бела, сива и виолетова.

Број:
2

Скапоцени камења:
Сребро и перли.

Најдобри професии:
Пејачи, артисти, поети, готвачи, географи, картографи, акушерки, педијатри, социолози.

За да се спријателите со нив:
Секогаш однесувајте се кон нив со почит. Направете да стекнат доверба и сигурност во вас. Пробајте да им го разберете начинот на мислење.

Дел од телото:
Гради, стомак.

Добри карактеристики:
Мајчински загрижени, трпеливи, готови да помогнат, гостопримливи, штедливи, чувствителни, патриоти, весели и неверојатно забавни, грижливи, романтични, креативни.

Лоши карактеристики:
Озборувачи, изолирани, некомуникативни, хиперсензитивни, премногу компетитивни, премногу емоционални, мрзливи, слаби, љубоморни.

Карактеристики по кои ќе ги познаете:
Чекорејќи со градите напред; тркалезно како месечината лице.

Омилени работи:
Гурманска храна, работа со деца, музеи и ликовни галерии.

Работи кои ги мразат:
Стари алишта, замрзнати јадења, јавно говорење, да бидат избрзувани.

Можете да ги најдете:
Купувајќи стари и ретки антиквитети; создавајќи ремек дело; во кујната; слушајќи бендови во живо.

Скриена желба:
Да се грижат за своето семејство и пријателите!