Багетот се сече на тенки кругови со дебелина од половина сантиметар.Секое парче се премачкува со путер и се посолува со вегета и лук во гранули.Печурките,маслинките и куленот исецкан на коцкички се пржат на маслиново масло околу 7 мин.Врз секој круг се става од смесата што се пржеше,па потоа се додава фетата во ситни коцки и претходно исецканите на коцки шери домати.На крај врз секоја брускета се ставаат тенки ленти ајдамер.Се печат во тава во загреана рерна на 200 С околу 5 мин.Се сервираат со сос по желба(тартар сос,доматно пире со зачини,слатко-кисел сос).

ПС.одлични се во комбинација со бело вино,свеќи и тивка музика....

Во длабок сад измешајте ги крем-сирењето, едамерот и моцарелата (искинете ја со раце, на поситни парчиња), омекнатиот путер и исечканите оревчиња/лешници. Замесете ги сите состојки и правете бомбици со големина на орев. Валкајте ги во пармезан и ставете ги малку во фрижидер. Потоа со пршутата го завиткуваме секое топче, го набодуваме со дрвена чепкалка и на неа боцнуваме и по едно ливче босилек или мента. На убава овална чинија за служење ги редиме "снежните топки на Купидон" а на средина ставаме мал сад со Heinz сосот од кари. На краевите на чинијата ставаме по неколку триаголници пченкарен чипс скалесто наредени и романтичниот деликатес за двајца е готов.

*Доколку вашиот/та   сакан/а  не обожава сирење, крем-сирењето заменете го со зденки, моцарелата со густа павлака а пармезанот со здробени солени крекери - и се ќе биде како што треба!