Го следам шоуто уште од самиот почеток па се до крајот од оваа втора сезона, тоа е едно од најдобрите, најинтересните шоуа според мене кое има и едукативен карактер - танц со звездите.

Со нетрпение го очекував финалето, да видам кој ќе се представи во подобро, поуспешно светло.

Во финалето заслужено останаа најдобрите двојки Сара и Мишо и Наташа и Даниел.

Фаворити на почетокот ми беа Наташа и Даниел, тие уште на стартот на шоуто ми се издвоија во однос на другите танцови двојки, уште тогаш кај Наташа го забележав талентот кој го поседува, но секако и нејзината посветеност, упорност, желба за работа која ја сфати како единствен начин да се дојде до врвот кој на таков начин го достигна и во каратето.

Сара на почетокот ми беше добра, не ми се издвојуваше во однос на другите, но од емисија во емисија постојано се усовршуваше и се повеќе и повеќе напредуваше во позитивна смисла, да за на крај го достигне врвот во својата работа преку извонредните танцови перформанси кои ни ги презентираше исполнети со голема љубов, страст, посветеност, работа, таа всушност се усоврши до тој степен да многу не се издвојуваше во однос на една професионална танчерка.

Во финалето двете танцови двојки се презентираа во најдобро можно светло и не -беше многу голема разликата помеѓу нив. Сепак мене повеќе ми се допаднаа Сара и Мишо кои со последниот танц кој ни го приредија дефинитивно ме освоија а и незнам кој би останал рамнодушен на една таква кореографија со етно елементи, дефинитивно со тоа покажаа и докажаа дека се најдобри и според мене се морални победници на шоуто

Честитки до победниците Наташа и Даниел