Мачките се неверојатно слатки, мили и нежни суштества. Постојат многу причини зошто да чувате едно такво животинче дома. Еве некои од најинтересните.

Имаат меко крзно

Една од најдобрите причини зошто да чувате маче е нивното убаво, меко крзно. Тие се толку нежни и рунтави што едноставно не може да им се одолее. Ќе сакате цело време да ги гушкате и да си играте со нив. Едноставно се прекрасни.

Лесни се за одржување

Мачките се многу лесни за одржување. Тие се одлични за луѓе кои се премногу зафатени. Вие само ставете им доволно храна, тие самите се негуваат, си ги средуваат ноктите и се мијат.

Независни се

Добрата работа кај мачките е што не мора секогаш да сте со нив. И да излезат надвор, паметните мачки секогаш ќе се вратат дома кога ќе бидат гладни. Затоа, нема потреба од грижи.

Мирни чувари

Мачките имаат остри нокти, опасни очи и изострен слух на кој ништо не може да му избега. Можеби нема да ве разбудат со силен лаеж, но бидете сигурни дека држат сѐ под контрола.

Сакаат да си играат

Мачките навистина сакаат да си играат. Тие на новиот, убав кауч гледаат како на ново место за истражување и играње, а секој предмет што им изгледа интересен, веднаш станува нивни плен.

Мрзливи се

Мачките се доста мрзливи суштества. Тие само зеваат, спијат, јадат и уживаат во топлата атмосфера на домот. Никако не смеете да им бидете љубоморни на тоа.

Сакаат да се галат

Мачките уживаат да се галат, а најмногу ценат кога тоа го прават со вас. А, ако вие не сте расположени, ви го земаат мобилниот, далечинскиот управувач или што и да користите во моментот, само за слатко да ве нервираат.

Дружељубиви се

Како на мачката да ѝ го олесните долгото патување со автомобил

Често може да прочитате совети за тоа како да го подготвите вашето куче за пат и како да му го олесните патувањето. Кучињата почесто ги носиме со нас на патување затоа што знаеме дека потешко го поднесуваат нашето отсуство. Меѓутоа, во некои ситуации и мачките треба да патуваа со нас

Сместете ја во голем жичен кафез во кој ќе ставите многу предмети што ѝ се драги и до кои може да си легне

За почеток, подгответе место во автомобилот што ќе ѝ се допадне, наместо да ја затворите во кафез што ја потсетува на одењето кај ветеринар. Наместо транспортер, пробајте со голем жичен кафез во кој ќе ставите многу предмети што ѝ се драги и до кои може да си легне во текот на патувањето.

Страничните прозори од возилото можете да ги покриете со некаква хартија, секако, ако тоа не ви пречи во возењето, за мачката да не се плаши од брзото движење. За да ѝ го направите патувањето поудобно, можете дури и автомобулот да го попрскате со феромони, кои можете да ги купите во пет-шоповите.

Погрижете се и за амбиентот. Ако знаете дека мачката е нервозна во автомобил, набавете музика и звуци што ѝ одговараат. Какви звуци сакаат мачките, можете лесно да најдете ако малку пребарате на Интернет.

Правете паузи во текот на патувањето за да ја пуштите да прошета во возилото, но ако е вознемирена, внимавајте да не ви побегне. Додека возите, не вадете ја од кафез за да не ви пречи во возењето.

Кога ќе стигнете на посакуваната цел, не пуштате ја да скита во околината, додека не се навикне на новата околина. Ставете и синџирче со адреса за да можете полесно да ја најдете во случај да се изгуби, истражувајќи го местото што ѝ е ново и непознато.