За една штрудла е потребно 4 кори, јас имав 16 кори и направив 4 штрудли.
Најпрвин спремете ја смесата за премачкување
- со миксер пенесто изработете ги јајцата со шеќерот и ванилата, додадете го јогуртот, измешајте, додадете зејтинот, измешајте, а потоа измешајте ги измешаните брашно, густин, пецивото, измешајте целото тоа да добиете хомогена смеса. Оставете настрана додека изрендате јаболката.
Фил
- Во изренданите јаболка додадете го рогачот и сувото грозје, измешајте.

Филување
- Земајте една кора, премачкајте со смесата со јајца, врз неа ставете втората кора, повторно премачкајте - третата кора - премачкајте и на четвртата ставете од филот по целата кора - замотајте во ролат.
- Така постапете со сите кори.
Ставете во подмачкана со зејтин тавка, со млака вода лесно премачкајте ги веќе смотаните штрудли, ставете да се печат во предходно загреана рерна на 180 степени околу 45 минути.
Оладени поросете ги со прав шеќер и ви останува само да уживате. Навистина вкусно.

Напомена
- Бидејки е реткост да се најде рогачево брашно, истото можете да го замените со мелен афион.
- Сувото грозје слободно можете да го изоствите.
- Јас ставав по 4 големи лажици од смесата за премачкување, од љубопитност како ќе биде ставав и на четвртата кора, па врз неа од филот. Супер.
Со ваква смеса за премачкување на корите можете да ги филувате и со друг фил, а еве овде ќе напишам уште еден предлог кој ние исто така го многу сакаме, но бидејки немав крем сирење ниту урда, не можев да направам како вообичаено.
Гги делам корите на еднакви делови, па две штрудли правам од филот со јаболката, а две со филот од крем сирењето кој се спрема вака - 500 гр. крем сирење се меша со рендана кора од лимон, се става 80 гр. суво грозје и 1 бурбон ванила и со вака измешаниот фил постапувам исто како погоре опишаното.

состојки:

За Бајадера

   ● 9 лажица вода
● 200 грама шеќер
● 150 грама ореви, бадеми или лешници
● 250 грама мелени Petit Beurre бисквити
● 170 грама путер
● 100 грама темно чоколадо
● рум

За глазура :

● 100 грама темно чоколадо
● малку масло

подготовка:

1 Во тенџере , додадете вода и шеќер и гответе на тивок оган додека шеќерот целосно не се раствори.

2 Додадете путер , отстранете од шпоретот и мешајте додека не се раствори.

3 Кога путерот е безмалку истопен , додадете ореви и бисквити –  се меша додека не се добие еднаква густа маса .

4 Добиената смеса се дели на два еднакви делови.

5 Се топи чоколадо на пара и помешајте го во првиот дел од смесата, а во втората додадете малку рум.

6 На послужавник или тацна ставете мрсна хартија за печење и и ставете го првиот дел од смесата (таа со чоколадо) и со рацете оформете коцка – а за да биде правилна потоа оформете ги рабовите со  нож.

7 Над неа, на ист начин додадете ја и друга смеса и сторете го истото со ножот.

8 Остатокот од чоколадото се топи на пара во него  додадете малку масло и се прелива врз Бајадерата

Толку – оставете малку да се стврдне и може да се ужива во неа.

9 Bajadera се остава во фрижидер да се стегнат и следниот ден се сече на коцки ако сакате.

Пекарот Доминик Ансел кој го измисли овој десерт, неодамна мораше да го заштити името бидејќи се прошири низ интернетот и многумина почнаа да го копираат низ Америка. Се започна кога се обидувал да направи новина и експериментирал со она што најдобро го знае – француски кроасан и американска крофна – резултатот е cronut.

Откако прв пат ги послужил веста мослкавично се ширела низ Њујорт а пред пекарницата имало редови за да купат од овој десерт – се чекало и по 2 часа.

Со оглед на фактот дека пекарница правела само 300 парчиња дневно, дури мораше да воведат ограничувања на две тортички по лице. Торта чини $ 5, а имало и случаи кога купувачи се обиделе да ги купат давајќи и по 30 долари

Што е cronut?Тортичката што предизвика хистерија е ниту крофна ниту кроасан, но комбинацијата на двата познати деликатеси, француско лиснато тесто  и крофна тесто, крем полнење и слатка глазура.

Еве како да ја направите дома оваа интересна тортичка по која полуде светот.

Состојки:

За тесто:

250 мл топло млеко

1 лажица сув квасец

1/3 чаша шеќер

2 јајца

1 лажица ванилин шеќер

2 ½ чаша брашно

1 кафена лажичка сол

1 чаша путер на собна температура

За прелив:

½  чаша шеќер во прав

3 лажици јаворов сируп или мед

1-2 лажици млеко, павлака или вода

Во поголем сад се меша млекото и квасецот и се чека да втаса. Додадете шеќер, јајца и ванила, па добро измешајте. Додадете една чаша брашно и сол, па постепено додавајте  брашно мешајќи и месејќи го тестото неколку минути, додека не стане меко и еластично.

Преместете го тестото во сад и покријте го со пластична фолија, па ставете го во фрижидер 30 минути. во меѓувреме изматете го путерот и преостанатото ¼ брашно со миксер неколку минути додека се изедначи.

Кога тестото ќе се олади префрлете го на маса поросена со брашно и растегнете правоаголник со димензии 33х46 см и дебелина 1 см. Премачкајте го тестото со путер и превиткајте го на 3 дела, еден врз друг. Покријте со пластична фолија и повторно ставете го во фрижидер уште 30 мин.

Кога ќе го извадите повторно развлечете го во правоаголник со истите димензии и превиткајте го на три дела како и првиот пат. Повторно вратете го во фрижидер. Повторете го ова уште два пати за да добиете повеќе слоеви. Значи, вкупно треба да ја повторите постапката 4 пати и тестото да отстои во фрижидер 4 пати. Кога ќе завршите со слоевите ставете го тестото повторно во фрижидер, но еден час или во текот на ноќта.

Тестото е веќе подготвено за печење. Разлечете го во слој со дебелина 3-5 см, па со чаша вадете крофни.

Во длабок сад добро загрејте го маслото како за обични крофни. Додадете ги крофничките во врелото масло и пржете од двете страни се додека не добијат златно-кафена боја.

Се служат топли со прелив.

Состојки:

3 јајца

130 гр шеќер

130 гр лешници

130 гр путер

40 парчина бисквити

1 чаша кафе со млеко

1 ванилин шеќер

1 мала чашка рум

Жолчките се матат со шеќерот, додека не се добие пена.

Лешниците се печат во рерна на умерена температура, околу 15 минути. Откако ќе се испечат се мелат или се сецкаат ситно.

Путерот се мати, па се додава смесата со жолчките. Се додаваат и лешниците. Целата смеса се мати повторно со миксер.

Додека сеуште матите со миксер, додадете рум, а на крај додадете ги матените белки, но многу бавно и внимателно, за да не спласнат.

Бисквитите се потопуваат во кафето со млеко во кое претходно сте го додале ванилиниот шеќер. На дното од тавате ставете еден ред бисквити. Потоа додадете дебел слој од кремот. Се ставаат ред бисквити, ред крем, се додека не се потрошат состојките.

На крај треба да завршите со бисквити.

Тортата се покрива со алуминиумска фолија и треба да отстои 5 часа во фрижидер.