Ах тие незгодни детски прашања...

Понекогаш ме оставаат со подзината уста и ококорени очи
Да не знаеш што да им одговориш или како да го спакуваш одговорот, а да биде соодветен за нивната возраст. Бидејќи не се толку незгодни прашањата, колку што знаат да бидат одговорите.

Вистинска филозофија е, како да му одговориш на детски јазик, а сепак да те разбере и да биде задоволно од одговорот. 

А сакаат да знаат се'.

Зошто сонцето е тркалезно?
Каде спие сонцето ноќе, а каде месечината дење кога ги нема?
Зошто водата е мокра?
Зошто луѓето мора да умираат?
Како сум се родил (и тоа што најмногу ги интересира - како сум влегол во стомакот на мама)?
Како стојат ѕвездите не небото и не паѓаат, врзани ли се за нешто?
Зошто луѓето имаат по две раце, две нозе, две очи, две уши а само по еден нос и по една уста?

И уште многу...
Некои од нив се само смешни, поставени од детска призма на гледање на светот.
Некои, богами ќе те испотат додека им ја задоволиш љубопитноста.

Пишувајте со какви детски прашања сте се сретнале досега, кои ве збуниле и ве ставиле во небрано

Изменето од Анастеа - 12.Февруари.2014 во 09:36

Внеси реплика	страница 12 3 4 >
Tweet