Но, и ние обичните смртници го обожаваме, но често пати се воздржуваме поради големиот број на лоши работи кои сме ги чуле за чоколадото. Ова се десетте најчести заблуди за најпопуларнарното слатко задоволство на светот, кои ќе покажат дека чоколадото и не е толку лошо. 

Чоколадото го подигнува нивото на “лошиот“ холестерол

Доколку досега сте го одбегнувале чоколадото со цел да го намалите холестеролот, залудно сте се жртвувале. Вистина е дека чоколадото содржи какао масти кои се полни со заситени масти, а поголемиот дел од тие масти доаѓаат од стеаринската киселина поради која чоколадото не го подигнува “лошиот“ холестерол, туку кај некои луѓе дури и го намалува. 

Чоколадото е преполно со кофеин

Вистина е дека чоколадото содржи одреден процент на кофеин, но не толку многу колку што се верува. Но, колку е чоколадото потемно, тоа содржи и повеќе какао. Сепак, зависниците од кофеин сигурно нема да сакаат кафето да го заменат со чоколадо. 

Шеќерот во чоколадото предизвикува хиперактивност

Многу родители се плашат дека нивните деца кога јадат чоколадо ќе “полудат“, но голем број научници, кои се занимавале со истражувања на таа тема, не пронашле никаква врска помеѓу шеќерите во исхраната и хиперактивноста кај децата. Постои теорија која го објаснува сомнежот во врска со шеќерите во исхраната и хиперактивноста кај децата. Самото окружување и ситуација, како што се детските родендени и прослави, создаваат хиперактивно однесување, па родителите, поради присуство на различни слатки на прославите ги поврзуваат со хиперактивност кај децата. 

Дијабетичарите не смеат да јадат чоколадо 

Изненадување! Чоколадото всушност има низок глихемиски индекс што значи дека не е нужно дијабетичарите да го избегнуваат во својата исхрана. Некои студии дури и покажале дека темното чоколадо го зголемува инсулинот кај лицата со нормален и висок крвен притисок. Секако, се препорачува советување со лекар пред воведување на чоколадото во исхраната на дијабетичарите. 

Чоколадото предизвикува кариес и паѓање на забите

Стоматолошките истражувања покажале дека чоколадото има послабо влинание на забниот плак за разлика од обичниот кристален шеќер. За среќа, шеќерот нема да го грицкаме на дневна основа како чоколадото, но уште една студија покажала дека нема никаква врска меѓу создавањето на кариес и чоколадо. 

Чоколадото дебелее

Многу здравствени институти докажале дека конзумација на помали количини чоколади секој ден не дебелее. Секако, дебелеат додатоците и преработките како што се сладоледите, фрапеата и топлото чоколадо со шлаг и чоколадни трошки и слично. 

Чоколадото нема никаква нутритивна вредност

Типичното темно чоколадо има една количина антиоксиданси како три четвртини од една шолја зелен чај, една чаша црно вино или две третини од една чаша боровница. Освен тоа содржи и висок процент на минерали и растителни влакна. 

Чоколадото е афродизијак

Иако Ацтеките верувале во цврстата поврзаност на чоколадото и романтичните чувства, современата наука тоа го отфрлила. Бројни студии не пронашле никакви афродизијачки својства кај чоколадото, но велат дека постои психолошкиот елемент при кој лицето е уверено дека чоколадото е афродизијак, па и на тој начин влијае. 

Чоколадото предизвикува појава на акни

Многу тинејџери, но и постарите, акните на своето лице му го препишуваат токму на чоколадото, но голем број студии го докажале сосема спротивното. Научното објаснување вели дека “храната нема врска со лечењето на акните кај поголемиот број од пациентите“. 

Да биде чоколадото здраво мора да содржи барем 70 отсто какао

Препораката на поголемиот број доктори е да се конзумира чоколадо со најмалку 70 отсто какао. Колку е поголем уделот на какаото, тоа содржи повеќе антиоксиданси. Но, и кај лицата кои конзумирале чоколадо со помал процент на какао е забележан напредок во крвниот притисок.