Состојки:

1 кг бутер тесто

1,5 пакетчиња пудинг од ванила

750 мл млеко

15 супени лажици шеќер

100 гр путер

200 мл слатка павлака

150 гр чоколадо за готвење

Растегнете го бутер тестото и поделете го на три еднакви правоаголници. Парчињата поставете ги во тавички обложени со хартија за печење. Корите се печат во претходно загреана рерна на висока температура се додека не добијат златно-кафена коричка. Направете го пудингот според упатството. Оставете да се олади, па во пудингот додадете го матениот путер и добро измешајте. Додадете ја во кремот и матената павлака, при што се меша само во еден правец за да не спласне. Ставете ја првата кора во соодветна според димензии тавичка и намачкајте ја со дебел слој од кремот. Потоа следува второто бутер тесто и повторно крем. На крај оди третото бутер тесто кое се покрива со стопеното чоколадо. Торатата треба да отстои 5-6 часа во фрижидер пред да се сервира.

Состојки:

Подлога:

300 гр мелени бисквити

2 дл чоколадно млеко

1 ванилин шеќер

Бел крем:

300 мл павлака за шлаг

3 лажици шеќер

100 гр бело чоколадо

0,5 пакетче желатин

Темен крем:

300 мл павлака за шлаг

100 гр чоколадо за готвење

3 лажици шеќер

0,5 пакетче желатин

Декорација:

200 мл павлака за шлаг и малку чоколадо

Подготовка:

Од мелените бисквити, ванилиниот шеќер и чоколадното млеко направете кора, која се формира во длабок калап. На пареа се топи белата чоколада. Се матат павлаката и шеќерот во што ја додаваме и стопената чоколада и желатинот. Матиме со миксер, па го додаваме филот врз кората. Треба да отстои во фрижидер додека се стегне.

На пареа се топи црното чоколадо. Се матат павлаката и шеќерот па ја додаваме стопената чоколада и желатинот. Матиме со миксер, па го додаваме црниот фил врз белиот. Тортата треба да отстои 1 час во фрижидер. Со матениот шлаг на крај се декорира тортата. На крај поросете со рендано чоколадо.

Состојки:

За кора:

8 жолчки

200 гр шеќер

40 гр чоколадо

160 гр бадеми

80 гр брашно

8 белки

За фил:

4 јајца

150 гр шеќер

150 гр чоколадо

250 гр маргарин

3 лажици рум

За прелив:

100 гр чоколадо

80 гр маргарин

2-3 капки масло

Подготовка:

Жолчките се матат со шеќер на што се додава стопената чоколада, мелените бадеми, брашно и на крај снег од белки.

Кората се пече во плех врз хартија за печење околу 20 минути на 180 степени.

Кога ќе се олади, кората се сече на три дела.

За фил изматете јајца со шеќер, ставете ги на пареа, додадете чоколадо и кога филот ќе се изедначи тргнете го садот од оган и оставете да се олади.

На филот се додава рум и матен маргарин, а потоа поделете го на два дела и ставете го помеѓу корите.

За прелив стопете маргарин, тргнете го од оган, додадете чоколадо и масло и мешајте додека смесата не се изедначи.

Состојки:

За кора:

3х5 белки

3х10 лажици шеќер во прав

3х5 лажици мелени ореви

3х2 лажици брашно

За крем:

1 л млеко

15 жолчки

10 лажици шеќер

9 лажици брашно

250 гр шеќер во прав

250 гр путер/маргарин

150 гр мелени ореви

Малку млеко за попарување на оревите

200 гр чоколадо

3 пакетчиња шлаг крем од ванила

200 мл млеко или кисела вода за шлаг кремот

Подготовка:

Направете 3 кори од по 5 белки, 10 лажици шеќер во прав, 5 лажици ореви и 2 лажици брашно. Измешајте ги брашното и оревите и внимателно додадете ги во матените белки. Се пече на 180 степени околу 25 минути, секоја кора. Кога ќе се испечат, покријте ги корите со крпа додека го подготвувате кремот.

Крем: 7 жолчки се мешаат со 10 лажици шеќер и 9 лажици брашно и се вари кремот во 1 литар млеко. Изматете 8 жолчки со 250 гр шеќер во прав. Посебно изматете 250 гр маргарин, па измешајте го со матените жолчки и сето тоа изедначете го оладениот крем.

1/3 од филот извадете и на тоа додадете 150 гр ореви попарени со млеко (потребно е само малку млеко ). Во преостанатите 2/3 од филот додадете 200 гр топено чоколадо. Изматете ги шлаг кремите од ванила со млеко или кисела вода.

Редослед: кора, шлаг, црн фил, кора, шлаг, бел фил, кора, шлаг, црн фил.

Состојки:
2 јајца
200 гр шеќер
80 гр чоколада
80 гр путер
150 гр мелени бисквити
40 гр мелени ореви
Декорација:
50 гр чоколада
малку путер
неколку цели ореви
Подготовка:
Јајцата се матат заедно со шеќерот, а потоа се загреваат на пареа. Кога смесата добро ќе се загрее се додава путер и се меша додека состојките не се соединат. Тргнете го садот од оган и додадете мелени бисквити, мелени ореви и чоколада. Добро измешајте, а потоа смесата префрлете ја во калап претходно обложен со хартија за печење.
Од горе се додава прелив од чоколада и путер.  Откако ќе се олади се сече на коцки, а на секоја коцка се става по едно парче орев.