Вашиот хороскопски знак покрај другите работи, го открива и тоа какви сте во брак – дали сте традиционални, посветени на семејството или пак брачниот живот не ви е силна страна.

Секако, се зависи од тоа дали сте маж или жена.

Овен

Маж

Тој е изразено мажествен. Лесно се одлучува да стапи во брак. Не бега од одговорности и сака да доминира. Крај себе сака да има паметна и убава жена, која нема да му ја ограничува слободата. Често се случува да посака „дополнително“ задоволство вон домот.

Жена

Жената родена во овој знак секогаш ќе ги поддржува амбициите на партнерот и крај себе сака успешен маж. Ќе ги исполнува сите брачни обврски, но нема да се откаже ни од нејзините приватни интереси. Активна е и секогаш добро организирана. Склона е кон љубоморни испади.

Бик

Маж
Биковите се посветени на жената и децата. Се трудат на своето семејство да му обезбедат што е можно подобри услови за живот. По природа се добродушни. Бикот важи за еден од најстрастните мажи. Ако жената не му пружи секакво физичко задоволство, склон е кон неверство.

Жена
Жената Бик е многу посветена на брачната заедница и спремна на жртва за да ја сочува хармонијата. Ја поддржува тезата дека љубовта доаѓа преку стомакот и е одлична домаќинка. Чувствителна е, а најголема слабост и се децата. Од мажот очекува да биде успешен и да и пружи материјална сигурност.

Близнаци

Маж
Овој маж и не е баш идеален за брак. Животот со него може да биде убав, интересен и релаксиран, но само под услов крај себе да има жена која нема да го „зауздува.“ Од друга страна, тој истата таа слобода ќе и ја пружи и на партнерката. Шармантен е и сака да флертува.

Жена
Оваа жена по природа е малку нестабилна, но спремна е тоа да го смени кога ќе влезе во брак. Многу се приврзува за својот сопруг. Си одговара со мажи кои можат интелектуално и вербално да и парираат. Оваа жена нема да се жртвува за семејството, бидејќи ја почитува и својата кариера.

Рак

Маж
Раковите се традиционални и врзани за своето семејство и за семејството од кое потекнува. Иако важи за добар партнер, со него не е лесно да се живее. Неговата жена освен што ќе треба цел живот да се бори со него, истото ќе треба да го прави и со неговата мајка. Поголем дел од времето сака да го минува дома и е добар домаќин.

Жена
Жената Рак е жена во вистинска смисла на зборот. Чувствителна и верна на својот сопруг. Пред се е мајка, полна со разбирање и љубов. Семејството и е најважно. Таа бара маж кој ќе и биде заштитник и на кого ќе може да се потпре. Лено стапува во брак и ја препушта иницијативата на партнерот.

Лав

Маж
Лавот сака за својата жена, тој да е центар на светот. Смета дека сите во домот треба да му се покорат, за да тој може да напредува. Како родител не е строг, бидејќи и самиот е едно големо дете. Неговата жена мора да биде убава, негувана и секогаш дотерана.

Жена
Жената родена во овој знак е секогаш организирана и има време за се, а не ги занемарува ни куќните обврски. Идеална е за амбициозните мажи. Нејзината појава предизвикува воодушевување. Со гордост ќе им ја претставите на родителите и колегите. Лојална е и страстна.

Девица

Маж
Ова е највредниот маж во брак, кој би го посакале сите жени. Не е посесивен, но не е ни страстен, па најдобро се вклопува со жена од истиот знак. Многу е конзервативен и не  ебаш романтичен.

Жена
Оваа жена е многу анлитична. Ако не се одлучи за брак од интерес, ќе биде многу чувствителна мајка и сопруга. Способна е да држи се под контрола. Од мажот очекува да биде одговорен. Често знае да делува ладно. Физичкото задоволство не и е приоритет.

Вага

Маж
Вагите се вистински уметници во љубовта, но сепак не им одговара брачниот живот. Тешко се прилагодуваат. Го привлекуваат жени кои водат сметка за својот изглед и кои знаат да им се спротивстават кога треба. Добри љубовници се, но склони се кон неверство.

Жена
Жената вага е впечатлива, привлечна и женствена, секогаш опкружена со своите додворувачи. Таа е идеал по која мечтае секој маж. Сака хармоничен брак. Вистинска дама е и не ги сака куќните работи. Мажот мора да ја мази, пази и да и обезбеди луксуз.

Скорпија

Маж
Овој маж е многу љубоморен и посесивен. Со него не е лесно да се биде среќен во брак. Непријатните ситуации можат да се избегнат ако жената постојано му ја покажува и докажува својата љубов. Не сака ладни и доминантни жени, бидејќи смета дека тој е глава на семејството.

Жена
Оваа жена многу сериозно му пристапува на бракот. Партнерот го бира со своето срце, а не со разумот. Се ќе направи за да ги усреќи своите деца. Сака да биде сакана и почитувана. Многу е енергична и страстна. Ако мажот не е спремен да ги задоволи нејзините барања, спремна е да си замине.

Стрелец

Маж
Стрелецот е роден авантурист и во животот и во љубовта. Не тежнее кон брак по секоја цена. Неговата жена мора да биде елоквентна, забавна и способна да се снајде и без него. Тој на љубовта гледа сосема поинаку од сите други знаци. Нема да толерира ако неговата жена има испади на љубомора.

Жена
Жената стрелец е мудра и пријателски настроена кон својот сопруг. Во состојба е да го прати во чекор, својот избраник. Не поднесува монотонија во бракот и ќе направи се за да заедничкиот живот не западне во рутина. Потребен и е некој кој ќе ја забавува. Романтична е.

Јарец

Маж
Овој маж често се посветува на кариерата па во брак влегува многу покасно од останатите знаци. Жената покрај овој маж, ќе се чувствува сигурно, но ќе биде лишена од секакви изливи на нежност и емоции. Јарецот несвесно бира доминантни жени, но очекува да се почитуваат и неговите правила.

Жена
Жената Јарец е како создадена за маж кој сака убав брачен живот без потреси. Мажот може да биде комплетно сигурен во нејзината верност. Оваа жена е често воздржана, ладна и недопирлива. Не знае да ги покаже емоциите ни кога некој многу и значи.

Водолија

Маж
Овој маж е непредвидлив во брак. Неговата избраничка никогаш не треба да ги отвора сите карти, ако сака да го задржи само за себе. Тој лесно може да се сврти кон онаа која е поинтересна и поспособна од неговата жена.

Жена
Водолијата жена е едноставна и пријателски настроена. Од бракот бега, се додека не се појави вистинскиот. Во кујната не се снаоѓа баш најдобро и не се срами да ги покаже своите емоции. Склона е кон авантури, во моментот кога ќе помисли дека животот и станал рутина.

Риби

Маж
Мажот роден во овој знак е еден од најдобрите кандидати за брак. Спремен е да и ги оствари сите желби на својата жена, ако има можност за тоа. Тој е еден од знаците кој најголем дел од времето го поминуваат со семејството. Ретко се решава да си ја жртвува семејната среќа, заради љубовница.

Жена
Оваа жена е вистинска дама која ги фрла сите останати во сенка. Често пати и недостасува сила и волја за да ги спроведе своите брилијантни идеи во пракса, па затоа и е потребен силен маж кој ќе ја води низ животот. Од бракот не се откажува дури ни кога ќе доживее пораз, бидејќи се надева дека ќе има повеќе среќа следниот пат.

Водолиите сакаат слатки мириси, Скорпијата користи интензивни парфеми, Рибите се верни на традиционалните парфеми, а Стрелецот е маѓепсан со мирисите на Далечниот Исток.

Огнените Овни се склони кон опојни мириси
Динамичниот Овен го привлекуваат сензуални ноти кои одговараат со неговиот карактер. Привлечен е од мирисот на цимет, мускатно оревче, лимон и цитрус.

Бикот е верен на еден мирис
Бикот не сака да експериментира со мириси и е лојален на еден бренд, кој мора да биде посебно дизајниран. Тој парфем има ноти на мандарина, ружа и ванила. Сака и интензивни тонови што го прават да се чувствува сензуално и моќно.

Близнаците не можат да одолеат на цветни и цитруси ноти
Близнаците, сакаат да експериментираат со парфеми, а најмногу им одговараат цветни и цитрусни мириси. Најчесто ги одбираат според расположението, кога се романтично расположени сакаат овошни тонови како јагода, портокал и ванила, а за секојдневна варијанта одбираат освежувачки тонови од лимон.

На Ракот му одговараат префинети ноти
На чувствителниот Рак му одговараат нежни женствени тонови од јасмин, ружа и магнолија. Сака свежи и заодливи парфеми за да биде забележан од друштвото.

Лавот сака да се истакнува
Тој сака едноставни мириси на ружа или есенцијални масла, но понекогаш сака и скапи парфеми. Него му е исклучиво важно да мириса убаво и бира кокос, ванила, ружа и сандаловина.

Девицата сака само свежи и транспарентни мириси
Девицата сака мириси кои и даваат чувство на свежина, и затоа оваа нежна личност одбира парфеми со тонови на портокал, грејпфрут и анис.

Вага сака необични ноти
Вагата има специфичен вкус кога се работи за парфеми и најмногу и одговараат романтични тонови од сандаловина и клементина. Меѓутоа таа сака во друштвото да остава посебен впечаток и затоа понекогаш бира необични парфеми со феремони или босилек.

Скорпијата не се откажува од интензивните мириси
Мистичната Скорпија сака класични парфеми со интензивен мирис. Најмногу одговараат класични мириси со додаток од бадем, гарденија и мошус.

Стрелецот е маѓепсан од мирисите од Блискиот исток
Стрелецот сака егзотични мириси од Азија и Далечниот Исток како што се темјан, сандаловина и зелен чај. Како и Близнакот сака да експериментира во посебни прилики и носи парфеми од лубеница и цреши.

Јарецот одбира здрави парфеми
Јарецот исто како и девицата сака транспарентни мириси, и бидејќи е опседнат со здравјето сака неговиот парфем да содржи витамин Б, зелен чај и женшен.

Водолијата ќе ја препознаете по слаткиот мирис
Слатки и цветни мириси се најдобар избор за Водолијата. Овој знак кога ќе го пронајде својот омилен парфем не се одвојува од него. Најмногу му одговараат мириси на ванила, сандаловина и лаванда и интензивната нота на пачулија.

Како гледате на работите и случувањата во животот? Знаете ли да се утешите и да го видите светлото на крајот од тунелот или мислите дека е крај на светот?

Овенот си го попречува патот низ сите непријатни ситуации, оптимизмот на Бикот се темели врз верата во своите способности, а на Лавот ретко кој може да му го наруши оптимизмот..

Дали сте песимист или оптимист според хороскопскиот знак?

Овен

Вие сами си го попречувате патот низ непријатните ситуации кои ви ги носи животот, а при тоа воопшто не се вознемирувате дека може да бидете истуркани или отфрлени. Сето тоа е дел од животот си велите себеси и продолжувате понатаму. Во моментите кога ви е намален оптимизмот добро е да изброите до 10 , за да застанете и да го послушате внатрешниот глас, а тој ќе ви каже дека сте некој кој е вреден за почит и тоа ќе ве врати во колосек. Вашето мото е: Утре е нов ден!

Бик

Вашиот оптимизам се заснова на силата на вашата добра волја и вербата во сопствените способности, таленти и знаење. Поседувате моќ да го маѓепсате спротивниот пол, поради што и самодовербата ви е на високо ниво. Вашата посесивна природа може да биде камен кој ќе ве сопне во однос на љубовта, семејството или пријателските односи, па дури и работните. Ако почувствувате дека некој сака да ви одземе нешто, почнувате да се сомневате во себе. Во таквите моменти утеха за себе може да најдете во прошетка низ природа или во некој креативен амбиент.

Близнаци

Сè додека околу себе можете да видите различни можности за да се занимавате со некоја работа која ја сакате или врска со некој кој ви се допаѓа, нема причини за песимизам. Вашиот оптимизам се заснова на промени, бидејќи ве плаши досадата, а самотијата никако не ви одговара. Интелигентни сте и снаодливи, прилагодливи и духовити, па во секоја ситуација успевате да најдете своја светла страна. Вашиот оптимизам извира од вашата љубопитна природа. Постојаното трагање по нови идеали и потребата за дружење со другите луѓе.

Рак

Сите мислат дека сте премногу грижливи, а всушност сè околу себе длабоко преживувате, па речиси е неизбежно да се грижите околу реални или нереални навреди. Тоа можете да го надминете доколку успеете да воспоставите малку поинаков однос кон својата околина. Престанете да се грижите околу тоа што мислат другите за вас. Иако вам ви е важно мислењето на блиските, сепак треба да бидете искрени кон себе и да сфатите дека не можат сите да ги прифатат вашите погледи на светот.

Лав

Ретко што може да го загрози вашиот оптимизам бидејќи уживате во животот сфаќајќи дека се состои и од позитивни и од негативни искуства. Освен тоа, длабоко се почитувате себе. Сепак имате и вие свои слаби точки, а тоа најчесто се љубовта или децата. Меѓутоа, дури и во лошите ситуации успевате да го извлечете најдоброто. Кога ќе почувствувате дека ве обзема песимизам, сетете се дека целиот свет е една голема сцена, на која судбината вам ви ја доделила главната улога. Штом излезете да прошетате или во шопинг, повторно се враќа во вас оптимистичниот Лав.

Девица

Поради вродениот перфекционизам и критицизам често имате проблем за светот околу вас да го гледате од поведрата страна. Чашата попрво ќе ја видите како полупразна, отколку како полуполна. Не можете да одите против својата природа која секогаш бара влакно во јајцето. Дури и самите понекогаш сте изморени од темните облаци зад кои не можете никако да видите сонце. Сепак, ако еднаш се потрудите да ја побарате посветлата страна ќе сфатите колку подобро ќе се чувствувате и физички и психички. Тогаш до израз доаѓа вашата исклучителна смисла за хумор со која ја освојувате околината.

Вага

Во вас се менуваат сјајниот оптимизам и нерасположението. За среќа, мрачните периоди се секогаш пократки од ведрите, иако понекогаш може да ве извадат од колосек, да предизвикаат кавга. Доколку сте нерасположени обидете се да ги одложите обврските барем на некое време за да не ви го уништат дополнително расположението. Доброто расположение искористете го за работа и она што бара истрајност. Не барајте утеха во слатките, туку потсетете се на она што досега сте го постигнале, испразнете се со вежби или одете на прошетка со некој кој сакате.

Скорпија

Горчливите и непријатни моменти во животот едноставно не умеете да го гледате од друга перспектива од онаа реалната. Исто така, поседувате доволно сила и одлучност самите да се извлечете од песимистичкото расположение. Кога ќе почувствувате дека ве обзема црнилото сконцентрирајте се на љубовта, работата која ве исполнува и пријателите кои ги имате во изобилие. Оној кој страствено сака, како што тоа го знае вашиот знак, многу лесно ќе најде утеха во емотивниот стил на живот.

Стрелец

За вас може да се каже дека го измисливте оптимизмот. Тој е една од главните карактеристики на вашиот знак. Сепак, животните удари може да ви нанесат големо нерасположение и турбулентни периоди. Најсигурен начин повторно да се здобиете со самодоверба и да го вратите оптимизмот е да се спротивставите на она што не ви се допаѓа. Ништо не може да ве расположи подобро од убедувањето дека човечката слабост е моментална.

Јарец

Доколку сакате да уживате во животот, мора да се сконцентрирате на неговата ведра страна, што и самите го знаете. Заради тоа, претставниците на вашиот знак се задоволни личности, со дух многу помлад од своите врсници. Иако вашиот вроден реализам никогаш не ве напушта, можете да бидете и огромен оптимист дури и кога стоите цврсто на земјата. Луѓето често бараат совет од вас, па неретко може да се уловите во улога на вечен оптимист кој упорно се обидува да ги развесели другите.

Водолија

Вие знаете како да уживате во животот, па не е ни чудо што во секој момент наоѓате убавина и надеж. Енергични сте, имате богата фантазија и вечни оптимисти. Иако не ве заобиколуваат разочарувањата и тешкотиите, сепак знаете да воспоставите лична контрола. Одлична помош ви се уметноста, природата и домашните миленици. Затоа, колку почесто можете, своето уживање во животот споделувајте го со другите.

Риби

Лесно е да ве повредат, затоа што сте чувствителни и склони кон промена на расположението. Но, во моментите кога најголемата тага ве обзема, планирате како да се извлечете, што е добар почеток. Сè додека не е проследено со често нуркање во фрижидерот или постојаното налевање со кафе, имате шанси да го задржите оптимистичкиот став. Потрудете се да ги избегнувате оние кои ја користат вашата љубезност, а кога веќе тоа ќе го сфатите предоцна, утешете се со омилената литература, музика или присуството на искрениот пријател.