Секој има особини кои ги привлекуваат или ги одбиваат другите луѓе. Добро е да бидете свесни за своите маани и да ги поправате колку што можете.

Треба да знаете да прифатите дека никој не е совршен, па ни вие. Ова се мааните на секој знак кои може да бидат вистинска пречка доколку сте во врска со нив.

Но, некој можеби знае и да направи компромис. Ако за некој едни маани се неприфатливи, за некој друг можеби се сосем вообичаени.

Пронајдете ги мааните на својот партнер или пронајдете го партнерот чии маани можете да ги прифатите.

Овен

- Имаат импулсивен карактер и треба да знаат како да го намалат изливот на бес.

- Кога сте во врска со Овен понекогаш ќе имате чувство дека сте со некој незрел и наивен тинејџер, а не со возрасна личност.

- Овните сакаат да се впуштаат во нови работи, но не очекувајте дека ќе ги завршат до крај, бидејќи лесно им се привлекува вниманието со нешто друго.

- Имаат голем проблем со трпението.

- Многу се себични и со тесни погледи, па не се чудете ако не ги разберат и прифатат вашите амбиции.

Бик

- Биковите се познати по својата тврдоглавост, затоа немојте да очекувате дека ќе победите во некоја расправија.

- Не попуштаат.

- Нивните потреби се секогаш поважни од вашите.

- Ужасно се здодевни.

- Тешко се отвораат емотивно, па не можете од нив да очекувате да ги поделат своите грижи.

Близнаци

- Непослушни личности.

- Секој ден е нов предизвик, бидејќи не знаете како ќе бидат расположени.

- Слаткоречиви се и многу ветуваат, но сè останува само на зборови.

- Брзо се заситуваат од сè.

- Да се живее со Близнак, значи да се живее со полу завршени проекти и идеи.

Рак

- Нивните промени на расположението се исцрпувачки.

- Раковите се склони на навредување, но не и на преземање одговорност за последиците.

- Наметливи се и несамостојни.

- Може да ве запросат уште на вториот состанок.

- Животот со Раковите може да биде прилично досаден. Тешко може да ги наговорите да одите на некое патување или за некаква авантура.

Лав

- Никогаш нема да чувствувате целосна сигурност во врскаат со нив, бидејќи се склони на флерт со кој било и каде било.

- Никогаш нема да ве сака вас повеќе од својот одраз во огледалото.

- Ниеден Лав никогаш не признал дека не бил во право.

- Нивната палавост е непријатна.

- Мора секогаш да бидат во центарот на вниманието, па покрај нив секогаш ќе бидете по малку во сенка.

Девица

- Склони се кон осудување и претерани критики.

- Животот со Девица значи дека секогаш вие ќе треба да го направите првиот чекор.

- Превртливи се.

- Несигурноста им е вродена, а тоа воопшто не е секси.

- Ако случајно оставите валкана чаша во мијалникот и си заминете, долго ќе ве потсетува на таа несмасност.

Вага

- Никогаш нема да знаете што навистина мислат бидејќи тие ќе ви го кажат само она што сакате да го слушнете.

- Донесувањето одлуки трае со часови.

- Во секој момент може да ви го свртат грбот без предупредување.

- Опседнати се со физичката убавина.

- Им недостасува силна волја.

Скорпија

- Љубомората е далеку позната за Скорпиите.

- Никогаш нема да знаете што точно чувствува, бидејќи знае вешто да манипулира и со своите и со вашите емоции.

- Подготвени се да ве повредат како никој дотогаш.

- Лажливи се и таинствени.

- Малите караници редовно се претвораат во огромни драми.

Стрелец

- Стрелците се најлоши слушатели од сите знаци.

- Забавата им е единствено постојано нешто во мислите 24/7, а ако ја немаат непрестано се жалат.

- Тие знаат апсолутно сè, така што тешко прифаќаат да им кажувате нешто ново.

- Доминантни се и склони на контролирање.

- Често се невнимателни за туѓите чувства.

Јарец

- Нивен приоритет е работата и тоа јасно ќе ви го стават на знаење.

- Опседнати со контрола.

- Сè што прават, прават исклучиво за себе без грижа дали ќе ве повредат.

- Сакаат рутини, па врската со нив е малку досадна.

- Затворени се зад своите ѕидови.

Водолија

- Животот го живеат во својата глава, па често се отсутни.

- Тие знаат најдобро, па често ќе ви даваат инструкции.

- На состаноците ретко ќе бидете сами, бидејќи најмногу од сè сакаат друштво.

- Сакаат однапред да донесуваат одлуки, заклучоци и осуди.

- Секогаш ќе знаете што мислат, но ретко и што чувствуваат.

Риби

- На Рибите им треба многу простор.

- Не можете да ги наговорите да направат нешто што не сакаат.

- Ретко кога знаат што сакаат од животот.

- Рибите ќе ги жртвуваат своите емоции и потреби за поквалитетна врска, но подоцна ќе ви префрлаат за тоа.

- Ја идеализираат секоја своја врска, па од вас се очекува да ги исполните нивните фантазии за совршенство.

За некои летувањето сеуште не започнало, додека други веќе го „испукале“ својот годишен одмор, но тоа не значи дека по некој викенд не можат да побегнат...

...на одмор од соништата. Секој од нас има посебни желби и нешто во што ужива. Иако хороскопот по некогаш и не е баш најточен кога зборуваме за нашиот интерес и карактер, во повеќето случаи погодува во што уживаме.

Сакате ли да откриете како за вашиот хороскопски знак или за знакот на вашиот партнер изгледа идеален викенд?

На Рибите само ветете им дека ќе бидат во близина на вода и сте ги „купиле“. Тие ги обожуваат сите видови на активности поврзани со езеро и море, а кога зборуваме за солена вода, нуркањето им е најомилен хоби, или пак за тоа мечтаат. Ако не може покрај вода, ќе уживаат и во кино вечери во двојка гледајќи филмови со морска тематика и убаво јадење.

За Овните тоа е викенд украден од сценариото на Џемс Бонд, мото трка, скокање со падобран или возење со скутер по море. Не е важно што, важно е да има акција и да не е досадно ниту еден миг и се разбира нашиот Овен да е главен протагонист.

Бикот сака мирен викенд, со сликање покрај езеро, романтични вечери, а сето тоа проследено со обилни ручеци, вечери и виолина на уво. Тие со подлабок џеб ќе се почестат со луксузни патувања, крстосување all inclusive им звучи преубаво.

За Ракот нема вистинско уживање без собирање на семејството и пријателите, барем на неделен ручек, ако не и во посета на родното место за да се релаксираат со пеењето на птиците, мирисот на природата и домашната храна. А, ако пропадне се, ќе ги повикаат пријателите на скара или само на дружење на тераса со освежителен пијалак и тивка музика.

Девицата посакува некаков wellness викенд на кој конечно ќе се одмори од напорната недела. Под вештите раце на масерот во миризливи купки и со лековита кал ќе заборави на сите грижи и ќе го одмори духот и телото.

Вагата признава само шопинг, по можност во странство и тоа во поголемите европски метрополи. Може и по некоја модна ревија, jet set after party на некоја јахта, се зачинето со вкусни деликатеси и квалитетен алкохол. Така ќе биде исполнета и со задоволно срце ќе се врати дома.

Ако помеѓу саботата и неделата нема долги жешки ноќи, ништо од идеалниот викенд за Скорпиите. Саботното попладне со задоволство ќе го помине со пријателите, вечерта на еротско кабаре со партнерот. А потоа следи... појадок во кревет во недела на пладне, зарем не?

Спортски настроените Стрелци би дале се за сплаварење, возење кајак, сурфање на ветер и падобранство. Ним им одговара авантура која ги тестира нивните физички граници, но и менталните – па помудрите меѓу нив ќе одберат дводневен семинар за тема што ги интересира. Трките, разни инвенти и кампирањето се некои од активностите во кои Стрелците ќе уживаат.

Близнакот сака да се врати во младоста па со група на весели пријатели повеќе сака да отиде на концерт на омилениот бенд после што следи лудо ноќно возење во кабриолет, играње на дожд и чекање на мугрите во пијано - среќно – уморно издание. Близнаците со задоволство ќе отидат и на пат во некоја друга земја каде што ќе комуницираат со локалните жители, ако треба со раце и нозе.

На Лавот идеалниот викенд му е секогаш поврзан со летото- провод или продолжена забава на некој брод на морската шир со многу јадење, пијалак и добри „парчиња“. Преку ден ќе има доволно енергија за скијање на вода или возење со глисер, а би било пожелно тоа да го сними и телевизија и да го прикаже во ударен термин за да му завидуваат сите познаници.

Јарецот е повеќе зимски тип – викенд во планинска куќичка на идиличен алпски врв (било во лето или во зима) е по негов вкус. Но, тие сакаат и да патуваат, а кога е веќе така, сакаат да видат што повеќе – па ако станува збор за вашиот партнер бидете подготвени на ригорозен распоред и часови и часови пешачење.

Водолијата ретко кога мисли на себе кога размислува за идеален викенд, тие повеќе би сакале да ги спасуваат шумите, да демонстрираат против нуклеарните централи, да им помагаат на делфините... За тие два дена барем малку би се обиделе да го изменат светот. Но, ако тоа не им е опција – со задоволство би отпатувале на фестивал на отворено или би пробале некоја активност која до сега не ја пробале.

Внимавајте на кој хороскопски знак се доверувате! Рибите ќе заборават дека сте им откриле тајна, Вагите ненамерно ќе ја раскажат на најблиските, а Скорпиите со намера ќе ве издадат.

Овен

Ако на Овенот сте му довериле тајна, внимавајте да не ги изнервирате, затоа што во моментот има големи шанси импулсивно да ја раскажe вашата приказна. Тоа нема да го направи со намера да ве издаде, туку затоа што е склон најпрво кон дејствување, па потоа размислување.

Бик

Стабилни се и упорни, но на Биковите доверувајте им се само ако знаете дека се сложуваат со тоа што сте им го откриле. Во сите останати случаи, тајните задржете ги за себе. Има голема шанса за возврат да добиете лекција за тоа како си го комплицирате животот. Најдобро е да започнете со „што мислиш за...” па, потоа тајна!

Близнаци

Овој знак е брбливец без престан, па затоа никогаш не му се доверувајте. Дури и да нема потреба да ја раскаже вашата тајна, ќе му излета сосема случајно, додека го пие кафето со локалното инфо-биро, односно со личноста која сака да разгласува приказни.

Рак

Доверлив и лојален, Ракот секогаш е добар избор за чување на тајни. Ќе ви понуди рамо за плачење, утеха, прегратка, чај... само за да ви помогне. Раковите се можеби најсигурните луѓе на кои можете да им ја откриете вашата најтемна тајна, па вреди да имате барем еден пријател во овој знак.

Лав

Тајните кои Лавот може да го доведат до пофалби или да му помогнат да се докаже, подобро зачувајте ги за себе. Ако се работи за неговиот конкурент или личност која му е антипатична, постои голема веројатност без размислување да ја открие тајната.

Девица

Дискретната Девица ќе ги чува доверливите информации за себе, до моментот додека сте блиски. Потоа, ако случајно се оддалечите, ќе започнат да се шират информациите. Што значи, ако не планирате да се предадете потполно на некоја Девица, не ја откривајте вашата темна страна.

Вага

Тие се прекрасни пријатели, но доколку ги изневерите, бидете претпазливи! Зад нивниот шарм се крие доза на лицемерие, имајте го тоа на ум. Тие сакаат да ги издаваат тајните кои ги имаат другите, но на крајот ќе ве убедуваат дека тоа е со добра намера и однапред замислена цел.

Скорпија

Тајна која чекори е второто име на Скорпиите. Тие најдобро ги разбираат тајните затоа што и самите ги имаат во огромни количини. А, кога нешто јавно ќе се издаде или дознае, свесни се дека ја губи вредноста. Затоа, слободно доверувајте им ги тајните или плановите кои ги имате, тие безрезервно ќе ви го чуваат грбот!

Стрелец

Да не се родени зборлести, Стрелците би биле сјајни пријатели. Посебно ако тајните им се откријат покрај чашка алкохол, на приказната нема да и се гледа крајот. Често пати се претрупани со информации, па не се свесни каде треба да молчат, а каде да зборуваат. Постои голема шанса од невнимание да ја издадат вашата најтемна страна која не сакате никој да ја дознае.

Јарец

Можеби ќе звучи грубо, но Јарците не сакаат да им се доверуваат, па затоа ја користат секоја шанса да го откријат она што го знаат. Покрај тоа, сакаат кога имаат корист од чувањето на тајни, затоа што во замена за нивната дискреција ќе треба да понудите многу.

Водолија

Ако сакате Водолијата да ви ја сочува тајната, ќе мора да и откриете нешто сензационално и крајно ексцентрично. Во спротивно, тоа за неа ќе биде сосема обична, глупава информација која може да ја издаде во било кој момент, случајно.

Риби

Со Рибите тајната ви е сигурна. Постои голема шанса дури и да го заборават она што сте им го кажале, но ако ја запаметат, ќе ја чуваат до крај. Тие се таинствени личности кои разбираат што значи да имаш нешто скриено од другите. Но, никогаш не им доверувајте нешто што се коси со нивните емоции. Последиците може да бидат фатални, без намера.