(ВИДЕО) Шилегов: Фирмата на Талевска добила бизнис од милион евра од Никола Тодоров

Бизнисот од 40 илјади евра за кој вчера објавивме документи е ситница во однос на бизнисот од милион евра на фирмата на новинарката Ивона Талевска со Министерството за здравство за кој денеска ви презентираме документи, рече на денешната прес конференција портпаролот на СДСМ Петре Шилегов.

< width="500" height="281" ="http://www.youtube.com//YeuKgOEgWVI?feature=o" border="0" allowfullscreen="">

-Премиерот Никола Груевски молчи за бизнисот од 40 илјади евра даден на мајката на уредничката на Сител Ивона Талевска. Молчи и министерот за здравство Никола Тодоров. Молчи и Ивона Талевска. Сите тројца вчера не кажаа ни збор за доделениот бизнис на фирмата во која одговорна за контакт со трговијата на медицинска опрема е уредничката Талевска. Денеска ќе ви кажеме зошто молчат. Затоа што зделката што вчера ја обелодени СДСМ е ситница во однос на бизнисот кој Владата го доделила на семејната фирма на уредничката бизнисмен Ивона Талевска. Еве официјален документ кој покажува дека фирмата на Талевска Визарис МКД добила од Груевски и Тодоров и бизнис во здравството тежок милион евра- рече Шилегов.

Тој презентира официјален документ од Бирото за јавни набавки, кој покажува дека министерството на Никола Тодоров склучило договор со фирмата во која мнозински сопственик е мајката на Ивона Талевска, во вредност од 62.701.048 денари.

-Тоа е зделка од милион и 28 илјади евра со фирмата Визарис МКД, чија сопственичка е Лимба Талевска, а лице за контакт самата уредничка на Сител и главен и одговорен уредник во весникот Вечер, Ивона Талевска. Милион евра, пари на граѓаните, завршиле или ќе завршат на сметката на фирмата на Талевска. Значи, додека едни новинари скапуваат по затворите, многумина новинари професионалци се на улица, некои чесно едвај доаѓаат до егзистенција, а други ги одработуваат агендите на власта за нецели 200 евра, оваа напредна уредничка, бизнисмен, лице за контакт, Ивона Талевска, помага да се таложат државни пари на семејно конто. Кога Тодоров се фали со милиони евра потрошени во здравството, сега е јасно каде одат милионите. СДСМ бара од премиерот Груевски, да не се крие и да не молчи за оваа, досега невидена корупција во медиумите, што ја отвора овој скандал. Премиере Груевски одговорете: Вака ли го раните медиумското “чудовиште“ кое изеде егзистениции на илјадници луѓе во земјава, криејки ги вашите криминали и создавајки со лаги непостоечка реалност? Вака ли се купуваат уредници? Со милиони евра пари на граѓаните? Затоа ли медиумите контролирани од вас и уредниците поставени од вашата Влада, вклучително и националниот сервис Македонската телевизија, воопшто не го објавија вчерашниот прес на СДСМ за овој тежoк скандал?! Јавноста очекува одговори- рече Шилегов.