Божиќни елки

Состојки

• Тесто
• 1 1/2 чаша за млеко интегрално пченично брашно
• 1 чаша за млеко бело брашно
• 1 лажиче сода бикарбона
• 1 лажиче цимет
• 1 лажиче сол
• 250 гр. путер
• 3/4 чаша за млеко прав шеќер
• 1 јајце
• Глазура
• 2 лажици сок од лимон
• 1 чаша прав шеќер

Подготовка

Во еден сад измешајте ги брашната, содата, циметот и солта.
Во друг сад измешајте го путерот, кој предходно треба да се стопи и шеќерот, додека не се добие кремава хомогена смеса.
Сматете го јајцето и додадете го на путерот.
Потоа двете смеси се соединуваат и се замесува тесто.
Откако убвао ќе се измеси се става во најлонска фолија и се остава најмалку еден час во фрижидер.
Потоа се расукува кора со дебелина од 3мм, се сечат триаголници-елки.
Се редат во тепсија и се печат во загреана рерна, 12 минути, на 200°.

Во меѓувреме се припрема глазурата ( се мешаат шеќерот со сокот од лимон, додека не се соеднинат) и се нанесува на оладени колачиња.

Колачињава ги правевме со ќерка ми, додадовме и рендано чоколадо по нејзина желба, ви препорачувам да ги припремите и вие за празнициве што доаѓаат, одлично време поминато со најмалите........ ( чистењето потоа...не се споменува)

Дополнителни фотографии

Колач - мраморни коцки

Корпи колачи полнети со мармалад

Состојки

• 250 гр зејтин
• 500 гр брашно
• 1 лажица шеќер
• 1 прашок за пециво
• 125 гр бело вино
• по потреба/желба мармалад

Подготовка

Посни, едноставни, вкусни колачиња.

Го замесуваме тестото, го расукуваме и вадиме со кругови или пак ако имате модла на цвет користете ја таа. Јас имав модли на срце, вадев од него, па ги спојував, ама правев и со кругови. Тестото ставајте го во модла за мафини. Печеме на 230 степени да поцрвенат.
Откако ќе се изладат се полнат со мармалад и врз нив ставаме шеќер во прав.
Убави се да отстојат околу 2 часа пред да се јадат.

Дополнителни фотографии

Кога веќе ќе се изморите од празничните специјалитети, “одморете” и почестете се со еден брз, а неверојатно чоколаден рецепт.

Чоколадните палачинки се сечија слабост, па во комбинација со ванила крем и кокос, не веруваме дека некој ќе ги одбие.

Потребни состојки:

За палачинки

• 175g брашно
• 4 лажички какао
• 100g шеќер
• 4 лажички масло
• 2 лажички екстракт од ванила
• 350ml млеко
  
  

За крем

• 1 пудинг од ванила
• 2 лажици шеќер
• 300ml млеко
• 100g брашно од кокос
  
  

За декорација

• Сезонско овошје
• Топено чоколадо
  
  

Подготовка:

Измешајте ги сите состојки за тестото, по ред, додека не добиете нешто погуста смеса од онаа за обични палачинки.

На тавче полиено со малку масло, пржете палачинки со големина по ваша желба. Ако имате потреба од метален калап, можете да го искористите за да добиете еднакви кругови.

Кога сите палачинки ќе бидат готови, сварете го пудингот со 2те лажици шеќер. Откако ќе се олади, додадете го брашното од кокос и мешајте додека добро не се соедини.

На голема чинија редете една палачинка, па премачкајте 1-2 големи лажици од кремот. Повторувајте ја постапката додека имате материјал.

На крај прелијте ја тортата со топено чоколадо или чоколаден прелив и додадете ситно сечкано овошје.

Проросете цимет или ванила и тортата е готова за послужување!

Штрудлата е еден од омилените десерти во светот, па затоа може да се пронајдат многу различни начини за подготовка. Овој рецепт што ви го нудиме е штрудла со јаболка и сладолед од ванила и е идеално летно освежување.

Состојки потребни за подготовка

• Кора за штрудла (можете да ја купите од продавница или можете да ја направите од тенко сукано тесто)
• 1 kg кисели јаболка
• Шеќер
• Путер
• Цимет
• Суво грозје
  
  

Сладолед од ванила

Исецкајте ги јаболките на коцки во големина од 1,5 cm. Посипете ја кората со растопен путер и во средина поставете ги сецканите јаболки.

Испрскајте со шеќер, цимет и суво грозје. По желба можете да ги ставите во рум да потстојат пред да ги искористите за штрудлата. Свиткајте го тестото и поставете го во тепсија. Избоцкајте го за да не попука горниот дел.

Печете во загреана рерна на 180 степени 30 до 40 минути се додека тестото не добие златна кора.

Оставете ја штрудлата да се олади и послужете со топка сладолед од ванила. Декорирајте со нане, цимет или топено чоколадо.

Од ризницата на стари и добро рецепти кои вреди да се пробаат ја издвоивме раванијата . Подготовката е едноставна и брза, слободно пробајте и споделете го искуството.

Сосотојки:

• 6 јајца
• 6 лажици шеќер
• 1 ванила
• 8 лажици гриз
• 4 лажици брашно
• 1 прашок за печиво
• Корка од еден лимон

Шербет:

• 600 грама шеќер
• 600 ml вода
• сок од еден лимон

Подготовка:

Изматете ги жолчките со шеќерот и ванилата, додајте го измешаното брашно со гризот, прашокот за печиво и изренданата корка од лимон. Изматете ги белките па додајте ги на претходната смеса. Тавчето за печење намачкајте го со путер, посипете го со брашно и во него ставете ја смесата за раванија. Печете на 200 степени 20 минути. Раванијата полејте ја со сварениот шербет. Изладена раванија - топол шербет.

На здравје!