Овој стил ја негира едноставноста, редот и рационалноста, а белата и црната боја се премногу неутрални за него, бидејќи во овој стил надвладуваат јаките бои. Црвена, жолта, сина, зелена создаваат несекојдневни и иновативни простори.
Нагласокот не е ставен на мебелот, како кај технолошкиот стил, туку на формите и деталите. Постмодернистичкиот стил не познава цврсти правила кои треба да се следат, во него се комбинираат најразлични елементи што на секој поединец му овозможуваат создавање на сопствен стил.
Освен горенаведените постојат уште многу декоративни стилови. Секој од нив е посебен на свој начин, но она што е заедничко за сите е подобрување на убавината на живеењето.

Kако да го уредите домот кој сакате да го продадете?

Запомнете дека во животот нема втора шанса за прв впечаток и дека многу пати носиме одлуки врз основа на првиот впечаток, без разлика дали станува збор за личност, објект или облека која сакаме да ја купиме.

Затоа, ако имате стан, куќа или некоја друга недвижнина која сакате да ја продадете, ви нудиме неколку совети кои ќе ви помогнат тоа да го направите што побргу, да добиете подобра цена, а купувачот да биде задоволен од одлуката што ја донел.

Нема ништо поубаво од чист и уреден дом

Ако веќе се решите да го продавате својот дом, најпрво темелно исчистете го. Ако не можете само, дозволете си да најмите професионалци кои ќе го исчистат тапацираниот мебел и теписите. Одржувајте ја чистотата постојано, така што местото ќе биде постојано подготвено за разгледување.

Тргнете го нередот и непотребните предмети од видливите места. Погрижете се на подот да нема расфрлани играчки и држете ги плакарите средени.

Креветите нека ви бијат постојано наместени, ѓубрето навреме исфрлено а садовите во кујната чисти.

Мали поправки во куќата ја подигаат цената

Расипани славини, влага по ѕидовите во бањата или некои други знаци на дотрајаност  сигурно нема да ви помогнат да ја продадете куќата. Дупките и пукнатините на ѕидовите, како и искинатите пластични завеси во бањата или пукнатите прозорски стакла и огледала, не сте ни свесни колку можат да ви одмогнат во желбата што побрзо да ја продадете куќата.

Средете ги овие работи, иако тоа можеби ќе ве чини. Заменете ги тапетите на ѕидовите или префарбајте ги. Ако теписите се стари, заменете ги со некои нови евтини. Поправете го ѕвончето.

Ситниците многу значат

Постојано имајте свежо цвеќе на повеќе места во домот. Купете неколку нови, шарени вазни за да го освежите просторот. Исчистете ги со специјално средство славините во кујната и бањата. Мирисот на печен леб и свежо сварено кафе им помага на купувачите да се чувствуваат како дома.

Ставете колачи и бонбони на масите. Светнете ги прозорците и нека бидат отворени ако тоа го дозволува времето.

Ако чувате домашно милениче исчистете го просторот каде тоа се наоѓа и додека се тука купувачите ставете ги во нивната куќичка. Многу луѓе не сакаат да се во близина на животни.

Запалете ги светлата бидејќи тоа е знак на гостопримство и пуштете го сонцето низ ролетните.

Развлечете ги завесите и покажете им на купувачите каков топол и весел дом им нудите.

Ако сакате да го реновирате вашиот дом, запомнете дека не е потребно да давате многу пари и дека елементите кои веќе ги имате можете да ги претворите во модерни парчиња мебел со само неколку трикови.

Ова се неколку идеи како да го преуредите вашиот домот кои можат да ви послужат за инспирација и за некоја ваша оригинална идеја.

Сокриена соба

Ова важи за оние кои располагаат со поголем простор, или за оние кои сакаат да ја реновираат целосно својата куќа или стан. Прилагодете ги своите желби и потреби на она што веќе го имате. Овие соби може да претставуваат ваша слатка тајна, во која секогаш можете да имате мир и тишина.

Античка врата

Декорациите во просторот во антички стил можат да му дадат мистична и богата атмосфера на домот. Ретко кој би останал рамнодушен на вакво уредување, па затоа посакајте им добредојде на античките детали во вашиот дом.

Француска врата како преграда за туш кабина

Рустичен и оргинален детаљ кој ќе ја направи вашата бања апсолутно неодолива.

Поп бои во просторот

Малку е необично да се бојат внатрешните рабови на вратите, но така се додава храброст на здодевната соба. Изберете контраст и уживајте во погледот.

Ќош за седење

Искористете го слободниот простор под прозорецот како место каде што ќе можете да го испиете вашето утринско кафе, да прочитате некоја книга или утрински весник. Морате да признаете дека приватноста и погледот од прозорецот се идеална комбинација. Удобност и уживање на право место.

Ноќно светло

Идејата е едноставна, а модерна. Осветлувањето е важен дел во уредувањето на секоја куќа. Комбинирајте некоја завеса со сијалички и можете да добиете впечатлив нов детаљ во вашиот дом.

Пишување на ѕид

Наменето за сите оние кои имаат млади уметници во домот. Заменете го постојаното чистење со ѕид за пишување и цртање, каде што вашето дете ќе може да ужива во креирањето на неговите ремек дела и да се забавува.

Бања со шарен тапет

Играјте си со дезенот и формата, но внимавајте, многу е важно да се одбере вистинската комбинација за вашата бања да го добие посакуваниот изглед.

Нежна врата за вашата гардероба

Ова се врати кои се совршени за детската соба на младо девојче. Облечете ја вратата и креирајте амбиент за малата принцеза.

Плакар во шарен дезен

Се што е потребно е добар вкус, различен материјал и ножици за да го претворите вашиот стар плакар во нов, модерен и уникатен. Со мал буџет до сосема нов елемент во вашата спална.

Ако сте во период на уредување на домот, а сакате да изгледа модерно и луксузно, разгледајте го овој ентериер.

Релаксирачки, во комбинација на крем и кафени тонови и користено е дрво за речиси целиот мебел.

Дефинираните линии во секоја соба даваат чувство на топол дом и чиста атмосфера.

Една од подобрите особини на жителите во Скандинавија е тоа што поради недостатокот на светлина, се одлучуваат за дизајн каде што доминира белата боја, што навистина му дава посебен шмек на домот.

Исклучок не е ниту овој апартман кој се простира на 70 метри квадратни, а белата боја е прекрасно украсена со сите други живи бои кои му даваат ведрина и пријателски дух на домот.

Инаку овој дом се наоѓа во Гетеборг, во стара зграда, но со голем балкон кој гледа на исток, а и самиот тој е украсен во стилот на домот.

Кујната има модерен дизајн, а дневната е создадена за пријатен дневен престој, особено во друштво.