Тиквички се сецкаат на тркалца и се пржат колку да заруменат, се ставаат на салфетки да ја впијат мрснотијата.
Соини трошки се варат да омекнат и се цедат.
Во тавче се пропржува малку млад кромид, се додаваат соините трошки, ориз и зачини по желба (вегета, сол и оригано е мојот избор).
Во ватростално тавче се редат пржените тиквици, се става зајрето и пак се редат тиквици. Се полева со вода исто како мусака.
Се пече додека не испари водичката.
При крај се вади тавата и се прелеваат со посна урда или пак се реди посен кашкавал (а може и двете, тоа по желба).
Се враќа пак во релна и откако ќе зарумени урдата т.е. се стопи кашкавалот се вадат од релна и спремно е за јадење.

*Количината на сите продукти е од во зависност од количината на храна која се подготвува.(пр. 2-3 тиквици, 1 чаша за млеко -ориз, 200 гр. соини трошки-јадење на четворица.)

Спанаќот (400 гр.) се обарува и се пржи во тавче со претходно обарени и сцедени соини трошки (200 гр.). Се додаваат зачини по желба.
Се полнат канелоните (неварени) и се редат во ватростално тавче претходно премачкано се посен маргарин.
Томателото-500 мл. се меша со посна урда-1/2 канче и со добиената смеса се прелеваат канелоните.
Се реди посен кашкавал и се покрива со ал. фолија.
Се пече околу 30-40 мин. со фолија и 10-на мин. без фолија на 180 степени.

Бон апетит

САЛАТА ОД ЦВЕКЛО

3-4 варени или печени корени цвекло
1-2 живи моркови

Прелив:
2 лажици таан
1 лажица сенф
Млака превриена вода
Малку сок од лимон
Сол по вкус

Излупените цвекло и морков се рендаат на крупно. Состојките за преливот убаво се мешаат да се добие изедначена маса, се посолува по вкус. Може да се додаде ситно сечкано младо или старо лукче и/или кромитче. Се прелива салатата.

Овој прелив се употребува и за други салати. Во преливот може да се додаде оцет место сок од лимон. За салати со компир може наместо лимон и лажица од доматно пире.

САЛАТА ОД МАРУЛА СО КОМПИР

4-5 компира
1 средно голема марула

Компирите се варат во лушпа, изладени се лупат и се сечат на тенки тркалца. Марулата убаво се суши во крпа, се сече на ситно, се меша со компирот и се зачинува со преливот.

БЛАГИ МАКАРОНИ

250-300 гр. макарони
2-3 лажици сечкани ореви
4-5 лажици шеќер
1-2 лажици мед
3-4 лажици кокос
1/2 посно чоколадо за готвење

Макароните се варат на вообичаен начин во вода со малку сол. Веднаш по цедењето се додава мед за да не се залепат и се промешува. Потоа се додава шеќер, ореви (сечкани или мелени) и кокос. Сето тоа лесно се меша и врз тоа се става чоколадото стопено со малку вода.

Бомбички со суво грозје

Потребни состојки: l250 г суви смокви l100 г суви урми l100 г суви сливи l100 г сечкани ореви l300 г шеќер l50 г вода l200 г чоколадо за готвење l2-3 лажици масло

Начин на приготвување:
 Сувото овошје се сечка и заедно со сечканите ореви се става во шербет приготвен од 300 грама шеќер и 50 грама вода. Смесата треба да се излади толку за да може да се обликуваат топчиња. 200 грама чоколадо за готвење се растопува со 2-3 лажици масло, на пареа. Со глазурата се преливаат бомбички.

Почнува времето на постите и ќе трае во наредните 6 недели, сè до Божиќ. За сите оние кои планираат да се придржуваат до постите, режимот на исхрана се менува од основата. Токму затоа, ви помагаме како да избалансирате помеѓу потребите и постите.

1. Денот треба да ви започне со појадок и задолжително треба да го предвидите времето за следните 2 дневни оброци.

2. Важно е секојдневно да јадете свежи овошје и зеленчук, но и свежо цедени сокови.

3. Задолжително еднаш во денот јадете зелена салата или кисел зеленчук, како и динстан зеленчук.

4. Секој ден внесувајте оброк од мешунки (грашок, грав, леблебија, боранија, печурки) кои имаат низок гликемиски индек, а ви овозможува доволно енергија.

5. Секојдневно внесувајте по најмалку 2 литра вода или чај.

6. Една чаша вино или било каков друг алкохол е сосема доволна, ако сакате да ги запазите дозволените дози, а сепак да уживате на посните слави.

* Важно е да јадете здрави грицки и намирници на секои 2 часа, за да го избегнете проблемот со варење, промената на расположение или апетит, кои многу често се појавуваат на самиот почеток на постот.

Ако мислевте дека посното е здодевно - грешите. Потребни ви се само неколку поздрави состојки и силна желба да создадете вкусно ремек-дело.

Ова се 3 вкусни предлози кои можете да ги испробате уште денес:

Ослич во бело вино

Потребно ви е: 1kg филети оослич, 2 моркови, целер, бибер, чаша бело вино, чаша вода, брашно, масло, сечкан магдонос, сол

Подготовка: Морковите и целерот исечкајте ги на кругови. Рибата наредете ја во тава и прекријте ја со зеленчукот, а потоа додајте малку масло, сол и бибер. Ставете ја да се пече.

Сосот подгответе го така што на тивок оган ќе загревате 2 лажици масло, ќе додадете 2 лажици брашно, малку сол и бибер. Смесата разредете ја со чаша вино и чаша вода. Кратко варете ја течноста со постојано мешање.

На крај, прелијте ја рибата и допечете уште 10тина минути. На крај, исечкајте го магдоносот и зачинете по желба.

Компир салата

Потребно ви е: 500g компири, 200g целер, 50g маслинки, 1 црвена пиперка, 100g посен мајонез, кромид, сол и бибер

Подготовка: Компирот добро сварете го и исечкајте го на кругови. Целерот исчистете го и исечкајте го на кришки, исто како и кромидот. Пиперката ситно исечкајте ја, а на маслинките извадете им ги семките и пресечете ги на половина.

Промешајте ги сите состојки со мајонезот и по желба посолете и зачинете.

Ролат од кокос

Потребно ви е: 200g мелени посни бисквити, арома од портокал, 200g брашно од кокос, 200g шеќер, вода

Подготовка: Половина шолја вода сварете ја неколку минути, па додајте го шеќерот. Поделете го шербетот на два дела.

Во првата половина додадете ги бисквитите и аромата од портокал, а во другата половина додадете го брашното од кокос.

Смесата од бисквити растапкајте ја на тава обвиткана со хартија за печење, а од горе додајте ја смесата од кокос. Потоа замотајте го во вид на ролат.

Оставете го да се олади, проросете уште малку брашно од кокос и колачот е подготвен за служење.