Најубавите стихови во Библијата

Ехе, има многу вакви мои омилени стихови. Ама сега веќе е доцна     

Пред 6-7 месеци пишав еден пост (на страна 67) на кој од Меси го добив следниов одговор:

Messenger напиша: Само цитирање на стихови, без анализирање и дискутирање за нив, мало е фајдето.

И го почитувам тоа.
Гледам сега Благој_с   си зема за право да коментира, па си реков, во ред е, некогаш е добро да се направи една мала пауза, да се пише некој пост оф топик.
Благој, те молам одговори ми, , се разбира доколку сакаш, зошто секогаш се обидуваш/те, да ја поврзеш твојата православна христијанска вера со убаавите човекови особини, еве на пример со моралот? Или уште попрецизно, зошто сите други кои не припаѓаат во твојата православна христијанска вера ги сметаш за неверници, плашливи,  непослушни, нечесни, неморални, „слепи“, неодлучни ... ?

Blagoj_s напиша: Да го избереме патот на вистината ... Постојат две големи начела според кои се раководат луѓето, едното е верност спрема Бога, а другото е неверност. На сите нас ни е потребна повеќе христијанска храброст за да високо го воздигнеме знамето со натпис: “Божјите заповеди и верата Исусова...” Демаркационата линија помеѓу послушните и непослушните мора да биде јасна и одредена. Мораме да бидеме цврсто определени Божјата волја да ја извршуваме во секое време и на секое место... Христијанската сила се стекнува со верноста во Господовата служба. Момчињата и девојките треба да сфатат дека да се биде едно со Христа претставува највозвишена чест која што луѓето можат да ја добијат. Со најцврта верност тие треба да се изборат за морална независност, и таа независност треба да ја одржат наспроти сите влијанија кои што можат да се обидат да ги одвратат од вистинските начела. Луѓе со силен ум ќе изнесуваат тврдења кои што немаат темел во вистината. Затоа очите на својот ум намачкајте ги со небесната маст за очи за да ја воочите разликата помеѓу вистината и заблудата. Истражувајте ги Светите списи, и секогаш цврсто држете се до правилото “Така вели Господ”. Во својата книга “Патувањето на поклоникот”, Буњанин еден од сопатниците го нарекува “Попустлив”. Млади чувајте се од таквиот карактер. Со тоа се прикажани оние кои што се многу приспособливи и еластични, а всушност се како трска која што се витка на ветрот. Тие немаат сила на волјата. Сите млади треба да ја негуваат доблеста одлучност. Неодлучноста е вистинска стапица која што претставува пропаст за многумина. Ако не бидете цврсти и непоколебливи, вие зградата на својот карактер ја градите на темелите на непостојан песок. Христовиот поглед на светот е правило на христијанскиот живот. Целото суштество треба да биде проникнато со живототворните начела на небото. На ништо друго не треба да му се посвети толку време и внимание како на здравата и посветена библиска побожност.

Каква е оваа ваша верска поука со која ги потценуцвате, ги омаловажувате ги навредувате сите останати кои не се како вас (припадници на други вери и атеисти)? Тоа ле е таа ваша здрава побожност? Или се придржуваш на поучните зборови на твојот месија: „Тој што не е со мене, тој е против мене“?
На тоа ли треба да ги учиме младите, а?

Затоа сметам дека е подобро да си продолжиш (се разбира, на оваа тема) со постирање на најубавите стихови од библијата. Не сакам ти да направиш грев со тоа што ќе постираш некои понеубави и лоши стихови и со тоа да ја предизвикаш божјата лутина, божјиот бес и божјата казна да падне врз тебе. Остави ми ги тие стихови мене, јас ќе ги пишам.

btw. Верувам дека не си ја приметил следнава порака (од стр. 78), па уште еднаш би те замолил да ми одговориш. Се разбира, доколку знаеш и сакаш!

Zlatnik напиша: Одамна ја немам прочитано библијата и, многу работи сум заборавил. Колку што се сеќавам во неа тој секогаш е со лоша воља, се нешто забранува, постојано прети со некакви закани, со некакви казни,  со убиства, со страдања, жртви, крв  ... но не само што прети туку и ги извршува, постојано поддржува и помага војни (се разбира на сопствениот народ) ... Неможам да се сетам, каде во библијата пишуваше дека бог бил расположен, дека се насмеал, дека се израдувал или дека тоа им го препорачува на луѓето? Затоа би ги замолил читателите доколку ги најдат тие стихови, да ги пишат.

Благој, сакам да верувам дека ти свесно можеби немаш ништо против другите вери или спрема човекот, но со самото прифаќање на учењето на твојата религија, ти во пракса правиш сосема друго т.е. несвесно ги осудуваш, (потценуваш, негираш ...) сите други кои не се како/со тебе.
Прочитај ги уште еднаш означените зборови од претходниот мој пост (секој пар во соодветна боја) и размисли за тоа.
Еве, со самиот цитат од библијата кој го наведуваш, повторно се гледа тоа за што ти зборувам:

Blagoj_s напиша: ... 10 Испитувајте што Му е угодно на Господа! 17 Затоа не бидете неразумни, туку разберете што е Господова волја! ==Ефесјаните 5:10,17 ; Библија==

Значи јас, како атеист, сум неразумен човек затоа што не сакам да ја разберам и прифатам господовата воља?!
Ако ова не е потценување на друг кој не е како тебе, тогаш незнам што може тоа да биде!
Реков и на почетокот, ти иако свесно сакаш да ги почитуваш сите луѓе (што е сосема нормално), со самото прифаќање на одредена теолошка догма, ти го правиш сосема спротивното.
Да те прашам, дали јас сум против тебе?
Зошто те прашувам?
Затоа што не сум со тебе!
А штом не сум со тебе, значи сум против тебе! Зарем не вика така твојот месија? И што ќе правиш ти? Ќе ме имаш ли за мој пријател или непријател?


Р.Ѕ. Оваа ситуација ме потсети на една одамна прочитана книга „Глувци и луѓе“ од Џон Штајнбек, во која еден малку луд човек сакајќи да направи добро дело го прави сосема спротивното.
Те молам немој погрешно да ме разбереш дека сакам да те направам луд, туку поентата ми е да направам паралела меѓу намерата и крајниот исход.

“Кој е долготрпелив подобар е од јунакот, и кој владее со себе подобар е од освојувачот на град.”
==Пословици 16,32 ; Библија==


Да се владее со себе значи да се победи најголемиот непријател со кој што човекот мора да се бори. Самосовладувањето претставува најочевиден доказ за благородноста на еден христијанин. Оној кој што може да остане мирен и невозбуден среде злоупотребите и навредите е вистински херој пред Бога...
Оној кој што научил да владее со својот дух ќе се воздигне над омаловажувањата, отфрлањата и нелагодностите на кои што сме секојдневно изложени, и таквиот полесно ги растерува темните облаци со кои што непријателот, тежнее да го помрачи неговото расположение.
Божјата намера е со животот на човечкото суштество да господари царската моќ на посветениот разум, контролиран од божествената милост. Таква моќ поседува секој оној кој што владее со својот дух.
Човекот или жената кои што кога ќе дојдат во искушение да искажат лутина и гнев, остануваат со мирен и урамнотежен дух поголеми се во очите на небесните ангели од најпознатите водачи кои што извојувале победи на бојните полиња.
Она што на младите во нашите денови им е најмногу потребно е христијанско херојство. Божјата Реч вели дека оној кој што владее со својот дух е подобар од оној кој што е во состојба да освои град. Да се владее со својот дух значи да се држат своите чувства и темперамент под контрола на разумот и совеста. Нека младите најискрено настојуваат во својот живот да го внесат совршенството кое што се огледувало во животот на Спасителот, така што ќе бидат спремни при Неговото доаѓање да влезат низ портите на Божјиот град. Божјата љубов и Неговото постојано присуство во срцето даваат сила за самосовладување и го оформуваат карактерот според Христовиот пример. Христовата милост во душата сите животни цели, намери и способности на човечкото суштество ги насочува така што со тоа се повеќе јакнат неговите морални и духовни сили - сили кои што младите нема да ги остават на овој свет, туку ќе ги облагородат и зголемени ќе ги понесат со себе во животот на иднината и ќе ги задржат низ бескрајните времиња на вечноста.

ВЕРОДОСТОЈНОСТА НА БОЖЈИТЕ ОБЈАВИ


Второ послание од Апостол Петар 1

16 Зашто кога ви ги објавивме силата и доаѓањето на нашиот Господ Исус Христос, ние не следевме лукаво измислени бајки, но станавме очевидци на Неговото величие.
17 Зашто Тој прими од Бог Таткото чест и слава, кога од величествената слава Му дојде гласот: „Овој е Мојот возљубен Син, во Кого Ми е милината.”
18 Ние го чувме гласот, кој дојде од небото, кога бевме со Него на светата гора.
19 И така имаме поцврсто пророчко слово; а вие правите добро што внимавате на него, како на светило што свети во темно место, додека не осамне денот и Деница засвети во вашите срца.
20 Знајте го ова пред сè: ниедно пророштво во Писмото не може да се толкува како кој сака,
21 зашто никогаш пророштвото не дошло од човечка волја, туку светите Божји луѓе зборувале носени од Светиот Дух.

66:8 Благословувајте Го, народи, нашиот Бог, разгласувајте ја Неговата фала!

96:2 Пејте Му на Господа, благословувајте Го Неговото име! Проповедајте го од ден на ден, Неговото спасение

103:20 Благословувајте Го Господа, сите Негови ангели, вие моќни во силата, кои го исполнувате Неговиот збор, послушни на гласот од Неговото слово!

103:21 Благословувајте Го Господа, сите Негови воинства, Негови слуги, што ја исполнувате Неговата волја!

103:22 Благословувајте Го Господа, сите Негови дела, во секое место на Неговото владеење! Благословувај Го Господа, душо моја!

134:2 Издигнете ги своите раце кон Светилиштето и благословувајте Го Господа!

135:20 Левиев Доме, благословувај Го Господа! Кои се боите од Господа, благословувајте Го Господа!

==Псалми ; Библија==