Познато е дека ние секогаш работите ги решаваме во „5 до 12“.
Според ова наше „сметање“ на времето, можеби сеуште е рано да се даваат проценки за претстојните претседателски избори во 2014 година. Додуша партиите некако срамежливо, одвреме-навреме почнуваат да си подговараат за можните кандидати, но сериозни предлози, сериозни размислувања сеуште нема. Велат, тоа било дел од стратегијата!
Затоа си реков, ајде ние овде да видиме кои се нашите размислувања, нашите прогнози за тоа кој би се кандидирал и кој би бил избран за следен Претседател на Македонија!
Нормално, штом ја почнувам темава, ред е прв да дадам свое мислење.
Еве, според досегашните настапи со свои коментари некако многу ми зачести поранешниот амбасадор Ристо Никовски, па си мислам, да не се спрема човеков ...?

Р.Ѕ. Малку ме чудат изјавите на некои поранешни политичари (и бизнисмени) како што се Срѓан Керим и Трифун Костовски кои велат (парафразирам). „Ќе прифатам претседателска кандидатура само ако се постигне меѓупартиска согласност да настапувам како единствен кандидат“! Демек, сакаат на сигурно. Да не се бламираат де, да не им ги откриваат валканите алишта! Па си велам, ами ако е така, шО ќе ни’ се избори? Тогаш може било кој да го стават. Зошто не и некој од нас, од форумџииве?!

Вај нот?

На 13-ти април, Македонија по петти пат избира претседател на државата 

Добра понуда Мече . И без тоа на Македонија и недостануваат нови лица во политиката . Лица од народот . Лица што не се извалкани од политичарската корупција . Аплицирај документиве и  со среќа 

Уште еден кандидат на виделина:

Зоран Поповски кандидат за претседател на ГРОМ

Кој е Зоран Поповски?

Признавам, не сум слушнала досега за човеков.
Прочитав 2-3 збора за него во Вечер:

“Зоран Поповски е редовен професор на Земјоделски факултет, раководител е на катедрата за биохемија и генетско инженерство, а предава и на Технолошко-металуршкиот и на Фармацевтскиот факултет. Во Меѓународни рамки бил член на Научниот комитет на НАТО и на Советодавниот форум на Европската фондација за обука. Како експерт за образовна политика бил ангажиран од ЕУ и Унеско.“

Црвенковски кандидат на СДСМ за Претседател на државата?

Не, стварно не ми се верува...