Homo IDIOTICUS

Пица не, ама еве ви по едно парче од питава пастрмајлија!



А виното од кого ќе биде?



Изменето од Zlatnik - 05.Ноември.2013 во 11:40

Да бе, само една чаша!
Ами за другите?

ОК! Мислам дека беше доста со паузава. Да се вратиме на темава.

Како уште еден аргумент кој оди во прилог на мојата теза за образованието како главен фактор кон надминување на дадената состојба на Homo Idioticus, ќе го посочам подфорумов „Образование“. Гледате ли колку наши деца бараат на готово да им се сервира обработка на некое дело, на некој лик. Никој од нив не зема самиот да прочита книга, самиот да рзмисли што ќе пише. Одат до таму што бараат од другите да пишуваат на тема: „Мојот поглед на свет“ (Малку карикирам со насловов, но во суштина се работи за истото)

Во врска со тенденцијата на одредена група „паметњаковиќи“ да владее со остатокот од народот, ми налета една информација како јаготка врз шлагот.
Имено, се шпекулира дека: „во 1996 година се појавила теоријата дека некои траги оставени од авионите во лет всушност се отровни хемикалии чија цел е да ги направат луѓето поглупави, нездрави и на крај да ги претворат во мутанти. “
Не дека оваа информација навистина е точна, но сепак, не треба да се отфрли во целост, оти сепак се работи за теорија на заговор
Кој ќе ги знае лудите американци. Можеби тоа го прават и во остатокот на светот! А зошто не и кај нас!

Анастеа напиша: Едукацијата и образованието се многу важни, тие се подлога но не сметам дека се детерминирачки за однесувањето на луѓето како ЛУЃЕ, достојни за човечкиот вид. Оти не-човек си е не-човек, макар и да ги има дипломите од сите школи на светот и импозантно IQ od 250. Можеби во случаи на оној простодушно-наивен “идиотизам“ од незнаење, неинформираност... образованието е тоа кое е пресудно.  Но како што убаво рече Меси, степенот на образованост никогаш не бил поголем отколку денес. А луѓето прават се поголеми глупости? И токму мислам дека со едукација (плус технолошки алатки)  полесно стигнавме до оваа денешна состојба. Или пак со погрешна едукација (индоктринирање и перење мозоци со секаков вид идеологии). Или што ми е уште полошо, со најновиот тренд на инстант-едукација: ќе си читаш Семе Синапово (слушав, ама дури пред 5-6 дена дознав што било “Семето...“) и следното утро веќе се будиш како мудрец; ќе прочиташ некое книжуле од тие џебните прирачници “Како да станеш најуспешен на светот за-толку-и-толку-денови“ и веќе си експерт за психологија, класицизам и античка филозофија; ќе прочиташ на Викито кратка биографија на Ајнштајн и веќе си експерт најмалку за квантна, нуклеарна и астро физика а теоријата на релативитетот ја имаш в џеб... Не велам дека овој начин на едуцирање (или подобро - информирање) е непотребен, напротив! Но да не се залажуваме со инстант-вредности, кои кратко траат и не оставаат во заблуда дека сме ја откриле мистеријата на Универзумот. Љубов, милосрдие, чесност и скромност (наместо алчност), почитување на интимното како интимно, душевен мир и спокојство (наместо грозничава трка по 5 минути слава и внимание по секоја цена), луѓе со емоции (наместо програмирани роботи), весели разиграни и креативни деца (наместо смрштени и нервозни копии на ликови од цртани филмови и видео игри).... е тоа се вредности кои денес ми се чинат дефицитарни или препуштени за забава на последните идеалисти.

Мислам дека треба да расчиситиме оти "идиотски" во контекст на темава не значи синоним за немање соодветно знаење, туку за немање соодветно однесување.

Zlatnik напиша: Човек со лош карактер, злобен, алчен ... (= нечовек) кој е образован, може да го искористи, да го изигра, може да го заведе и да му наштети на добродушниот, наивниот, простодушниот, добриот човек. Но ако тој образован нечовек пред себе има добар човек, но со поголемо ниво на образование, со поголеми познавања, со пошироки погледи на свет ... незнам дали толку лесно ќе може да го изигра, заведе ... односно да го направи идиот.

Изменето од Messenger - 06.Ноември.2013 во 17:30

Нема да разграничувам, да дефинирам, да насочувам на темава... освен нејзината основна идеја.
А тоа, со една реченица беше ова:

Messenger напиша: Зе работи за негување на идиотски вредности, за вреднување на нехуманост и за пропагирање на истoтo од сите луѓе.

...или од големо мнозинство на луѓе.
Слободно додавајте и' на темава што мислите дека и фали или одземајте она што е вишок.

Messenger напиша: ... Се работи за негување на идиотски вредности, за вреднување на нехуманост и за пропагирање на истoтo од сите луѓе. ...

Да, во целост се согласувам дека на широко се пропагираат, но за жал и се прифаќаат овие идиотски вредности, вреднувања на нехуманоста ... но, според мене, тие појави се последиците.
Со моето пишување во претходните пораки јас само се обидов да навлезам во корените, да ги наведам причините кои доведуваат до овие појави кои ги наведуваш погоре.