Плетенките беа еден од главните трендови ова лето, меѓутоа тој тренд можете да го продолжите и во есенските денови.

Без разлика дали е замазнета и уредна, или малку разбушавена и лежерна, плетенката рибина коска изгледа фантастично.

Косата не служи само за да го подобрува вашиот изглед и да направи да се чувствувате секси и неодоливо, туку може да го открие и вашиот карактер. Затоа следниот пат кога ќе се подготвувате за некое излегување внимавајте каква фризура ќе направите, бидејќи тоа многу ќе зборува за вас.

Собрана во коњско опавче

Иако повеќето луѓе се уверени дека косата која е едноставно врзана во опавче ги претставува едноставните, нежни и невини жени, стручњаците тврдат дека вистината е сосем спротивна. Собирањето на косата во коњско опавче ја трга косата од лицето и открива силна, самоуверена и сексапилна и особено страсна жена, посебно кога е интимноста во прашање.

Секое влакно на свое место

Жените кои имаат секогаш совршено средена коса, дури и во слободно време, обично се оние кои се опседнати со контролата. Совршениот ред во косата го отсликува секој сегмент од вашиот живот. Ако ја одржувате ваквата фризура, вие сакате да контролирате сè и мразите неочекувани ситуации и изненадување. Спонтаноста не е ваша карактеристика. Кога се во прашање љубовта и сексот, вие точно знаете што сакате и најсреќни сте кога го имате главниот збор.

Природно распуштена коса

Ваква фризура носат вистинските авантуристки. Тие се слободоумни, непредвидливи, спонтани. Се чувствуваат одлично во своето тело, безгрижни се во животот, љубовта и сексот. Многу се страсни и секогаш подготвени да се препуштат на емоциите.

Лабава пунџа

Девојките кои носат ваква фризура се свесни за својата сексуалност она што го сакаат мажите. На овој начин се открива вратот како еден од  најсензуалните делови на женското тело, а немарноста при правењето на ваква пунџа открива доза на дивост и игривост. Овие жени го сакаат флертот и не се плашат тоа да го покажат или да го иницираат.

Боб фризура

Поради одредената грижа која е потребна за да се одржува ваквата фризура, лесно може да се заклучи дека се работи за жена која сака ред , организација и дисциплина и која во креветот е по малку досадна. Но вистината е поинаква – оваа фризура ја открива вистинската врата кога се љубовта и сексот во прашање. Вие можеби делувате студено, но оној кој нема да ја одбие вашата студена маска, пријатно ќе се изненади ќе започнат жешките игри.

Кратка коса

Ваква фризура носат бестрашни и храбри жени кои знаат што сакаат и од животот и од врските. Тие се подготвени апсолутно на сè. Не сакаат да го следат мнозинството и оригинални се во секој сегмент од животот. Тешко е да предвидите што можете да очекувате од нив, само очекувајте го неочекуваното.

Покрај плетенките и пунџите, на модната сцена повторно се враќа грчкиот стил. За оваа едноставна фризура потребни ви се само вешти раце и малку време.

Фризурата е најдобро да ја правите ден или два откако ќе ја измиете косата, за да ја обликувате полесно.

Косата разделете ја на два дела, а зависно од желбата може да направите страничен или средишен патец.

Ставете еден тенок ластик на косата и започнете прамен по прамен да виткате околу ластикот, додека не ја соберете целата коса. Доколку имате неколку прамени нерамномерно собрани, прицврстете со мали шноли. На крај нанесете лак за коса.

Оваа фризура е совршена за топлите денови кога треба да изгледа средено и елегантно, а во комбинација со златна или сребрена трака е вистински избор за вечерниот изглед.

Погледнете го видеото кое детално ќе ви ја објасни како за неколку минути да добиете изглед на раскошна грчка божица.

Омбре фризурите владеат веќе неколку години, но изгледа не се вечни како што многумина мислеа. Пред извесно време се појави најновиот фламбојаж тренд кој го промовираа Џесика Бил и Викторија Бекам.

Фламбојаж е техника на боење на прамени коса, која означува сенчање на косата или природен ефект на сонце во косата. Се заснова на нееднакво боење на тенки прамени извлечени од целата површина на косата.

Резултатот е прекрасно прелевање на прамените и основните бои, со што се постигнува природен ефект кој инаку е најтежок за постигнување.

Овој начин на боење на косата ќе го освежи вашиот тен на лицето, ќе добиете потопол и мек изглед на косата, а посебно е значаен ефектот на подмладување.