Миранда Кер не ги разочарува своите фанови. Без исклучок секогаш изгледа средена од глава до пети и е подготвена да застане пред фотоапаратите, независно дали е на прошетка со синот Флин, на модните писти или на егзотична локација за снимање на моден едиторијал.

Доколку се прашувате што обожава да носи Кер во слободното време, одговорот се крие во нејзиниот плакар. Кога ќе се земе предвид фактот дека оваа година таа застана на второто место на најплатени модели во светот, јасно е дека 30-годишната убавица од Австралија може да си дозволи многу.

За „The Coveteur“ таа го отвори својот плакар и ги изложи низ својот дом омилените парчиња облека, а дополнително сподели и некои тајни за нега.

• „Кога се чувствувам уморна, ставам парчиња од свежа и ладна краставица на моите очи за да ги смирам и освежам. Исто така, еднаш неделно спијам со органско кокосово или маслиново масло на косата како третман – го негува скалпот и ја остава косата супер сјајна!“
• „Кога имам лош ден со косата, ја фаќам во замазнето коњско опавче или плетам ниска плетенка... ако не ви успее тоа, посегнете по шапка!“
• „Имам прилично кружно лице, чувствувам дека формата на очилата „мачкини очи“ го балансира тоа.“

Минатата недела Миранда дефилираше на неколку ревии во рамките на Париската недела на модата. Веднаш по враќањето во Њујорк, таа беше фотографирана на прошетка со малиот Флин.