Баба Заиде наполни 110 години

"Здрава сум, добро гледам, слушам одлично", вели баба Заиде

Најстарата жителка на Македонија Заиде Сали, македонска Албанка, која е родена на 17 мај 1901 година во Брест, вчера наполни 110 години.
Опкружена со праправнуците и дел од 140-членото семејство, нејзини потомци, таа го прослави јубилејот во семејната куќа во Арачиново.
Синовите и внуците имаат силна волја да се грижат уште повеќе за Заиде и таа да ја надживее нејзината мајка, која починала на 112 години.
"Здрава сум, добро гледам, слушам одлично. Не сум се напила таблета во животот, не сум примила инјекција, не сум била ни на лекар сe уште. Немам здравствена книшка, лична карта децава ми извадија пред неколку месеци, на моминско име", ни раскажа Заиде лани кога за првпат ја посетивме. Таа не отишла на лекар ни оваа зима, но вели дека оваа зима $ било многу постудено.
Заиде сe уште е на нозе. Се жали единствено дека коленото многу ја боли, но и прстите на рацете.
"Сигурно ми е од шиењето. Многу шиевме порано, немаше многу алишта да се купат. А и не знам колку овци и крави сум измолзела, колку калапи сирење сум направила, колку погачи сум замесила. Сe со овие две раце, сама, бидејќи сопругот го загубив во 1945 година. Ми го убија него и татко му во исто време. Најмалото од седумте деца имаше само три недели кога остана без татко", раскажува Заиде Сали.
Заиде ги растела сама своите осум деца, од кои едното $ починало, одгледувала речиси сама 450 грла говеда, овци и кози, сe до доселувањето во Арачиново во 1960 година. Била една од најубавите жени во карадачкиот крај, раскажуваат нејзините внуци, но никогаш не се премажила.
Таа се хранела со млеко и млечни производи која сама ги правела, со качамак, лук, кромид и зеленчук што го произведувало семејството, што е најверојатно клучот за долгиот живот, претпоставуваат внуците. 

Нема пензија за Сали

Иако е родена во Македонија и не е отидена подалеку од својата татковина, Заиде Сали по смртта на сопругот не добила ниту пензија, ниту некаква помош, ни детски додаток. Место тоа, неа државата ја отпишала.
"Откако полани $ извадивме за првпат лична карта, поднесовме барање до надлежната институција за една симболична помош, за минимална пензија, како една сатисфакција за неа, дека е најстарата жителка на Македонија.
"На госпоѓата не $ следува пензија', рекле надлежните. 'Таа има три сина, има кој да ја гледа. Башка и здрава е, сте изјавиле во печатот дека уште не знае што е ниту лекар, ниту таблета за болка'. Државата не води сметка ни за младите, ни за старите лица", раскажува Нуредин Асани, внук на Заиде Сали.

Роби Севиџ облече 72 дресови

Иако се пензионираше на крајот на мај, Роби Севиџ изгледа како да ги минал изминативе месеци јадејќи пити. Поранешниот велшки репрезентативец всушност се обиде да постави нов светски рекорд за најмногу облечени дресови во еден момент. Севиџ ги облече дресовите на сите 72-нисколигашки клубови во Англија и притоа се пошегува на сметка на поранешниот соиграч Џон Хартсон.
- Беше навистина напорно, а стана и многу тешко. Кога стигнав до 72. дрес видов како му било на Џон Хартсон додека играше. Почнав многу лесно, но како растеа дресовите се зголемив до точка што не можев да ги мрдам рацете - изјави Севиџ.
Рекордот се уште не е потврден, а навивачите се уште се прашуваат од каде нашол толкава големина на дресови, посебно тој на Блекпул кој беше последен во оваа рекордна низа.
Севиџ смени седум клубови во кариерата, почнувајќи од Манчестер јунајтед во 1993 година, а најдолго се задржа во Лестер.

Баба Фатиме е најстариот жител на Македонија и Балканот