Шокантно интервју на Премиерот, Никола Груевски, за Нетпрес. Читајќи го делот околу односите со ДУИ, почна да ми се враќа изгубената надеж во ВМРО-ДПМНЕ, но кога дојдов до делот околу г. Пимен, се запрепастив.

Г. Пимен бил непријател на ВМРО-ДПМНЕ затоа што упати блага критика на ФБ околу насилствата врз Општина Центар и го сподели својот впечаток дека протестите не биле спонтани. Па нели и самиот Премиер во интервјуво се оградува од насилствата, иако ги сведува на еден скршен прозор? И има ли некој кој искрено верува дека протестите на Веритас биле спонтани, особено после читање на ова интервју?

Премиерот кажува дека владиката Пимен постапил многу непринципиелно во врска со протестите на Веритас, но може ли некој да најде објаснување во интервјуво точно кои негови постапки во врска со тие протести биле непринципиелни?

Дали непринципиелноста на г. Пимен е во тоа што своите образложенија на ставот објавен на Фејсбук ги давал само за опозициски медиуми? Може ли некој да посочи дали некој од провладините медиуми воопшто побараа негова изјава или интервју, за објавување? Што требаше г. Пимен да прави за да биде принципиелен? Да не зборува со ниеден медиум кој побара одговор на реакциите околу неговиот краток коментар на Фејсбук, освен ако за тоа не добие партиска дозвола или покана?

Дали непринципиелноста на г. Пимен е во тоа што пред да се замонаши бил член на ВМРО-ДПМНЕ, под водство на Љубчо Георгиевски? А што беше г-дин Никола Груевски во ВМРО-ДПМНЕ под водство на Георгиевски и каква улога имаше Георгиевски во неговиот избор за наследник? Или пак непринципиелноста на г. Пимен е во тоа што не останал партиски активист откако се замонашил? Ако е така, може ли Премиерот да ни каже колку монаси или владици на МПЦ денес се партиски активисти?

Г. Пимен бил озборувач затоа што јавно призна дека при случајна средба во некое кафуле, Илија Димовски му кажал дека не се согласува околу неговите изјави за протестите на Веритас (демек со тоа обeлоденил некоја голема тајна), во услови кога таа средба веќе беше претходно обелоденета од други извори, а изјавата на г. Пимен послужи за намалување на шпекулациите околу содржината. Епа што е тогаш обелоденувањето од страна на Премиерот дека г. Пимен некогаш лично му кажал дека е незадоволен од својата позиција во Синодот и колку е тоа релевантно за дебатата околу протестите на Веритас?

Г. Пимен бил непринципиелен затоа што одбил јавно да коментира на прашања за наводниот луксузен или непристоен живот на другите владици во МПЦ. А кога одговорил Премиерот на незгодни прашања околу моралните стандарди на некој негов актуелен Министер или член на Извршен одбор на ВМРО-ДПМНЕ? Дали г-дин Никола Груевски дал некоја критична изјава за Љубчо Георгиевски, додека Георгиевски беше лидер на ВМРО-ДПМНЕ, пред Груевски да го наследи и да ја смени претходната партиска политика со која наводно не се согласувал?

Излгеда Премиерот е посебно погоден од тоа што г. Пимен изјавил дека во Струмица МПЦ има добри односи со Заев, за разлика од вообичаената и природна блискост со ВМРО-ДПМНЕ на ниво на Македонија. Наместо да се храни со крупната позитивност, Премиерот се разгневил заради ситната негативност. Јас би рекол дека Премиерот треба да се радува на секој што ќе помогне Заев да остане лидер на СДСМ, бидејќи со некој надпросечен лидер на опозицијата, ВМРО-ДПМНЕ лесно ќе ја изгуби власта, штом толку лесно и непотребно си создава непријатели, дури и заради најобјективни и најдобронамерни критики на некои партиски постапки.

Овој "демо христијанов" почна и со владиците да се расправе .. лелеееееееее.. знаев дека е дегенерик, ама дека е до толку... ц ц ц ... каков човек ни ја води државава допрва ќе се чудиме.. До кое дереџе се спушти и самиот веќе не е свесен.. Ептен изгледа ги фаќа некое бунило.. оние претходните дрпачи не им се достоен ривал, па сеа почнаа да се рчкаат со сите што не мислат како нив, или ако некој ги искритикува... мајко мила... ептен за греота станале.

ФОТО: Груевски со отворен патент на пратенички прашања

Погледнете повеќе на НОВИНИ.мк ----> www.novini.mk