Најубавите стихови во Библијата

   
Градот беше четириаголен, а должината му е колку што и широчината.
Тој го измери градот со трската и најде дека изнесува 2220 километри;
должината, широчината и височината негова - му беа еднакви.



Откр. 21:16

2 Самуил: 23:2-3...7


”Господовиот Дух зборува преку мене, Неговото слово е на мојот јазик.
Јакововиот Бог ми рече, Израелевата Стена ми рече: ‘Кој владее праведно со луѓето, и кој владее со страв Божји,
тој е како утринската светлина кога ќе огрее сонцето, утро без облаци, на кое светка земната трева после дождот.’
Да, мојата куќа стои цврсто пред Бога: Тој склучи вечен Завет со мене, во сè добро уреден и утврден. Да, Тој ќе направи да напреднува сето мое спасение и секоја моја желба.
Беззакониците се како трња во пустината, зашто никој не ги фаќа со рака.
Никој не ги допира освен со железо и со дршка на копјето и потполно ги изгоруваат во оган.”

Римјаните 8

31 И така, што да речеме на ова? Ако е Бог за нас, кој ќе биде против нас?
32 Оној, Кој не Го поштеди ни сопствениот Син, туку Го предаде за сите нас, како не ќе ни подари сè друго со Него?
33 Кој ќе ги обвини Божјите избраници? Бог ли, Кој ги оправдува?
34 Кој е оној кој ќе ги осуди? Христос Исус ли, Кој умре - но уште и воскресна - Кој е од десната страна на Бога и Кој се застапува за нас?
35 Кој ќе нè одвои од Христовата љубов? Неволјата ли, или притеснувањето, или гонењето, или гладот, или голотата, или гибелта или мечот?
36 Како што е напишано: „Заради Тебе нè убиваат постојано, нè сметаат како овци за клање.”
37 Но во сè ова победуваме надмоќно преку Оној, Кој нè возљуби.
38 Зашто сум уверен дека ни смртта, ни животот, ни ангелите, ни властите, ни сегашноста, ни иднината, ни силите,
39 ни височината, ни длабочината, ниту некое друго создание, ќе може да нè оддели од Божјата љубов, која е во Христа Исуса, нашиот Господ.

1 Коринтјани: 5:7-8...13


Очистете се од стариот квас, за да бидете ново тесто, како што сте бесквасни. Зашто и Христос, нашето пасхално јагне, беше жртвувано за нас.
Затоа треба да празнуваме не со стариот квас, ниту со квасот на злобата и лукавството, туку со бесквасниот леб на искреност и вистина.
Ви пишував во писмото, да не се мешате со блудници,
не воопшто со блудниците на овој свет, или со лакомците, или со разбојниците, или со идолопоклонците, зашто тогаш би требало да излезете од светот.
Но сега ви напишав да не се дружите со оној, кој се наречува брат, а блудник е или лакомец, или идолопоклоник, или хулник, или пијаница или разбојник. Со таков и да не јадете!
Зашто, не ми се паѓа мене да ги судам оние, кои се надвор? Зар вие не им судите на оние, кои се внатре?
А Бог ќе им суди на оние кои се надвор. „Отстранете го злиот од својата средина!”

СПАСЕНИЕТО ПРИБЛИЖУВА - ПОВИК ЗА СВЕТ ЖИВОТ

РИМЈАНИТЕ 13


11 И правете го тоа затоа што го знаете времето во кое сме, зашто е веќе време да се разбудите од сонот; зашто сега спасението ни е поблизу, отколку кога поверувавме.
12 Ноќта помина, а денот наближи. Затоа да ги офрлиме делата на темнината, а да се облечеме во оружјето на светлината!
13 Да одиме пристојно како дење, не во гозби и пијанки, не во блуд и страстољубие, не во препирки и зависти,
14 туку облечете се во нашиот Господ Исус Христос, и не мислете како да ги задоволите похотите на телото

Колосјани: 3:13

Трпете се еден со друг и проштавајте си еден на друг, ако некој има поплака против некого, како што и Господ ви прости вам, така проштавајте и вие!

Псалми 106:47

Спаси нè, Господи, наш Боже, и собери нè од безбожните народи, за да Го славиме Твоето свето Име, за да се фалиме со Твојата Слава.


СКАПОЦЕН ТЕМЕЛ И СВЕТА ГРАДБА

2Петар 2:4-9

Дојдете кај ИСУС ХРИСТОС. Тој е Живиот Камен, Кој , навистина од лугето беше отфрлен, но БОГ го одбра и за Него е скапоцен.Сега и вие како живи каменња сте вградени во еден духовен дом, за да бидете свето свештенство, да принесувате духовни жртви прифатливи за Бог, заради ИСУС ХРИСТОС.За ова во Светото Писмо Бог вели: Еве ,во Ерусалим ке поставам Камен темелник, одбран и скапоцен, кој ке поверува во НЕГО, никогаш нема да се разочара. Да за вас што верувате:Тој Камен што зидарите го отфрлија ,стана Камен темелник, Скапоцен Камен,а за оние што го отфрлаат ,истиот Камен е: Камен од Кој ке се сопнуваат, Карпа преку која ке паѓаат.Тие се сопнуваат затоа што не ја слушаат и не ја веруваат Божјата порака. Но вие сте одбрани луге царско свештенство, свет народ, луге што му припаѓаат на Бога. Вие сте избрани за да им ја покажете ла луѓето Божјата добрина, зашто БОГ ве изведе од темнината и ве воведе во Својата прекрасна светлина.

Исаија 45:18

Да, вака зборува Господ, Творецот на небесата - Тој е Бог - Кој ја вообличи и ја создаде земјата, Кој ја зацврсти и не ја создаде пуста, туку ја вообличи за живеење: „Јас Сум Господ и нема друг.