Заштитниот знак на Скопје – „Чичко Стоилко“ заминува во историјата

Еден од заштитните знаци на „старо“ Скопје, сендвичарата пред влезот на ГТЦ, познатиот „Чичко Стоилко“ чека булдужерите да го пратат во историјата и сеќавањата на скопјани.

Чичко Стоилко ќе оди во историјата. Со реконструкцијата на зградата на ЕЛЕМ и ЕВН, согласно урбанистичкиот план, киосците за брза храна на плоштадот Македонија ќе бидат урнати. Компаниите кои веќе имаат добиено одобрение за градба ја известиле општина Центар дека треба да почне откстранувањето на времените објекти на ДТУТ Нино ДООЕЛ Скопје, ДОО Лозена компани (Чичко Стоилко) и две бараки помеѓу горенаведените два објекти.

По уривањето ќе почне реконструкцијата фасадата на огромната зграда во центарот на Скопје, на плоштадот Македонија

Промовирани првите електрични возила и скутери на струја. Петте електромобили, кои ќе служат за туристички прошетки, веќе се пристигнати. Договорот за нивна набавка „Градски паркинг“ го склучи со фирмата „Хипнел“, а едно возило чини 11.420 евра.Познавачите велат дека со овој тип на возила заштедата на граѓаните е најголема.

Искрено: Скопје зад статуите и спомениците

Една од најпознатите страници за туристите, кои редовно својата следна дестинација ја бараат токму таму – Lonely planet, во екот кога беше проектот „Скопје 2014“ година, напишаа цела статија за нашиот главен град. Проектот се уште не е завршен, со оглед на тоа дека кога ќе поминете низ центарот на градот уште гледаме скелиња и работници. Многу различни мислења се слушнаа за овој проект, па имаше и позитивни и негативни реакции. Сепак, уредниците на страната, решиле Скопје да им го пренесат на туристите во вистинско светло, прикажувајќи ги сите убави знаменитости за кои вреди да се дојде и да се почувствува скопскиот дух. Ви ја пренесуваме статијата во целост:

Скопје помина низ многу промени во последно време. Без разлика дали вие сакате или не, главниот град на Македонија во последните пет години помина низ огромна – некој би рекол и апсурдна промена. Ако погледнете зад ново изградените шарени фасади и ексцентрични орнаменти, ќе најдете повеќе историја, подобра атмосфера и одлично гостопримство.

Преку озлогласениот проект „Скопје 2014“ се изградија и реконструираа неколку нови згради меѓу кои и Владата, музеи, националниот театар (да не ја споменуваме и триумфалната порта и двата моста), што може да се опише со мешавина од барок, неокласицизам и мода слична на онаа во Лас Вегас. Во него се вметнати и голем број на нови споменици и бронзени статуи, вклучувајќи ја и статуата на 22 метарскиот Воин на коњ, заедно со фонтана и музичко светечко шоу, која се наоѓа на плоштад Македонија.

Проектот требаше да даде акцент врз националниот идентитет, а со тоа и да го зголеми туризмот во главниот град. И покрај тоа што најверојатно успеа да привлече туристи, тоа се случи најверојатно поради погрешни причини: Нов изглед на Скопје со кој се засенуваат автентичните атракции на она што беше важно во овој град цели 1500 години.

Отоманско и византиско наследство

Населен на почетокот на 3 век, Скопје започна да создава име за себе како важен трговски центар со порастот на Византиското и православното христијанство околу 6 век. Токму во овој период се поставија темелите на тврдината Кале, која до ден денес е една од најзначајните знаменитости.

После ридот се наоѓа уште еден остаток од тоа време – Камени мост, над реката Вардар. Ова е основна врска меѓу модерниот град и Старата чаршија, односно стариот дел, каде што се наоѓа еден од најголемите пазари на Балканот. Во овој историски дел од градот, кој се развивал во рок од пет века под турско ропство, се наоѓаат низа мозаици и галерии, како што се City Art Gallery и Чифте Амам. 

Интересен контраст во Старата чаршија е една од најважните цркви во православното христијанство во Скопје, црквата Свети Спас изградена во 14 век, токму во овој дел од градот. Вреди да се влезе во неа и да се видат дрвените иконостаси.

Остатоци од земјотресот

Проектот „Скопје 2014“ е втората промена во Скопје. Првата промена била по земјотресот, кој уништил ¾ од градот на 27 јули 1963 година. Часовникот на старата железничка станица, кој сега е музеј на град Скопје, се уште покажува 05:17 часот – времето кога се случила катастрофата. Скопје беше повторно издигнат благодарение на Југословенскиот претседател Тито и како резултат на тоа, воскресна како еден вид на модернистички рај. Одлични примери за овие архитектури се зградата на Главната пошта и кампусот универзитети Св. Кирил и Методиј.

Уште една интересна културна градба издигната по земјотресот, е Музејот на современа уметност, која најверојатно е најдобра од овој вид во регионот, благодарение на донациите од артистите и колекционерите низ светот. За футуристичко и мирно искуство, посетете ја меморијалната куќа на Мајка Тереза.

Најдобри прибежишта

За да го видите градот од различни перспективи, искачете се на врвот Водно, каде што лесно може да дојдете преку градскиот превоз и потоа преку жичара, но ако сакате повеќе да уживате, искачете се преку планинарските патеки. Кога ќе се искачете ќе го видете Милениумскиот крст висок 66 метри, најголем во светот, а исто така може да ручате во ресторанот или во некое од пикник местата. Недалеку е и Манастирот Свети Пантелејмон, изграден во 12 век, кој исто така ќе ви овозможи неверојатен поглед кон градот.

Ако патувате 15км југозападно од Скопје ќе стигнете до езерото Матка, едно од најубавите природни точки во земјата и одлично место да поминете еден ден во пливање, пикник и истражување на пештери и манастири.

Јадење и ноќен живот

Во Скопје може да го најдете најевтиното јадење, па осигурете се да имате полна чинија, со цел да испробате што е можно повеќе од македонската кујна. Македонското мени вклучува многу јадења кои ќе ги најдете насекаде низ Балканот, како на пример месо приготвено на скара, но може да ги пробате и националните тавче-гравче и пастрмајлија. 

Совршеното место каде што ќе можете да пробате сè е Пивница Ан, која се наоѓа во Старата Чаршија, додека во Ла Тана, од другата страна на реката може да уживате во жива музика секој викенд.

Доколку сакате да го искусите ноќниот живот, упатете се кон Дебар Маало, каде што има добри барови, а баровите во Стара Чаршија се најдолго време отворени.

Посетете го Скопје

Во последните неколку години, аеродромот Александар Велики ги намали цените на летови, со што овозможуваат за евтин билет да стигнете од Западна Европа до Македонија. Исто така има автобуски линии до главните градови во регионот, како што се Белград, Солун и Софија, што не е и случај со возовите. Резервирајте си карта и правец кон Скопје!