Прилеп викендов домаќин на арт-фестивалот „Баскерфест“

• Објавено: пред 1 час
• Прочитано: 84
• Печати

Утре и задутре, Прилеп ќе биде домаќин на стрит – арт фестивалот „Баскерфест“. Познатиот уличен фестивал „Баскерфест“ ќе се одржува на три локации на плоштадот „Александрија“.

За време на двете фестивалски вечери, на 29 и 30 јуни прилепчани ќе имаат можност да проследат повеќе артисти кои што ќе изведат претстави, пантомима, перформанси, улични танчари, креативни активности, ликовни изложби, базар на ракотворби и работилници.

Исто така овој фестивал ќе биде збогатен и со концертни изведби на „David Neskoski Тrio“ и „Star Boу“ од Нов Зеланд во саботата и наредниот ден во неделата „Cross Road Blues“ и  „Dirty side“ од Штип на камената бина на плоштадот „Александрија“. 

ЗА ПИВО ФЕСТ БЕСПЛАТЕН КАМПИНГ И ОДЛИЧНИ УСЛОВИ НА МОГИЛА

ВО ПРЕСРЕТ НА НАЈГОЛЕМИОТ ФЕСТИВАЛ НА ПИВОТО ВО ПРИЛЕП, ИНТЕРЕСОТ СЕКОЈДНЕВНО РАСТЕ.

Хотелските капацитети се речиси во целост резервирани, места има уште малку.

Како што информираат од општина Прилеп за Курир, оваа година ќе има посебни услови за камперите кои ќе се одлучат да се сместат во шатори на Могила.

Местото за поставување шатори и годинава е бесплатно. Новитет е што ќе бидат поставени туш кабини за посетителите. Дополнително, за сите кампери обезбедени се кафе и супа, велат од општината за Курир.

Секоја година Прилеп се соочува со се поголема заинтересираност за фестивалот на пивото. Оваа година има огромен интерес за учество од пиварите и рестораните.

Ќе се рушат рекорди, тоа е сигурно. Љубителите на пивото, скарата и добрата музика ќе имаат тешка задача да го срушат минатогодишниот неверојатен рекорд.  Како што соопшти градоначалникот по завршување на лудата забава, 400 илјади посетители кревале кригли и испиле 289 тони пиво, изедоа 124 тони скара.

За оние кои најмногу уживаат во пивото, ќе се одржуваат  натпревари во пиење секој ден.