Кафе со шеќер за идеален почеток на работниот ден

Утринското кафе многу подобро ќе ве расони и ќе го подготви вашиот мозок за работниот ден ако го консумирате со шеќер.

Кафето со шеќер ја зголемува ефективноста на мозокот

Шпански научници тврдат дека кафето има многу посилен ефект врз работата на мозокот ако се консумира во комбинација со шеќер.

До овој заклучок тие дошле откако им го скенирале мозокот на 40 доброволци кои се напиле кафе, кафе со шеќер, консумирале само шеќер или се напиле само вода.

Истражувачите откриле дека кај учесниците кои консумирале кафе со шеќер била забележана поголема ефективност на мозокот во областа задолжена за задржување на вниманието и областа за т.н. „работна меморија“ (способност да се помнат сите неопходни информации, релевантни за определена задача).

Ако не сте обожавател на кафе со шеќер, тогаш заедно со кафето каснете некое мало колаче и ќе бидете подготвени да се фрлите на работа.

Кафето нè буди по автосугестија

Ако сте еден од оние кои мислат дека нема да го издржат денот без утринското кафе, тогаш се лажете. Научниците докажаа дека во прашање е автосугестија. Големиот број луѓе се чувствуваат успорено и поспано во текот на целиот ден доколку не се напијат утринско кафе, а ако не го испијат и она попладневното, стануваат нервозни.

Иако и научно е докажано дека кофеинот предизвикува лачење на адреналин во нашиот организам, едно лондонско истражување покажало дека влијанието на кофеионот на нашиот организам пред сè е во нашите глави. Ако пиеме кафе за да се расониме, нашиот мозок така и ќе реагира.

Научниците ги поделиле испитаниците во четири групи, давајќи им на дел од нив обично кафе, на некои исто така обично кафе но им било кажано дека е безкофеинско, а на останатите им било дадено кафе без кофеин за кои биле уверени дека е обично. Резултатите покажале дека луѓето кои пиеле безкофеинско кафе мислејќи дека во него има кофеин, подеднакво добро ги решиле тестовите кои им биле дадени и на оние кои пиеле обично кафе.

Најновото истражување целосно ги открива навиките на љубителите на кафе, а според резултатите дневно во просек се пијат 2,2 шолји, додека секој го прескокнува бескофеинското кафе.

Во истражувањето во кое учествувале 1.700 доброволци, 83 отсто од нив одговориле дека секојдневно уживаат во омилениот напиток, додека кафето за нив претставува дневна рутина. Околу 12 отсто пијат кафе неколкупати неделно, два отсто пијат неколкупати месечно додека еден отсто неколкупати годишно.

Како дневна доза на кафе се посочени 2,2 шолји, додека помала група на луѓе посочила дека успеваат да ја намалат консумацијата неколкупати неделно. Истражувањето покажало дека бескофеинското кафе не е многу популарно така што само пет отсто преферираат да го пијат.

Новото истражување покажа дека љубителите на кафето нема да престанат да го пијат дури и во кризни времиња. Кога кафето почнува да се пие на помлада возраст, подоцна е потешко да се одвикнете од навиката. Најголем број луѓе почнале да го консумираат на возраст меѓу 15 и 19 години.

Научниците сметаат дека токму овој факт е пресуден зошто одвикнувањето е толку тешко. Дури 42 отсто од испитаниците признале дека не можат да се одречат од кафето, пренесува Huffington Post.

Десет причини зошто треба да се збогувате со кафето

Се чувствувате уморно, исцрпено, депресивно? Можеби за сето тоа е виновно кафето. Докторите сугерираат да го обновите организмот со тоа што ќе го елиминирате од вашето секојдневие.

Во последно време кафето е главна тема во здравствените кругови. Иако постојат многубројни студии кои ја истакнуваат улогата на кафето во спречувањето болести, сепак една од најважните карактеристики е дејството на шеќерот во крвта.

Во новата книга „The Blood Sugar Solution“, американскиот доктор Марк Хајмен истакнува дека инсулинската резистенција и воспаленијата се центарот на современите хронични болести. Тој пишува во „Huffington Post“ дека една од најважните здравствени навики кои треба да ги усвоиме се управување со нивото на шеќер во крвта преку намалување на активните супстанции кои го исфрлаат од рамнотежа. Дали знаевте дека кафето е еден од тие активатори?

„Кафето има неверојатно моќна колекција на биолошки активни состојки“- вели докторот Волтер Ц. Вилет од Харвард.

Според него, ефектите во организмот од кафето треба да се третираат како ефекти кои имаат дејство на моќна дрога.

Научниците почнаа да ги истражуваат состојките на кафето. Истражувањата покажаа дека кај личности со дијабетес 2 внесувањето кафе е во корелација со покаченото излачување на инсулинот и зголемениот шеќер во крвта по оброкот. Понатамошните истражувања покажаа дека кофеинот во кафето може да биде одговорен за лачење на поголеми количини инсулин од панкреасот.

Прочитајте ги овие десет причини зошто не треба да пиете кафе:

1. Кофеинот во кафето го зголемува хормонот на стресот. Реакцијата на стрес ги зголемува нивото на кортизол и инсулин. Инсулинот ги генерира воспалителните процеси од кои потоа се чувствуваме како болни.

2. Навикнувањето на кофеин ја намалува чувствителноста на инсулин. Големото ниво на шеќер доведува до оштетување на артериите и зголемен ризик од кардиоваскуларни болести.

3. Корисните хлорогени киселини можат да ја одложат апсорпцијата на гликоза во цревата што доведува до зголемен ризик од срцеви заболувања.

4. Нефилтрираното кафе има најголемо ниво на антиоксиданси, но во организмот најмногу се внесуваат дитрепените поврзани со покаченото ниво на триглицериди.

5. Киселоста на кафето е поврзана со иритација на дигестивниот систем и нерамнотежа на цревната флора.

6.Зависноста е чест проблем кај оние кои редовно го консумираат кафето. Ако прашате некој кој не може без кафе како се чувствува без својата омилена напивка, неговата приказна ќе  звучи како исповед на наркоман.

7. Бизнисот со кафе го поттикна создавањето култура која е зависна од слаткиот и моќен вкус на кафето.

8. Нивото на органската киселина 5-HIA и дел од неуротрансмитерот серотонин се со зголемено ниво во мокрачата на редовните косумери на кафе. Тие ризикуваат во мозокот да се синтетизира пониско ниво на серотонин потребен за нормална работа на цревата, расположението, добриот сон и нивото на енергија во организмот. Тоа е волшебен круг, бидејќи кафето може да влијае на сонот и да ја поттикне депресијата. Факт е дека колку повеќе пиете кафе, толку сте поуморни.

9. Оние кои почесто пијат кафе губат повеќе минерали како калциум, магнезиум и калиум. Тоа доведува до нерамнотежа и сериозни компликации по здравјето.

10. Состојките во кафето можат да сметаат на нормалната работа на метаболизмот на лековите и нормалниот процес на детоксикација во црниот дроб. Треба да се биде внимателен со кафе ако сте на одредена терапија за штитната жлезда или ви се припишани антидепресиви.

Како да ја прекинете зависноста?

Обидете се да се одморите од консумирање кафе и проверете како организмот ќе ви функционира на алтернативно гориво. Исфрлете го кофеинот од својот систем и веднаш ќе се почувствувате поенергични.