Најубавите стихови во Библијата

Псалм 37


1 Давидов псалм. Не се лути на злосторниците, ниту им завиди на оние што прават беззаконие.

... 2 Се сушат брзо како трева, венеат брзо како зелено растение.

3 Надевај се на Господа и прави добро, живеј на земјата и храни се со вистината.

4 Сета твоја радост нека биде во Господа: Тој ќе ги исполни желбите на твоето срце!

5 Предај Му ги на Господа своите патишта, надевај се на Него, и Тој ќе води сè.

6 Твојата правда ќе блесне како светлина и твојот суд како пладне.

7 Смири се пред Господа и надевај се на Него, не дразни се заради оној, кој напредува на својот пат, заради човекот кој кове подлост.

8 Стивни го својот гнев и остави ја лутината, не се дразни за да не направиш зло.

9 Зашто злосторниците ќе бидат сотрени, а кои се надеваат на Бога, ќе ја наследат земјата.

10 Уште малку и ќе го снема безбожникот, ќе го бараш неговото место, а него веќе ќе го нема.

11 Кротките ќе ја наследат земјата, тие ќе уживаат во изобилен мир.

Но Исус му рече: „Остави ги мртвите да ги закопуваат своите мртовци, а ти оди и разгласувај го Царството Божјо!”



Ев.Лука 9:60

„Блажен е оној кој ќе јаде леб во царството Божјо!”
Ев. Лука 14:15

И не оскрбувајте Го Светиот Дух Божји со Кој сте запечатени за денот на откупувањето.

Отстранете ја подалеку од вас секоја огорченост, јарост, гнев, викање и хулење заедно со секоја друга злоба.

Бидете еден спрема друг добри и милосрдни, проштавајќи си еден на друг, како што и Бог ви прости во Христос!
Ефес. 4:30-32

Колосјани: 3:13

Трпете се еден со друг и проштавајте си еден на друг, ако некој има поплака против некого, како што и Господ ви прости вам, така проштавајте и вие!

„Оче, прости им, зашто не знаат што прават!”    

Ев. Лука 23:34    








Изменето од spiros - 20.Март.2013 во 23:49

Псалм 1


1 Блажен е човекот кој не оди по советот на нечесните, и не стои на патот на грешниците, и не седи во седиштето на потсмевачите;

2 туку волјата му е во Господовиот Закон и за Неговиот Закон размислува дење и ноќе:

... 3 Тој е како дрво засадено покрај водни потоци, што донесува плод во свое време; неговите лисја никогаш не венат; сè што прави, во сè успева.

4 Нечесните не се такви, тие се како плева што ветерот ја разнесува.

5 Затоа нечесните нема да се одржат на суд, ниту грешниците во собранието на праведните.

6 Зашто Господ го знае патот на праведните; а патот на нечесните ќе пропадне.