Пофалби и жалби за Македонија

Одлуката за Република Македонија воопшто да нема ниту заклучок, ниту датум за почеток на преговорите за членство во Европската унија на претстојниот Самит на Европскиот совет, е на земјите-членки на Унијата. Ова е одговорот на комесарот за проширување Штефан Филе на прашањето на дописникот на МИА од Луксембург зошто Македонија повторно останува со празни раце, и покрај тоа што е земја-кандидат цели осум години, а пролетта доби позитивен Специјален извештај на Комисијата правен врз основа на заклучоците на декемврискиот Самит на Советот.

По завршувањето на денешниот состанок на Советот за општи работи (ГАК), на кој министрите за надворешни рбаоти на земјите од ЕУ дообрија отворање на пристапни преговори со Србија најдоцна до јануари 2014, а најрано во октомври годинава, Филе нерадосно се осврна и на ситуацијата со Македонија.

- Земјите-членки одлучија да не ја стават БЈР Македонија на агендата. Сепак, јас денеска ги информирав министрите за писмото кое го добив од македонскиот претседател во однос на тоа дека во БЈР Македонија, кој ме информира дека започна со работата Комисијата за истрага на настаните од 24 декември 2012 година, што произлезе од договорот за ставање на крај на политичката криза во земјата постигнат на 1 март. Едноставно, денеска немаше дискусија за ова прашање, конкретизираше Филе.