Да те надополнам пријателе,тоа го има и во Науката,Философијата, Културата,НИСКОИНТЕЛЕГЕНТНАТА власт,со нејзините подржувачи кога ќе се добере до позиција,ги прави РАБОТИТЕ неразумни,НЕЦИВИЛИЗИРАНИ и мисли дека се од НИВ почнува.

Да точно сега ТЕНЏЕРИЊАТА им се далечно минато,а ЈАС ќе речам само потеклото на премиерот и неговата потесна фамилија со братучедите, па потоа како во градовите сите МАФИЈАШКИ-ФАМИЛИЈАРНО се вработуваат, за обичниот човек,за РАЗУМОТ тука нема место.

Но некој од страна,поготово членови во МПО,мислат дека сега го фатиле горниот за мадиња и исто дискутираат и делат МОРАЛ како во некое далечно минато,мислиш отишле ПОДАЛЕКУ во разумот,но она ИСКОНСКОТО ВО НИВ ОСВЕТА,тоа ги води,тоа е само побугарчената МАСААА,ВРХОВИСТИТЕ,тие се сега на власт, а дечурланата па таа се лаже,сега вредноста на животот ја намалија на ниво на ЖИВОТИНСКИ опстанок.

лелеле Zeksi стварно си досаден или така се правиш....човече?.

..абе размисли малку наопаку. 

Банана-држава

Изразот прв пат бил употребен во 1904 година за ситуацијата во Хондурас. Корумпираната и богата елита на Хондурас вовела диктаторски режим и ја маргинализирала опозицијата

Според старата африканска легенда изразот банана потекнува од еден мајмун по име Банана. Мајмунот се хранел исклучиво со инсекти, бил многу мрзелив и јадел по цел ден. Едно утро го сретнал богот на птиците Златниот Феникс и го опоменал: „Те молам, Банана, престани да јадеш инсекти бидејќи ми се жалат сите птици на твојот гурманлук“. Му понудил разни лисја и треви што ги јаделе слоновите и жирафите, но тоа не помогнало. Ненадејно наишле ловците кои се обиделе да ги уловат. Кога избил пожар, Феникс и мајмунот избегале во повлажните делови на џунглата. Таму случајно го здогледале овошјето кое личело на жолта полумесечина и ширело вкусен и привлечен мирис. Решиле да го пробаат. Ја излупиле кората и го пробале овошјето. Од кората која ја фрлиле се лизнале ловците, а од вкусното овошје гурмански се најале. Кога мајмунот го запрашал Феникс како се вика ова божествено овошјето, Феникс го предложил неговото име - банана.

Можеби и не е случајно што често кога ќе се спомене бананата, често се прават асоцијации со нашите предци - мајмуните. Инаку, изразот се користи во повеќе домени, специјалитети и метафори. Од банана-сплит, преку банана-крем и похувана банана, до банана-држава и банана-република. Изразот „банана-држава“ има најмалку три значења. Првото значење е економското и означува држава-произведувач и извозник на ова јужно овошје. Второто значење се однесува на неразвиените држави чии стопанства се потпираат врз еден производ, како што се кафето, какаото, бананите, памукот, каучукот... Третото значење е од политиколошка природа и се однесува на економски неразвиените држави во кои власта е недемократска, каде што владее плутократија или група богаташи, опозицијата е постојано под притисок на власта, а функционирањето на институциите е карикатурално, недемократско, коруптивно со тенденции на диктаторски примеси.

Изразот прв пат бил употребен во 1904 од страна на американскиот писател О. Хенри, кој живеел во Хондурас каде што со планатажите на банани раководела американската Јунајеид фрут компани. Во овој период корумпираната и богата елита на Хондурас вовела диктаторски режим, ја маргинализирала опозицијата, ги апсела и заплашувала сите слободоумни луѓе, го потплатила синдикатот и организирала антисиндикални манифестации. Опозициските медиуми биле целосно укинати, политичките затвореници биле осудувани на тешки казни, а народот бил постојано заплашуван со црвената комунистичка опасност. Претседателот на државата немал никаков авторитет и бил обична мапет-кукла. Себичноста на плутократите била толку голема што заслепени од огромните профити и корупција, почнале да и' пречат и на американската компанија. Во тој период биле извршени околу 50 државни удари по кои со целото свое богатство заминувале во некоја друга латиноамериканска држава. Сиромашниот народ живеел како во кафез, индоктриниран, заплашен и контролиран, слично како животните во зоолошката градина кои се среќни кога чуварите делеле храна.

Кристијан Бланшар, автор на црниот роман „Теоремата на мајмунот“, го објаснил однесувањето на мајмуните затворени во кафез на чиј кров била обесена бананата. Преку оваа теорема можат да се протолкуваат извесни рефлекси на животните кои се слични со оние на човекот. Мајмуните се обидувале со помош на скалата да ја дофатат вкусната банана. Секогаш кога некој од мајмуните ќе пристигнал до врвот, сите биле поливани со студена вода што ги обесхрабрувало во нивните намери. Кога во кафезот биле донесени други мајмуни кои не знаеле за студената вода, групата мајмуни насила ги спречувале да ја дофатат бананата за да не бидат повторно непријатно разладени со ледената вода. Теорема за мајмуните настојува преку парабола да објасни на каков начин е можно да се конзервира една комично-деспотска состојба и систем и да се одржува се' до појавата на некој револуционерен дух кој ќе настојува да ја промени. Теоремава како да потсетува на нашата политичка состојба каде што власта веќе седма година владее со помош на ледената вода, а заплашените граѓани во кафезот не се ни се обидуваат да подадат глава.

Македонија не е производител на банани, ниту има прашуми и џунгли во кои живеат мајмуни, но однесувањето на владејачката политичка елита создава импресии кои и' даваат карактеристики на банана-држава. Минатата година ДПМНЕ ја задолжи државата за да ја ефектуира финансиската супериорност за време на изборите, ги монополизира медиумите, ја затвори единствената опозициска телевизија А1, ги уапси и осуди на невообичаено долги казни сопственикот и вработени во овој медиуми, го уапси и осуди еден од лидерите на опозициската партија Љубе Бошкоски со подметнат сведок и му се заканува со нов сведок за друг случај. Таа ги заплашува во континуитет интелектуалците, ги уценува деловните луѓе, организира протести пред седиштето на опозицијата, воведе дневна црна кампања.

Истата практика настојува да ја продолжи и во овој период се' до следните избори. Како што истакнаа демосовците Ѓорѓи Спасов и Никола Поповски во неодамнешните колумни, Светска банка можеби и не е свесна дека со голем заем на Владата ќе учествува во изборна корупција. Најавениот кредит од 250 милиони евра би бил дистрибуиран во вид на зголемување на пензиите, платите и социјалните давачки пред локалните, а можеби и вонредните парламентарни избори. Дали тоа значи дека опозицијата би требало да вети двојни зголемувања на пензиите со двојно поголемото задолжување.

Истата „квака“ што им ја продава ДПМНЕ на земјоделците, администрацијата, медицинскиот кадар, деловните луѓе, на „Аман“ за намалување на цената на струјата и бензинот може и опозицијата двојно да им ја вети доколку гласаат за промени. Воедно, би било пожелно опозицијата со цел да се избегнат маскаради од типот на маршеви и протести на нашминканите помлади и повозрасни шмизли кои се продаваа за земјоделки и стечајки со високи штикли, мини-здолништа, скапи наочари за сонце, за да не останат со празни раце да им вети по некоја мотика или гребло за да постигне естетско-социјална рамнотежа со сиромаштијата, стечајците и земјоделците.

Од друга страна, „револуционерниот“ синдикат на здравствените работници „Мајка Тереза - Баба Зумбула“, создаден преку ноќ, кој храбро реши да биде штрајкбрехер, пожелно е да се зачлени во Унијата на европските синдикати во Брисел каде што ќе ја научи азбуката на синдикализмот и синдикалното достоинство. Да ве потсетам ова не се случува во Хондурас во почетокот на минатиот век. Ова се случува во Македонија во втората деценија на 21 век. Не сме произведувачи на банани, иако нашиот народ е солиден потрошувач на ова овошје. Можеби немаме многу мајмуни, но често се чувствуваме како изманипулирани и исплашени мајмуни и се' повеќе личиме на банана-држава.

СЕ НАДЕВАМ ОВОЈ ПАТ НЕМА ДА БИДЕ СОКРИЕН (НЕНАМЕРНО)..... 

БТВ... ПРЕМНОГУ СЛИЧНОСТИ ВО ТЕКСТОТ НЕЛИ?!?!?

АУДИО: Беличанец – Неутралните се идиоти!

ФОТО: Плусинфо го стави конгресот на СДСМ во секси реално шоу