Нов бран - стар имотен лист...

ВМРО ДПМНЕ, во својата распадна фаза по „откачувањето„ од страна на ЕУ и НАТО, поради континуирани лаги и измами, после 15. мај о. г. влезе во фаза на АПСОЛУТНА КОРУПЦИЈА. Повеќе од забележливо е се пореткото јавно појавување на до скоро најагресивниот јуришник од пратеничките редови, велешанецот Илија Димовски. Се чини дека со неговиот последен маркантен јавен настап на тема „НОВИОТ БРАН„ , како фронтмен на Центарот за аналитика на ВМРО ДПМНЕ, Димовски ја испеа својата последна „спин„ песна.

Проблемот лежи во неговата прејаденост и презаситеност од се, ама и умор од трката по противправно стекнување имотна корист која сака да ја скрие, а не може. За да го соочиме Илија Димовски со неговата криминална историја, денес ја презентираме јавно на увид неговата имотна картичка, поставена на веб страната на Државната комисија за спречување на корупција. Веќе првиот поглед на овој јавно достапен документ не упатува на заклучок дека е застарен, дека се однесува на период од денот кога прв пат станал пратеник, во јули 2006. до 2008. година. Илија Димовски како пратеник си ја нема исполнето својата законска обврска и после минатогодишните парламентарни избори нема поднесено нова имотна состојба за да споредиме како расте неговото лично збогатување од година во година. Значи, моментната имотна состојба на пратеникот Илија Димовски е непознаница за јавноста, ама и за ДКСК, од каде никој не го опоменува заради ова. А треба!

Сепак и неажурираната имотна состојба на Илија Димовски, достапна во оваа форма (2006/2008) е доволен доказ за тотално исфорсирана корупција која ја има зафатено владејачката партија. Засега е тајна каква е актуелната имотна состојба на Илија Димовски после 2008. година. Но, во сеуште актуелно достапната имотна состојба има неколку ставки кои се класичен доказ дека пратеникот Илија Димовски силно загазил во криминално збогатување преку ноќ:

1. На пратеничка функција во јули 2006. стапува како невработено лице кое нема имот на свое име, туку учествува во поделба на семејниот имот заедно со неговите родители, стекнат од порано.

2. Криминално се спорни наведените ставки од неговиот ЛИЧЕН ИМОТ, наброени како Хартии од вредност во вкупен износ од 183.000 денари, стекнати во 2007. година. Ако бил невработен до средината на 2006. и станал пратеник па почнал да си го средува животот, од каде му одеднаш екстра пари во 2007. година и акции да купува? 

3. Но, дури и да се снашол за пари за акции во вредност од 183.000 денари, сосема криминално и лесно за докажување дека нешто силно не е во ред се ставките БАНКАРСКИ ДЕПОЗИТИ, каде пријавил дека на денарска штедна книшка на неговите родители во НЛБ Тутунска банка има дури 2.750.000 денари  (45.000 ЕУР). Од каде толку пари на денарска штедна книшка на родителите, инаку СТЕЧАЈНИ РАБОТНИЦИ, ќе треба да утврди некоја идна извршна власт. Сегашната потполно го поддржува во ова што го има „сработено„ и за само две години го има распоредено по штедни книшки на потесното семејство. 

4. Втора слична ставка е неговата лична денарска штедна книшка на која пак има „само„ 2.600.000 денари (42.500 ЕУР) заштеда. Што е исто така индикативно и речиси невозможно да се „сработи„ за само две години од пратеничка плата. Како од пратеничка плата се одвојуваат толку пари и се депонираат на штедна книшка за само две години е прашање и за експерти од економија и банкарско работење.

5. Најиндикативна за мене сепак е ставката денарска штедна книшка со заштедени 800.000 денари (13.000 ЕУР), средства кои ги пријавува како имот на неговата сестра. Во Велес малкумина знаат дека Илија Димовски воопшто има сестра. Причините се речиси непознаница за јавноста, а само малкумина од блиското опкружување на Димовски знаат дека неговата сестра има здравствени проблеми и се наоѓа на лекување подолго време надвор од Велес, ама и дека поради природата на дијагнозата воопшто не е способна да управува со своите финансии. Па логично се наметнува заклучок дека Илија Димовски ја злоупотребува здравствената положба на неговата сестра и ја користи како покритие за криење на противправно стекнатиот имот како пратеник. 

Самиот факт дека пратеникот Илија Димовски за само првите две години од првиот пратенички мандат, во домашниот буџет внел што на свое, што на име на потесното семејство дури 100.500 еура во денарска вредност, е показател дека владејачката партија предводена од Никола Груевски, не само што не ги спречува своите пратеници да се однесуваат во рамките на законот, туку дека згора ги мотивира веќе од првиот ден кога седнуваат во пратеничките клупи да јуришаат на материјални добра, недостапни за обичниот граѓанин кој едвај составува крај со крај...

Инаку, за потребите на оваа презентација, пред една недела се обратив писмено со барање до портпаролот на ВМРО ДПМНЕ, Александар Бичиклиски. Го добив следниот одговор: „Јас не можам да дадам став за нешто што е лична работа на Илија Димовски и што не е поврзано со партиските активности. Тоа не е во делокруг на мојата работа.„Истовремено побарав и од Илија Димовски одговор на мои прашања во врска со ова, ама не ме удостои со одговор до денес. Еве ги прашањата доставени до него:

Почитуван г. Димовски,

Го прегледав вашиот имотен лист од веб страницата на ДКСК и забележав повеќе нелогичности и недоследности. Ќе ви поставам прашања во врска со тоа и ќе очекувам ваш одговор кој ќе биде објавен заедно со мој текст на оваа тема на порталот Буревесник:

1. Од каде ви е толку имот ако се знае дека до јули 2006. сте невработен?

2. Имотниот лист ви е од 2008. година, па се поставува прашање од каде ви е толку имот за само две години извршување пратеничка функција?

3. Зошто не поднесете најнов имотен лист до 2012. година? Криете ли нешто?

4. Од каде им се на вашите родители толку големи износи на штедна книшка, ако се знае дека и двајцата се стечајни работници?

5. Од каде и се на вашата сестра средствата на штедна книшка?

6. Кога планирате да поднесете најнов имотен лист?