Бранко ќе бојкотира, а градоначалниците на СДСМ најавуваат победа

И покрај тоа што градоначалниците од редовите на СДСМ подготвуваат програми да ги задржат уште еден мандат градоначалничките фотелји, опозицискиот лидер Бранко Црвенковски најави дека на избори нема да оди. Сами се откажаа и од условите кои секојдневно ги поставуваа, потенцирајќи ги како клучни за фер и демократски избори.

Зоран Заев најави победа на изборите, кои Црвенковски одлучи да ги бојкотира.

Кандидатите за градоначалници кои важат за фаворити и имаат сериозни шанси за мандат веќе најавуваат победа во првиот круг и ги промовираат предизборните кампањи. Со тоа се отвора прашањето дали ќе ја почитуваат личната одлука на нивниот лидер и ќе се откажат од поддршката која им ја дале граѓаните, или ќе поднесат независни кандидатури, а со тоа сами ќе си пресудат дали ќе останат во раководните органи на СДСМ. Вечер ги праша адутите на СДСМ, Зоран Заев и Стевче Јакимовски, дали се согласуваат со одлуката на Црвенковски да се бојкотираат изборите во март, но одговор не добивме. Неизвесно е дали ќе ја трчаат изборната трка, и покрај тоа што до неодамна најавуваа победа во нивните општини. Евентуалната независна кандидатура, ќе значи отцепување од Бихаќка, по примерот на Бучковски и Бузлевски. Во јавноста деновиве се поприсутни се шпекулациите дека голем број високи фунционери и пратеници од СДСМ не се согласуваат со актуелната деструктивна политика на Црвенковски и за начинот на кој тој владее, дека за тоа се запознаени и странските претставници, но засега никој јавно не се обиде да го крене гласот. Актуелниот градоначалник на Охрид, Александар Петрески најави дека ќе ја почитува одлуката на партијата за неучество на изборите во март.

Повеќе на:

http://vecer.com.mk/default.asp?ItemID=3622D2500B683249B6104EAAFD549611&utm_source=daily.mk

Ама коментарот на охридскиот градоначалник, како и секогаш,  претставува бисер над бисерите на кои може да му позавиди и  Амди Бајрам:

"Моето мислење е дека штом не учествуваме на избори, тогаш тие нема да се одржат. Во никој случај тоа нема да биде позитивно и за мојот противкандидат од ВМРО-ДПМНЕ. Како може ВМРО-ДПМНЕ сами да организираат избори и само тие да учествуваат во нив. Тоа е невозможно", вели за охридското Супер Радио градоначалникот Петрески.